ଟି-୨୦ ବିଶ୍ୱକପ ପୂର୍ବରୁ ବଦଳିବେ ଟିମ୍‌ ଇଣ୍ଡିଆ ଅଧିନାୟକ, ଏହି ଖେଳାଳିଙ୍କୁ ମିଳିବ ବଡ଼ ଦାୟିତ୍ବ

ନୂଆଦିଲ୍ଲୀ : ଭାରତୀୟ କ୍ରିକେଟ୍ ଦଳ: ଟି -୨୦ ବିଶ୍ୱକପ୍ ୨୦୨୨ ଭାରତୀୟ ଦଳ ପାଇଁ ଅତ୍ୟନ୍ତ ଗୁରୁତ୍ୱପୂର୍ଣ୍ଣ ହେବାକୁ ଯାଉଛି । ଗତ ବର୍ଷ ଟି-୨୦ ବିଶ୍ୱକପ୍‌ରେ ଟିମ୍ ଇଣ୍ଡିଆକୁ ପରାଜୟର ସମ୍ମୁଖୀନ ହେବାକୁ ପଡିଥିବାବେଳେ ନିକଟରେ ଖେଳାଯାଇଥିବା ଏସିଆ କପ୍ ୨୦୨୨ ରେ ଟିମ୍ ଇଣ୍ଡିଆର ନୈରାଶାଜନକ ପ୍ରଦର୍ଶନ ଥିଲା । ଏସବୁ ମଧ୍ୟରେ ଟିମ୍ ଇଣ୍ଡିଆ ସହ ଜଡିତ ଏକ ବଡ ତଥ୍ୟ ସାମ୍ନାକୁ ଆସିଛି । ଟି-୨୦ ବିଶ୍ୱକପ ୨୦୨୨ ପୂର୍ବରୁ ରୋହିତ ଶର୍ମାଙ୍କୁ ବିଶ୍ରାମ ଦିଆଯିବ। ତାଙ୍କ ବଦଳରେ ଅନ୍ୟ ଜଣେ ଖେଳାଳିଙ୍କୁ ଏହି ଦାୟିତ୍ୱ ଦିଆଯିବ ବୋଲି ଜଣାପଡିଛି ।

ଏହି ଖେଳାଳିଙ୍କୁ ବଡ଼ ଦାୟିତ୍ୱ ମିଳିବ

ଏଥିସହିତ ପଢ଼ନ୍ତୁ

ଟି -୨୦ ବିଶ୍ୱକପ ୨୦୨୨ ପୂର୍ବରୁ ଟିମ୍ ଇଣ୍ଡିଆ ଅଷ୍ଟ୍ରେଲିଆ ଓ ଦକ୍ଷିଣ ଆଫ୍ରିକା ବିପକ୍ଷରେ ସିରିଜ୍ ଖେଳିବ । ଦକ୍ଷିଣ ଆଫ୍ରିକା ବିପକ୍ଷରେ ଏକ ତିନି ମ୍ୟାଚ୍ ବିଶିଷ୍ଟ ଦିନିକିଆ ଏବଂ ଟି -୨୦ ସିରିଜ୍ ଖେଳାଯିବ । ଗଣମାଧ୍ୟମ ରିପୋର୍ଟ ଅନୁଯାୟୀ, ଟି -୨୦ ବିଶ୍ୱକପ ୨୦୨୨କୁ ଦୃଷ୍ଟିରେ ରଖି ଟିମ୍ ଇଣ୍ଡିଆର ଗୁରୁତ୍ୱପୂର୍ଣ୍ଣ ଖେଳାଳିଙ୍କୁ ଦକ୍ଷିଣ ଆଫ୍ରିକା ବିପକ୍ଷ ଦିନିକିଆ ସିରିଜରେ ବିଶ୍ରାମ ଦିଆଯିବ ଓ ଦଳର ଅଧିନାୟକ ଶିଖର ଧାୱନଙ୍କ ହାତରେ ରହିବ । ଶିଖର ଧାୱନ ଏହା ପୂର୍ବରୁ ମଧ୍ୟ ଅନେକ ଥର ଭାରତୀୟ ଦଳର ଅଧିନାୟକତ୍ୱ କରିଛନ୍ତି ।

