ଦୁବାଇ : ନିଜ ପୋଷାକ ଏବଂ ମନ୍ତବ୍ୟ ପାଇଁ ସବୁବେଳେ ଚର୍ଚ୍ଚାରେ ରହୁଥିବା ଅଭିନେତ୍ରୀ ଉର୍ଫି ଜାଭେଦଙ୍କୁ ୟୁଏଇ ପୁଲିସ ଅଟକ ରଖିଛି। ରିପୋର୍ଟ ଅନୁଯାୟୀ ଉର୍ଫି ଛୁଟି କଟାଇବାକୁ ଦୁବାଇ ଯାଇଛନ୍ତି। ଏଠାରେ ସାର୍ବଜନୀନ ସ୍ଥାନରେ ଛୋଟ ପୋଷାକ ପିନ୍ଧି ଭିଡିଓ ସୁଟିଂ କରିବା ତାଙ୍କୁ ଭାରି ପଡିଛି। ଏହି ମାମଲାରେ ପୁଲିସ ତାଙ୍କୁ ଜେରା କରିବା ପାଇଁ ଥାନାକୁ ନେଇଛି। ସେ ବିନା ଅନୁମତିରେ ଏଭଳି ସୁଟିଂ କରୁଥିଲେ ବୋଲି କୁହାଯାଉଛି। ୟୁଏଇ ଅଧିକାରୀ ଉର୍ଫିଙ୍କ ଭାରତ ଫେରିବାର ଟିକଟକୁ ମଧ୍ୟ ରଦ୍ଦ କରିପାରନ୍ତି। ଦୁବାଇରେ ସାର୍ବଜନୀନ ସ୍ଥାନରେ ଏଭଳି ପୋଷାକ ପିନ୍ଧି ସୁଟିଂ କରିବା ଉପରେ କଟକଣା ଲାଗିଛି।
