ବଣାଇ: ବିଲ ହିଡକୁ କେନ୍ଦ୍ର କରି ରକ୍ତପାତ। ଭାଇ ନେଲା ଭାଇର ଜୀବନ। ରକ୍ତ ସମ୍ପର୍କରେ ଲାଗିଲା ରକ୍ତର ଛିଟା । ବଡ଼ ଭାଇର କୋଦାଳ ଚୋଟରେ ସାନ ଭାଇର ମୃତ୍ୟୁ ଘଟିଛି । ଏପରି ଅମାନବୀୟ ଘଟଣା ଘଟିଯାଇଛି ସୁନ୍ଦରଗଡ଼ ଜିଲ୍ଲା ଲହୁଣୀପଡ଼ି ଥାନା ଅନ୍ତର୍ଗତ ଜୁନିଅନୀ ଗାଁରେ । ମୃତକ ହେଲେ ସାନ ଭାଇ ପ୍ରଧାନ ମୁଣ୍ଡା । ଏହି ଘଟଣାରେ ପୁଲିସ ଅଭିଯୁକ୍ତ ଟପିଆ ମୁଣ୍ଡାକୁ ଗିରଫ କରିଛି ।
ସୂଚନା ଅନୁଯାୟୀ, ଅନେକ ଦିନରୁ ଜମିବାଡ଼ିକୁ ନେଇ ଟପିଆ ମୁଣ୍ଡା ଓ ପ୍ରଧାନ ମୁଣ୍ଡାଙ୍କ ଭିତରେ ବିବାଦ ଥିଲା । ସାନ ଭାଇ ପ୍ରଧାନ ମୁଣ୍ଡା ନିଜ ବିଲରେ ହିଡ଼ ଦେଉଥିବା ବେଳେ ବଡ଼ଭାଇ ଜମିରେ କାଦୁଅ ପଡ଼ିଥିଲା । ଏହାକୁ କେନ୍ଦ୍ର ଦୁଇ ଭାଇଙ୍କ ଭିତରେ ଝଗଡ଼ା ହୋଇଥିଲା। ଉତ୍ୟକ୍ତ ବଡ଼ଭାଇ ଟପିଆ ମୁଣ୍ଡା ସାନ ଭାଇକୁ କୋଦାଳରେ ଆକ୍ରମଣ କରିଥିଲା । ଗୁରୁତର ଅବସ୍ଥାରେ ପ୍ରଧାନ ମୁଣ୍ଡାଙ୍କୁ ସ୍ଥାନୀୟ ହସ୍ପିଟାଲରେ ଭର୍ତ୍ତି କରାଯାଇଥିଲା । ସେଠାରେ ଡାକ୍ତର ଡାଙ୍କୁ ମୃତ ଘୋଷଣା କରିଥିଲେ।