ବରିଷ୍ଠ ଖେଳାଳିମାନେ ବିଶ୍ରାମ ପାଇବେ

ଦକ୍ଷିଣ ଆଫ୍ରିକା ସେପ୍ଟେମ୍ବର ୨୮ରୁ ଭାରତ ଗସ୍ତ ଆରମ୍ଭ କରିବ । ବିସିସିଆଇର ଜଣେ ବରିଷ୍ଠ ଅଧିକାରୀ କହିଛନ୍ତି, \’ଟି -୨୦ ବିଶ୍ୱକପ ପୂର୍ବରୁ ଦିନିକିଆ ସିରିଜ ରହିବା ଠିକ ନୁହେଁ । କିନ୍ତୁ ବେଳେବେଳେ ଏହିପରି ଘଟେ । ରୋହିତ ଶର୍ମା, ବିରାଟ କୋହଲି ଏବଂ ଟି -୨୦ ବିଶ୍ୱକପ ପାଇଁ ଯାଉଥିବା ସମସ୍ତ ଖେଳାଳିଙ୍କୁ ଦିନିକିଆ ସିରିଜରୁ ବିଶ୍ରାମ ଦିଆଯିବ । ଅଷ୍ଟ୍ରେଲିଆ ଯିବା ପୂର୍ବରୁ ତାଙ୍କୁ ଅଳ୍ପ ସମୟ ବିରତି ମିଳିବ । ଶିଖର ଧାବନ ଏକଦିବସୀୟ ଦଳର ଅଧିନାୟକ ହେବେ ।

ଏହା ବ୍ୟତୀତ ଭିଭିଏସ୍ ଲକ୍ଷ୍ମଣଙ୍କୁ ଏହି ସିରିଜରେ ଭାରତର କୋଚ୍ କରାଯାଇପାରେ । ଏହା ପୂର୍ବରୁ ମଧ୍ୟ ଆବଶ୍ୟକତା ସମୟରେ ଲକ୍ଷ୍ମଣ ଭାରତୀୟ ଦଳର କୋଚ୍ ହୋଇସାରିଛନ୍ତି । ସେପ୍ଟେମ୍ୱର ୨୮ରୁ ଦକ୍ଷିଣ ଆଫ୍ରିକା କ୍ରିକେଟ ଦଳର ଭାରତ ଗସ୍ତ ଆରମ୍ଭ ହେବ

ଉଭୟ ଦଳ ମଧ୍ୟରେ ୬ଟି ମ୍ୟାଚ୍ ଖେଳାଯିବ

ସେପ୍ଟମ୍ବର ୨୮ରୁ ଅକ୍ଟୋବର ୧୧ ମଧ୍ୟରେ ଭାରତ ଓ ଦକ୍ଷିଣ ଆଫ୍ରିକା ମଧ୍ୟରେ ୩ଟି ଟି-୨୦ ଏବଂ ୩ଟି ଦିନିକିଆ ମ୍ୟାଚ୍ ଖେଳାଯିବ । ଏହି ଯାତ୍ରା ଟି-୨୦ ସିରିଜ୍ ସହିତ ଆରମ୍ଭ ହେବ । ଦୁଇ ଦଳ ମଧ୍ୟରେ ପ୍ରଥମ ଟି-୨୦ ମ୍ୟାଚ୍ ୨୮ ସେପ୍ଟେମ୍ବରରେ ଖେଳାଯିବ, ତା’ପରେ ୦୨ ଅକ୍ଟୋବରରେ ଦ୍ୱିତୀୟ ଟି-୨୦ ମ୍ୟାଚ୍ ଏବଂ ୦୪ ଅକ୍ଟୋବରରେ ଶେଷ ଟି-୨୦ ମ୍ୟାଚ୍ ଖେଳାଯିବ । ଏହି ସିରିଜ୍ ପରେ ଅକ୍ଟୋବର ୦୬ରେ ଦୁଇ ଦଳ ମଧ୍ୟରେ ପ୍ରଥମ ଦିନିକିଆ ମ୍ୟାଚ୍ ଖେଳାଯିବ, ତା’ପରେ ଅକ୍ଟୋବର ୯ରେ ଦ୍ୱିତୀୟ ଦିନିକିଆ ଓ ଅକ୍ଟୋବର ୧୧ ରେ ଶେଷ ଦିନିକିଆ ମ୍ୟାଚ୍ ଖେଳାଯିବ ।

ତିନୋଟି ମ୍ୟାଚ୍ ଟି-୨୦ ସିରିଜ୍‌

ସେପ୍ଟେମ୍ବର ୨୮ରେ ପ୍ରଥମ ଟି-୨୦: ଥିରୁବନ୍ତପୁରମ୍‌
ଅକ୍ଟୋବର ୦୨ରେ ଦ୍ୱି୍‌ତୀୟ ଟି-୨୦: ଗୋହାଟି
ଅକ୍ଟୋବର ୦୪ ତୃତୀୟ ଟି-୨୦: ଇନ୍ଦୋର

ତିନୋଟି ମ୍ୟାଚ୍ ଦିିନିକିଆ ସିରିଜ୍

ପ୍ରଥମ ଦିନିକିଆ- ଅକ୍ଟୋବର ୦୬ – ରାଞ୍ଚି
ଦ୍ୱିତୀୟ ଦିନିକିଆ- ଅକ୍ଟୋବର ୦୯ – ଲକ୍ଷ୍ନୌ
ତୃତୀୟ ଦିିନିକିଆ- ଅକ୍ଟୋବର ୧୧ – ନୂଆଦିଲ୍ଲୀ

Leave a comment