ବଲାଙ୍ଗିର: ଗତକାଲି ବିଳମ୍ବିତ ରାତିରେ ପୁଲିସ କଫ ସିରଫ ଚୋରାଚାଳଣ ବେଳେ ଜବତ କରିଛି । କଣ୍ଟାବାଞ୍ଜି ଏବଂ ତୁରେକେଲା ପୁଲିସ କୌଣସି ସୂତ୍ରରୁ ଖବର ପାଇ ତୁରେକେଲା ଉପକଣ୍ଠସ୍ଥ ଏକ ଜଙ୍ଗଲ ନିକଟରୁ ଚଢଉ କରିଥିଲା । ସେଠାରେ ଥିବା କେଏ ୫୨- ବି -୧୧୫୫ ନମ୍ବର ଥିବା ଗାଡିକୁ ଯାଞ୍ଚ କରିବାରୁ ୧୪ହଜାର ୪ଶହ ବୋତଲ କଫ ସିରଫ ଓ ନିଶା ବଟିକା ଜବତ କରିଥିଲା । ଯାହାର ଆନୁମାନିକ ମୂଲ୍ୟ ପ୍ରାୟ ୨୦ ଲକ୍ଷ ହେବ ବୋଲି ଏସପି ନିତିନ କୁଶଳକର ସୂଚନା ଦେଇଛନ୍ତି । ସେହିପରି ଚାଲାଣ କରିବା ଅଭିଯୋଗରେ ଦୁଇ ଜଣ ଅଭିଯୁକ୍ତଙ୍କୁ ଗିରଫ କରିବା ସହ ନଗଦ ୧୩ହଜାର ୫ଶହ ଟଙ୍କା ଜବତ କରିଛି ।
