ରାଜ୍ୟରେ କରୋନା ସଂକ୍ରମଣ ପିକ୍ ଅତିକ୍ରମ କରିଛି; ହେଲେ ଭାଇରସ ବର୍ତ୍ତମାନ ଉଭୟ ଗାଁ ଓ ସହରରେ ରହିଛି – ସ୍ବାସ୍ଥ୍ଯ ନିର୍ଦ୍ଦେଶକ

ଭୁବନେଶ୍ୱର: ରାଜ୍ଯରେ କରୋନା ସଂକ୍ରମିତଙ୍କ ସଂଖ୍ଯାରେ ବ୍ରେକ ଲାଗିଛି। ଦୈନିକ ସଂକ୍ରମଣ ହ୍ରାସ ପାଇଛି। ରାଜ୍ୟରେ କରୋନା ସଂକ୍ରମଣ ପିକ୍ ଅତିକ୍ରମ କରିଛି । ବର୍ତ୍ତମାନ ସଂକ୍ରମଣ ଟ୍ରେଣ୍ଡ ଲଗାତର ଭାବେ ତଳମୁହାଁ ରହିଛି । ଯାହାକି ଆଶ୍ୱସ୍ତିକର କଥା ବୋଲି ସ୍ୱାସ୍ଥ୍ୟ ନିର୍ଦ୍ଦେଶକ ଡାକ୍ତର ବିଜୟ ମହାପାତ୍ର କହିଛନ୍ତି । ଏହି ଟ୍ରେଣ୍ଡ ଜାରି ରହିଲେ ସଂକ୍ରମଣ ଆଗକୁ କମିବ ବୋଲି ସ୍ୱାସ୍ଥ୍ୟ ବିଭାଗ କହିଛି । ବର୍ତ୍ତମାନ ସଂକ୍ରମଣ କମିବା ସହ ପଜିଟିଭ ହାର, ଗୁରୁତର ଆକ୍ରାନ୍ତଙ୍କ ସଂଖ୍ୟା ଓ ମୃତ୍ୟୁ ସଂଖ୍ୟା ମଧ୍ୟ କମୁଛି ବୋଲି କହିଛନ୍ତି ବିଜୟ ମହାପାତ୍ର । କିନ୍ତୁ ଭାଇରସ ବର୍ତ୍ତମାନ ଉଭୟ ଗାଁ ଓ ସହରରେ ରହିଛି । ତେଣୁ ସଂକ୍ରମଣ କମିଲେ ବି ସତର୍କ ରହିବା ନିହାତି ଆବଶ୍ୟକ ବୋଲି କହିଛନ୍ତି ବିଜୟ ମହାପାତ୍ର । ସେହିପରି ଭାବରେ ରାଜ୍ୟବାସୀ କୋଭିଡ କଟକଣା ମାନିବାକୁ ପରାମର୍ଶ ଦେଇଛି ସ୍ୱାସ୍ଥ୍ୟ ବିଭାଗ ।