ନୂଆଦିଲ୍ଲୀ : ଓପନ୍ଏଆଇର ଚାଟ୍ ଜିପିଟି ସହିତ ପ୍ରତିଦ୍ୱନ୍ଦ୍ୱିତା କରିବା ପାଇଁ ଟେକ୍ କମ୍ପାନୀ ଗୁଗଲ୍ ଛାଡିଛି ଏହାର ନୂତନ ଆର୍ଟିଫିସିଆଲ୍ ଇଣ୍ଟେଲିଜେନ୍ସ (ଏଆଇ) ମଡେଲ୍ ‘ଜେମିନି’। ଏହି ଏଆଇ ଟୁଲ୍ସ ମଣିଷ ପରି ଆଚରଣ କରିବା ପାଇଁ ପରିକଳ୍ପନା କରାଯାଇଛି। ଏହି ଟୁଲ୍ ଲଞ୍ଚ କରିବା ପରେ ଗୁଗଲ୍ ଏଆଇର ନୂଆ ଯୁଗ ଆରମ୍ଭ କରିଛି। ଏହି ‘ଜେମିନି’ ଏଆଇ ଆପଣଙ୍କ ପାଇଁ ଜଣେ ପର୍ସନାଲ ଆସିଷ୍ଟାଣ୍ଡ ବା ବ୍ୟକ୍ତିଗତ ସହାୟକ ଭାବରେ କାମ କରିବ। ଚଳିତବର୍ଷ ସାରା ବିଶ୍ୱରେ ଏଆଇକୁ ନେଇ ଖୁବ୍ ଚର୍ଚ୍ଚା ଚାଲିଛି।
ଚାଟ୍ ଜିପିଟି ପରେ ଗୁଗଲ୍ ଚଳିତ ବର୍ଷ ଏହାର ଏଆଇ ଟୁଲ୍ ‘ବାର୍ଡ’ର ଶୁଭାରମ୍ଭ କରିଥିଲା। ଏବେ ଗୁଗଲ ଏହାର ଆଉ ଏକ ନୂଆ ଏଆଇ ଟୁଲ୍ ‘ଜେମିନି’ ଆରମ୍ଭ କରିଛି ଯାହା ଏଲ୍ଏଲ୍ଏମ୍ ଅର୍ଥାତ୍ ଲାର୍ଜ ଲ୍ୟାଭେଞ୍ଜ ମଡ୍ୟୁଲ୍ ଉପରେ କାମ କରିଥାଏ। ଗୁଗଲ ଜେମିନିକୁ କମ୍ପାନୀ ୩ ଭର୍ସନ୍ରେ ଲଞ୍ଚ କରିଛି । ଏହାର ସବୁଠାରୁ ଛୋଟ ଭର୍ସନ ହେଉଛି ନାନୋ ଯାହା ଆଣ୍ଡ୍ରଏଡ୍ ଫୋନ୍ରେ ଅଫଲାଇନ୍ରେ ବି କାମ କରିବାର କ୍ଷମତା ରଖିଥାଏ। ସେହିପରି ଏହାର ଜେମିନି ପ୍ରୋ ଭର୍ସନ୍ ଯାହା ଗୁଗଲର ସମସ୍ତ ଏଆଇ ସେବାରେ ଦେଖିବାକୁ ମିଳିବ। ଏ ସମସ୍ତ ଭର୍ସନଠାରୁ ଅଧିକ ଶକ୍ତିଶାଳୀ ହେଉଛି ‘ଜେମିନି ଅଲଟ୍ରା’। ଆପଣ ଯାହାକୁ ନେଇ କେବଳ କଳ୍ପନା କରିପାରୁଛନ୍ତି ତାହାକୁ ଏହି ‘ଜେମିନି ଅଲଟ୍ରା’ ସମ୍ଭବ କରିଦେଇପାରିବ।
