ରାଞ୍ଚି: ପରିବାର ସହ ହସଖୁସିରେ ଡ୍ୟାମ୍ ବୁଲିବାକୁ ଆସିଥିଲେ। ସପରିବାର ଏକ ଦେଶୀଡଙ୍ଗା ଭଡା କରି ଡ୍ୟାମ୍ରେ ଜଳଯାତ୍ରା କରିବାକୁ ମଧ୍ୟ ଯାଇଥିଲେ। ହେଲେ ଏହି ଜଳଯାତ୍ରା ସେମାନଙ୍କ ପାଇଁ ଯେ ଶେଷଯାତ୍ରା ପାଲଟିବ ତାହା ସେମାନେ ଜାଣିନଥିଲେ। ଡଙ୍ଗାଟି ଡ୍ୟାମ୍ ଭିତରେ ଥିବା ସମୟରେ ହଠାତ ତୀବ୍ର ପବନ ବହିଥିଲା ଏବଂ ଡ୍ୟାମ ପାଣି ଅସ୍ଥିରତା କାରଣରୁ ଡଙ୍ଗା ଓଲଟି ପଡ଼ିଥିଲା। ମଝି ଡ୍ୟାମ୍ରେ ଡଙ୍ଗାଟି ଓଲଟି ପଡିବା ଫଳରେ ପରିବାରର କେବଳ ଜଣେ ସଦସ୍ୟ ପହଁରି କୂଳକୁ ଆସିବାରେ ସମର୍ଥ ହୋଇଥିବା ବେଳେ ଅନ୍ୟ ୮ ଜଣ ବୁଡିଯାଇ ପ୍ରାଣ ହରାଇଥିଲେ।
ଏପରି ଏକ ଦୁଃଖଦ ଘଟଣା ଘଟିଛି ଝାଡଖଣ୍ଡର କୋଡରମା ଜିଲ୍ଲାରେ। ରବିବାର ଦିନ ଝାଡ଼ଖଣ୍ଡର କୋଡର୍ମା ଜିଲ୍ଲାର ପଞ୍ଚଖେରୋ ଡ୍ୟାମରେ ଏକ ଡଙ୍ଗା ବୁଡ଼ିଯିବା ଫଳରେ ଏକ ପରିବାରର ପାରିବାରିକ ଯାତ୍ରା ଦୁଃଖଦ ଶେଷ ଯାତ୍ରା ହୋଇଯାଇଛି। ଡଙ୍ଗା ବୁଡ଼ିଯିବା ପରେ ପରିବାରର ସମସ୍ତ ଆଠଜଣ ସଦସ୍ୟ ନଦୀରେ ବୁଡ଼ି ଯାଇ ନିଖୋଜ ହେବା ସହ ପ୍ରାଣ ହରାଇଛନ୍ତି। ଏହି ଘଟଣା ସକାଳ ୧୧.୩୦ରୁ ମଧ୍ୟାହ୍ନ ମଧ୍ୟରେ ଘଟିଥିଲା ଯେତେବେଳେ ଗୋଟିଏ ପରିବାର ମାର୍କାଚୋ ପୁଲିସ ଷ୍ଟେସନ ସୀମା ଅଧୀନରେ ପଞ୍ଚଖେରୋ ଡ୍ୟାମରେ ଜଳ ଯାତ୍ରା ପାଇଁ ଏକ ଦେଶୀ ଡଙ୍ଗା ଭଡା କରିଥିଲେ। କୁହାଯାଉଛି ଏମାନେ ଡଙ୍ଗାରେ ଯାଉଥିବା ସମୟରେ ତୀବ୍ର ପବନ ବହିଥିଲା ଏବଂ ଡ୍ୟାମ ପାଣି ଅସ୍ଥିରତା କାରଣରୁ ଡଙ୍ଗା ଓଲଟି ପଡ଼ିଥିଲା ଏବଂ ଏହି ବଡ଼ ଦୁର୍ଘଟଣା ଘଟିଛି ।
ପରିବାରର କେବଳ ଜଣେ ସଦସ୍ୟ ପ୍ରଦୀପ କୁମାର ପହଁରି କୂଳକୁ ଆସିବାରେ ସମର୍ଥ ହୋଇଥିଲେ ଏବଂ ସେ ଲୋକମାନଙ୍କୁ ଏହି ଘଟଣାର ସୂଚନା ଦେଇଥିଲେ। ମରକଚ୍ଚୋ ଥାନା ପୁଲିସ ଓ ଅଗ୍ନିଶମ ବାହିନୀ ଘଟଣା ସ୍ଥଳରେ ପହଞ୍ଚି ଶବଗୁଡିକୁ ଡ୍ୟାମରୁ ଉଦ୍ଧାର କରିଛି । ସୂଚନାନୁଯାୟୀ, ଗିରିଡିହ ଜିଲ୍ଲାର ରାଜଧନୱାର ଥାନା ଅଞ୍ଚଳର ଖେତୋଂ ଗାଁର ଏକ ପରିବାର ପଞ୍ଚଖେରୋ ଡ୍ୟାମ ବୁଲିବା ପାଇଁ ଆସିଥିଲା । ଘରୁ ୯ ଜଣ ସଦସ୍ୟ ବୁଲିବା ପାଇଁ ଆସିଥିଲେ । ସମସ୍ତେ ଏକ ଡଙ୍ଗାରେ ବସିଯାଉଥିଲେ । ହେଲେ ପ୍ରବଳ ବର୍ଷା ଓ ପବନ କାରଣରୁ ଡଙ୍ଗାଟି ଓଲଟି ପଡ଼ିଥିଲା । ଡଙ୍ଗାର ନାବିକ ଏଥିରୁ ପହଁରି ବାହାରକୁ ଆସି ଫେରାର ହୋଇଯାଇଛନ୍ତି । ଏହି ଘଟଣାରେ ପ୍ରଦୀପ ସିଂହଙ୍କ ୧୭ ବର୍ଷୀୟ ପୁତ୍ର ଶିବମ ସିଂହ ଏବଂ ୧୪ ବର୍ଷୀୟା ପଲକ କୁମାରୀ, ୪୦ ବର୍ଷୀୟ ସୀତାରାମ ଯାଦବ ଏବଂ ତାଙ୍କର ତିନି ସନ୍ତାନ ୧୬ ବର୍ଷୀୟା ଶେଜଲ କୁମାରୀ, ୮ ବର୍ଷୀୟ ହର୍ଷଲ କୁମାର, ୫ବର୍ଷୀୟ ବଉଭା, ୧୬ ବର୍ଷୀୟ ରାହୁଲ କୁମାର, ୧୪ ବର୍ଷୀୟ ଅମିତ କୁମାରଙ୍କ ମୃତ୍ୟୁ ହୋଇଯାଇଛି ।ପ୍ରାଥମିକ ଅନୁସନ୍ଧାନରୁ ଜଣାପଡିଛି ଯେ ମୃତକମାନେ ରାଜଧାନୀ ପୁଲିସ ଷ୍ଟେସନ ଅଞ୍ଚଳର ବାସିନ୍ଦା ଥିଲେ।
