ଚାରି ମାସରେ ୨୪ ଟନ୍ ସୁନା କିଣିଛି ଆରବିଆଇ, ଗତ ବର୍ଷର ଆକଳନ ତୁଳନାରେ ଦେଢ଼ଗୁଣ ଅଧିକ
ନୂଆଦିଲ୍ଲୀ: ଚଳିତବର୍ଷ ଜାନୁୟାରୀରୁ ଏପ୍ରିଲ ଚାରିମାସ ମଧ୍ୟରେ ଭାରତୀୟ ରିଜର୍ଭ ବ୍ୟାଙ୍କ (ଆରବିଆଇ) ଏହାର ଭଣ୍ଡାରରେ ୨୪ ଟନ୍ ସୁନା ଯୋଗକରିଛି। ଭୌଗୋଳିକ ତିକ୍ତତା ମଧ୍ୟରେ ଅସ୍ଥିରତାକୁ ଏଡାଇବା ପାଇଁ କେନ୍ଦ୍ରୀୟ ବ୍ୟାଙ୍କ ଏହାର ସଂରକ୍ଷଣକୁ ବିବିଧ କରୁଛି। ରିଜର୍ଭ ବ୍ୟାଙ୍କ ତଥ୍ୟ ଅନୁଯାୟୀ, ଗତ ବର୍ଷର ସମାନ ସମୟ ତୁଳନାରେ ଚଳିତ ବର୍ଷର ପ୍ରଥମ ଚାରି ମାସରେ ବ୍ୟାଙ୍କ ପ୍ରାୟ ଦେଢ଼ ଗୁଣ ଅଧିକ ସୁନା କିଣିଛି। ଗତ ବର୍ଷ ଜାନୁଆରୀରୁ ଏପ୍ରିଲ ମଧ୍ୟରେ ଆରବିଆଇ ଏହାର ସୁନା ଭଣ୍ଡାରରେ ୧୬ ଟନ୍ ବୃଦ୍ଧି କରିଥିଲା। ବ୍ୟାଙ୍କର ସର୍ବଶେଷ ତଥ୍ୟ ଅନୁଯାୟୀ, ସୁନା ଆରବିଆଇର ବୈଦେଶିକ ମୁଦ୍ରା ଭଣ୍ଡାରର ଏକ ବଡ଼ ଅଂଶ। ଚଳିତବର୍ଷ ୨୬ ଏପ୍ରିଲ ରିଜର୍ଭ ବ୍ୟାଙ୍କର ସନା ମହଜୁଦ କ୍ଷମତା ୮୨୭.୬୯ ସୁଦ୍ଧା 827.69 ଟନ୍ରେ ପହଞ୍ଚିଛି।
ଭାରତ ହେଉଛି ବିଶ୍ବର ବଡ଼ ସୁନା କ୍ରେତା ମଧ୍ୟରୁ ଅନ୍ୟତମ, କିନ୍ତୁ ଦେଶର କେନ୍ଦ୍ରୀୟ ବ୍ୟାଙ୍କ କ୍ୱଚିତ୍ ଏହାର ସୁନା ମହଜୁଦ କରିବାରେ ସକ୍ରିୟ ରହିଥାଏ। ୧୯୯୧ରେ ଯେତେବେଳେ ଦେଶ ବୈଦେଶିକ ମୁଦ୍ରା ସଙ୍କଟର ସମ୍ମୁଖୀନ ହୋଇଥିଲା, ସେତେବେଳେ କେନ୍ଦ୍ରୀୟ ବ୍ୟାଙ୍କ ଏହାର ସୁନା ଭଣ୍ଡାରର ଏକ ବଡ଼ ଅଂଶ ବନ୍ଧକ ରଖିଥିଲା। ଯଦିଓ ସମସ୍ତ ସୁନା କେନ୍ଦ୍ରୀୟ ବ୍ୟାଙ୍କର ବଫରକୁ ଫେରିଛି, ଏହା କେବଳ ଡିସେମ୍ବର ୨୦୧୭ରୁ ବଜାର କ୍ରୟ ମାଧ୍ୟମରେ ଏହାର ଷ୍ଟକ୍ରେ ଯୋଗ କରିବା ଆରମ୍ଭ କରିଛି। ୨୦୨୨ ମସିହାରେ ବ୍ୟାଙ୍କ ବଜାରରୁ ବଜାରରୁ ବହୁ ସୁନା କିଣିଥିଲା। ଗତ ବର୍ଷ ଅର୍ଥାତ୍ ୨୦୨୩ରେ ଆରବିଆଇ କମ୍ ସୁନା କିଣିଥିଲା କିନ୍ତୁ ଚଳିତ ବର୍ଷ ପୁନର୍ବାର ଆକ୍ରମଣାତ୍ମକ ତରିକାରେ କେନ୍ଦ୍ରୀୟ ବ୍ୟାଙ୍କ ସୁନା କିଣୁଛି। ଏଠାରେ ସୂଚନଯୋଗ୍ୟ ଯେ, ୨୦୨୩ ଡିସେମ୍ବର ଶେଷ ସୁଦ୍ଧା ଦେଶର ମୋଟ ବୈଦେଶିକ ମୁଦ୍ରା ଭଣ୍ଡାରରେ ସୁନାର ଅଂଶ ୭.୭୫ ପ୍ରତିଶତ ରହିଥିଲା, ଯାହା ଏପ୍ରିଲ୍ ୨୦୨୪ ଶେଷ ସୁଦ୍ଧା ପ୍ରାୟ ୮.୭ ପ୍ରତିଶତକୁ ବୃଦ୍ଧି ପାଇଛି। ବିଶ୍ବର ଅନ୍ୟାନ୍ୟ ଉଦୀୟମାନ ବଜାରର କେନ୍ଦ୍ରୀୟ ବ୍ୟାଙ୍କଗୁଡିକ ପରି ଆରବିଆଇ ମଧ୍ୟ ମୁଦ୍ରା ଅସ୍ଥିରତାକୁ ରୋକିବା ଲାଗି ନିଜର ସୁନା ଭଣ୍ଡାରରେ ବିବିଧତା ଆଣିଛୁ। ଅର୍ଥନୀତିର ସ୍ଥିତି ଆକଳନ କରିବାବେଳେ ଆରବିଆଇ ଅର୍ଥନୀତିଜ୍ଞମାନେ କହିଛନ୍ତି ଯେ ବିଶ୍ବରେ ଅନିଶ୍ଚିତତା ବୃଦ୍ଧି ହେତୁ ଉଦୀୟମାନ ବଜାରର କେନ୍ଦ୍ରୀୟ ବ୍ୟାଙ୍କଗୁଡିକ ବହୁ ପରିମାଣରେ ସୁନା କିଣୁଛନ୍ତି। ୨୦୨୪ର ପ୍ରଥମ ତ୍ରୈମାସିକରେ ରିଜର୍ଭ ବ୍ୟାଙ୍କ ୨୯୦ ଟନ୍ ସୁନା କିଣିଥିଲେ। ତେବେ ଏହା ସମୁଦାୟ ବିଶ୍ୱ ସୁନା ଚାହିଦାର ଏକ ଚତୁର୍ଥାଂଶ।