ଏହା ହେଉଛି ସବୁଠାରୁ ଶକ୍ତିଶାଳୀ ଏଆଇ ଟୁଲ୍। ଗୁଗଲ ଏହି ଫିଚର ରିଲିଜ୍ କରିବା ଆରମ୍ଭ କରିଦେଇଛି। ଆପଣ ଗୁଗଲର ସମସ୍ତ ପ୍ଲାଟଫର୍ମରେ ଏହାକୁ ଆକ୍ସେସ କରିପାରିବେ। ‘ଜେମିନି ଅଲଟ୍ରା’ ଏବେ ସୀମିତ ଲୋକଙ୍କ ପାଇଁ ଉପଲବ୍ଧ କାରଣ ଏହାର ନିରାପଦ ତଦାରଖ ଏ ପର୍ଯ୍ୟନ୍ତ ଶେଷ ହୋଇନାହିଁ। ନାନୋ ଭର୍ସନର କିଛି ଫିଚର୍ସ ଗୁଗଲ୍ ପିକ୍ସେଲ ୮ ପ୍ରୋରେ ରିଲିଜ୍ କରାଯାଇଛି। ଅନ୍ୟପକ୍ଷରେ ଜେମିନି ପ୍ରୋ ପାଇଁ ଆପଣଙ୍କୁ ‘ବାର୍ଡ’ର ଅଫିସିଆଲ ୱେବ୍ସାଇଟକୁ ଯିବାକୁ ହେବ। ଏଥିରେ ଆପଣଙ୍କୁ ପ୍ରଥମେ ଗୁଗଲ ଆକାଉଣ୍ଟ ଲଗ୍ ଇନ୍ କରିବାକୁ ପଡ଼ିବ। ଲଗ୍ ଇନ୍ କରିବା ପରେ ଆପଣ ଜେମିନି ପ୍ରୋ ଫିଚର୍ସ ଉପଯୋଗ କରିପାରିବେ।
ଏ ସମ୍ପର୍କରେ କମ୍ପାନୀର ସିଇଓ ସୁନ୍ଦର ପିଚାଇ କହିଛନ୍ତି ଯେ ଏହା ଗୁଗୁଲରେ ଏଆଇର ଏକ ନୂତନ ଯୁଗ ଆରମ୍ଭ କରିବ। ସେ ଏହାକୁ ‘ଜେମିନି’ ଯୁଗ ବୋଲି କହିଥିଲେ। ମିଥୁନ ହେଉଛି ଗୁଗୁଲର ସର୍ବଶେଷ ବୃହତ ଭାଷା ମଡେଲ (ଏଲ୍ଏଲ୍ଏମ୍। ପିଚାଇ ପ୍ରଥମେ ଜୁନ୍ ମାସରେ ଆଇଓ ଡେଭଲପର ସମ୍ମିଳନୀରେ ଏହାକୁ ଟିଜ୍ କରିଥିଲେ ଏବଂ ବର୍ତ୍ତମାନ ଏହାକୁ ସର୍ବସାଧାରଣଙ୍କ ପାଇଁ ଛାଡିଛନ୍ତି। ଗୁଗଲ୍ କହିଛି ଯେ ‘ଜେମିନି’ ସହିତ ଚାର୍ଟବଟ୍ ବାର୍ଡ ଭାରତ ସମେତ ୧୭୦ଟି ଦେଶରେ ଇଂରାଜୀ ଭାଷାରେ ଉପଲବ୍ଧ ହୋଇଛି। ‘ଜେମିନି’ ପରିଚାଳିତ ବାର୍ଡ ସହିତ ଆପଣ ପାଠ୍ୟ-ଆଧାରିତ ବାର୍ତ୍ତାଳାପ କରିପାରିବେ। ତେବେ ଗୁଗଲ୍ ଶୀଘ୍ର ଅନ୍ୟ ପଦ୍ଧତିଗୁଡିକ (ଭଏସ୍ ଏବଂ ଭିଡିଓ)କୁ ସମର୍ଥନ କରିବା ଲାଗି ଉପକରଣ ଆଣିବ।
