ବିବାହ ପ୍ରତିଶ୍ରୁତି ଦେଇ ପ୍ରତାରଣା

କାଶୀନଗର ବ୍ଲକର ଖାରଡା ଗ୍ରାମର ଜଣେ ଯୁବତୀଙ୍କୁ ବିବାହାର ପ୍ରତିଶ୍ରୁତି ଦେଇ ଗୁଣୁପୁର ନିକଟରେ ଥିବା ଶିରିଝୋଲି ଗ୍ରାମର ସୁଶାନ୍ତ ଗୌଡ ନାମକ ଯୁବକ ପ୍ରତାରଣା ଓ ଧର୍ଷଣ କରିଥିବା ଜଣାପଡିଛି । ଅଭିଯୁକ୍ତକୁ ଗିରିଫ କରି କୋର୍ଟ ଚାଲାଣ କରାଯାଇଥିବା ବେଳେ ଡିଏସପି ଆର କେ ଦାସ ତଦନ୍ତ ଦାୟିତ୍ଵ ନେଇଛନ୍ତି ବୋଲି ଆଇଆଇସି ସୁଶାନ୍ତ କୁମାର ସାହୁଙ୍କ ସୂତ୍ରରୁ ପ୍ରକାଶ । ପ୍ରକାଶ ଯୋଗ୍ୟ ଯେ ,ଅଭିଯୁକ୍ତ ଉକ୍ତ ଯୁବତୀକୁ ବିବାହର ପ୍ରତିଶ୍ରୁତି ଦେଇ ମେ ୨୦ ତାରିଖରୁ ଜୁନ ୬ ତାରିଖ ପର୍ଯ୍ୟନ୍ତ ବେଙ୍ଗୁଲୁରର ମାଲୁର ଠାରେ ରଖିଥିଲା ।

ତାପରେ କାମ ଅଛି ବୋଲି କହି ଯୁବତୀ ଜଣକୁ ଖାରଡା ଗ୍ରାମରେ ଛାଡି ଦେଇ କେଉଁ ଆଡେ ଚାଲି ଯାଇଥିଲା । କୌଣସି ସୂତ୍ରରୁ ପୋଲିସ ଖବର ପାଇ ଶିରିଝୋଲି ଗ୍ରାମକୁ ଯାଇ ଅଭିଯୁକ୍ତକୁ ଗିରିଫ କରିଥିଲା । ଅଭିଯୁକ୍ତ ବିରୋଧରେ ଆଇପିସି ଧାରା ୩୭୬ ଓ ଏସସି ,ଏସଟି ଆକ୍ଟର ଦଫା ୩ କେଶ ନଂ-୬୦/୨୧ ରେ ରୁଜ୍ଜୁ କରାଯାଇଛି । ଉଭୟ ଅଭିଯୁକ୍ତ ଓ ପୀଡ଼ିତାଙ୍କ ଡାକ୍ତରୀ ମାଇନା ସରିଛି ବୋଲି ଆଇଆଇସି ଜଣାଇଛନ୍ତି ।

Leave a comment