ଭୁବନେଶ୍ବର : ରାଜ୍ୟ ରାଜଧାନୀରେ ଟ୍ରାଫିକ ନିୟମ ଉଲ୍ଲଂଘନ କରୁଥିବା ଅମାନିଆ ଗାଡି ଚାଳକଙ୍କୁ ପୁଲିସ କମିଶନର ଡ.ସୁଧାଂଶୁ ଷଢ଼ଙ୍ଗୀଙ୍କ ଚେତାବନି ଦେଇଛନ୍ତି। ଆଜି ସଡ଼କ ସୁରକ୍ଷା ମାସର ଶେଷଦିନରେ ପୁଲିସ କମିଶନର ରାଜଧାନୀ ଭୁବନେଶ୍ବରରେ ଯେଉଁମାନେ ଟ୍ରାଫିକ ନିୟମ ଉଲ୍ଲଂଘନ କରୁଛନ୍ତି, ସେମାନେ ଭାବୁଛନ୍ତି କି ପୁଲିସ ସେମାନଙ୍କୁ ଦେଖିପାରୁ ନାହିଁ। କିନ୍ତୁ ସେମାନେ ଭୁଲି ଯାଉଛନ୍ତି କି ଟ୍ରାଫିକ ପୋଷ୍ଟରେ ଲାଗିଥିବା କ୍ୟାମେରା ସବୁ କିଛି ରେକର୍ଡ କରୁଛି। ଯେଉଁ ଅମାନିଆ ଗାଡି ଚାଳକ ଟ୍ରାଫିକ ନିୟମ ମାନୁନାହାନ୍ତି ତାଙ୍କୁ ସିସିଟିଭି କ୍ୟାମେରା ଦେଖି ଚିହ୍ନଟ କରାଯାଉଛି। ଏହାକୁ ଆଧାର କରି ଆଇନ ଉଲ୍ଲଂଘନକାରୀଙ୍କ ଘରକୁ ପଠାଯାଉଛି ଚାଲାଣ।
ପୁଲିସ କମିଶନର ଡ.ସୁଧାଂଶୁ ଷଢ଼ଙ୍ଗୀ କହିଛନ୍ତି ଯେ ସିସିଟିଭି ଦେଖି ପ୍ରତ୍ୟେକ ଦିନ ୩୫୦ ଟି ଚାଲାଣ କଟା ଯାଉଛି,ଆଗାମୀ ଦୁଇ ରୁ ତିନି ମାସ ଭିତରେ ଏ ସଂଖ୍ୟା ଆହୁରି ବଢିବ, ଯେବେଠୁ ଟ୍ରାଫିକ ନିୟମକୁ କଡାକଡି କରାଯାଇ ଫାଇନ କଥା ଯାଉଛି ପାଖାପାଖି ଏହି ଏକ ବର୍ଷ ମଧ୍ୟରେ କଟକ ଭୁବନେଶ୍ୱରରୁ ୨୫ କୋଟି ଟଙ୍କା ଫାଇନ ରୂପରେ ଆଦାୟ କରାଯାଇଛି । ଆପଣ ଭାବନ୍ତୁନି ଟ୍ରାଫିକ ନିୟମ ଉଲଂଘନ କରି ଆପଣ ବଞ୍ଚିଯିବେ, କେବେ ନା କେବେ ଆପଣଙ୍କୁ ଆମେ ଧରିବୁ ଓ ଲଭ ଲେଟର ଦେବୁ ବୋଲି ପୁଲିସ କମିଶନର କହିଛନ୍ତି।
