ଗତବର୍ଷ ଭଳି ଚଳିତବର୍ଷ ମଧ୍ୟ କରୋନା ସମୟରେ ସମସ୍ତେ ଏହାର ପ୍ରତିକାର କଥା ଚିନ୍ତା କରିଥିଲେ। ଏହାର ପ୍ରତିକାର ଭାବେ ଆସିଥିଲା ଭାକ୍ସିନ୍ ବା ଟିକା। ଏବେ ପ୍ରାୟ ସବୁ ଦେଶରେ କରୋନା ଭାକ୍ସିନ୍ ପ୍ରସ୍ତୁତ ହୋଇ ବିଶ୍ବସ୍ତରରେ ପାଖାପାଖି ୫୫% ଲୋକ ଟିକା ନେଇସାରିଲେଣି। ତେବେ ଏହି କାରଣ ଯୋଗୁଁ ଚଳିତବର୍ଷ ‘ମେରିୟମ୍ ୱେବଷ୍ଟର୍’ ଡିକ୍ସନାରୀ ପକ୍ଷରୁ ‘ଭାକ୍ସିନ୍’ ଶବ୍ଦଟିକୁ ‘ୱାର୍ଡ ଅଫ୍ ଦି ଇୟର୍’ ଭାବେ ଚୟନ କରାଯାଇଛି। ‘ମେରିୟମ୍ ୱେବଷ୍ଟର୍’ର ଏଡିଟର୍ ଏଟ୍ ଲାର୍ଜ ପିଟର୍ ସୋକୋଲୋବକ୍ସି କହିଛନ୍ତି ଯେ, ‘ଭାକ୍ସିନ୍’ ଶବ୍ଦଟି ଦୁଇଟି ବଡ଼ ବଡ଼ କାହାଣୀକୁ ବର୍ଣ୍ଣନା କରୁଛି । ଗୋଟିଏ ହେଉଛି ବିଜ୍ଞାନର ବଡ଼ ସଫଳତା ଓ ଦ୍ବିତୀୟଟି ହେଉଛି ରାଜନୈତିକ ଚର୍ଚ୍ଚା। ‘ଅକ୍ସଫୋର୍ଡ’ ଇଂରାଜୀ ଡିକ୍ସନାରୀ ମଧ୍ୟ ‘ଭାକ୍ସିନ୍’ ଶବ୍ଦକୁ ‘ୱାର୍ଡ ଅଫ୍ ଦି ଇୟର୍’ ଭାବେ ଭାବେ ଚୟନ କରିଥିଲା। ଗତବର୍ଷ ‘ମେରିୟମ୍ ୱେବଷ୍ଟର୍ ଡିକ୍ସନାରୀ ପକ୍ଷରୁ ‘ପାଣ୍ଡାମିକ୍’ ଶବ୍ଦକୁ ‘ୱାର୍ଡ ଅଫ୍ ଦି ଇୟର୍’ ଭାବେ ଘୋଷଣା କରାଯାଇଥିଲା। ଆମେରିକାରେ ଗତବର୍ଷ ଡିସେମ୍ବରରେ ଭାକ୍ସିନ୍ ର ପ୍ରଥମ ଟିକା ଦେବା ପରେ ‘ମେରିୟମ୍ ୱେବଷ୍ଟର୍’ ରେ ‘ଭାକ୍ସିନ୍’ ଶବ୍ଦକୁ ୬୦୧ ପ୍ରତିଶତ ଅଧିକ ସର୍ଚ୍ଚ କରାଯାଇଥିଲା। ଏହାର ତୁଳନାରେ ଚଳିତବର୍ଷ ‘ଭାକ୍ସିନ୍’ ଶବ୍ଦକୁ ୧,୦୮୪ ପ୍ରତିଶତ ଅଧିକ ସର୍ଚ୍ଚ କରାଯାଇଛି। ତେଣୁ ଏହି ଶବ୍ଦକୁ ‘ୱାର୍ଡ଼ ଅଫ୍ ଦି ଇୟର୍’ ଭାବେ ଘୋଷଣା କରାଯାଇଛି।
