ଆଜିକାଲି ବଜାରରେ ଅନେକ ଡିଜାଇନ୍ର ପର୍ସ ମିଳୁଛି। ସେହିସବୁ ପର୍ସ ମହିଳାଙ୍କୁ ବେଶ୍ ଆକର୍ଷିତ କରିଥାଏ। ନିକଟରେ ସୋସିଆଲ ମିଡିଆରେ ଏକ ପର୍ସ ଭାଇରାଲ୍ ହେବାରେ ଲାଗିଛି। ଏହି ପର୍ସ ଅବିକଳ ମଣିଷର ପାଟି ଭଳି। ଜାପାନର ଜଣେ ସଙ୍ଗୀତ ପ୍ରଯୋଜକ ଏହି ପର୍ସଟିକୁ ତିଆରି କରିଛନ୍ତି। ପର୍ସଟି ଅତି ଛୋଟ ହୋଇଥିବାରୁ ଏଥିରେ କେବଳ ପଇସା ରଖାଯାଇ ପାରିବ। ଦେଖିବାକୁ ବେଶ୍ ବିଚିତ୍ର ଲାଗୁଥିଲେ ମଧ୍ୟ ଏହି ପର୍ସ ଏବେ ଲୋକଙ୍କୁ ଆକର୍ଷିତ କରୁଛି। ଏହାର ଭିଡିଓ ମଧ୍ୟ ଉପଲବ୍ଧ କରାଯାଇଛି। ପର୍ସରେ କଏନ୍ ରଖିବା ସମୟରେ ଏହାର ପାଟିକୁ ଟାଣି ଖୋଲା କରିବାକୁ ହୁଏ। କଏନ୍ ରଖିବା ପରେ ପର୍ସର ଉପର ଓ ତଳ ଅଂଶକୁ ଚାପି ଧରିବାକୁ ହୁଏ। ଫଳରେ ପାଟି ଆକାରର ପର୍ସ ବନ୍ଦ ହୋଇଯାଏ। ଏହା ସହଜରେ ଖୋଲୁ ନଥିବାରୁ କଏନ୍ ପଡ଼ିଯିବାର ଆଶଙ୍କା ମଧ୍ୟ ନଥାଏ। ଏହି ପର୍ସର ଭିଡିଓ ସୋସିଆଲ୍ ମିଡିଆରେ ସେୟାର୍ ହେବା ପରେ ଅଗଣିତ ଲାଇକ୍ ଓ କମେଣ୍ଟ୍ ମିଳିଥିଲା।
