ନୂତନ ନିଯୁକ୍ତି ଦେବାରେ ବିର୍ଲା ଗ୍ଲୋବାଲ ୟୁନିଭର୍ସିଟିର ରେକର୍ଡ

ଭୁବନେଶ୍ୱର: ୨୦୨୧-୨୨ ଶିକ୍ଷା ବର୍ଷରେ ବିର୍ଲା ଗ୍ଲୋବାଲ ୟୁନିଭର୍ସିଟି ଏହାର ଏମବିଏ ଛାତ୍ରଛାତ୍ରୀମାନଙ୍କୁ ନୂତନ ନିଯୁକ୍ତି ଦେବାରେ ରେକର୍ଡ ସୃଷ୍ଟି କରିଥିବା ବେଳେ ଅଧିକ ହାର ଦରମାରେ ମଧ୍ୟ ଛାତ୍ରଛାତ୍ରୀମାନେ ପ୍ରତିଷ୍ଠିତ ଅନୁଷ୍ଠାନରେ ନିଯୁକ୍ତ ହେବାକୁ ସୁଯୋଗ ପାଇଛନ୍ତି। ଏହି ୟୁନିଭର୍ସିଟି ପକ୍ଷରୁ ଅନୁଷ୍ଠିତ ପ୍ଲେସମେଣ୍ଟ କାର୍ଯ୍ୟକ୍ରମରେ ଛାତ୍ରଛାତ୍ରୀମାନେ ସର୍ବାଧୂକ ବାର୍ଷିକ ୨୨ ଲକ୍ଷ ଟଙ୍କା ପର୍ଯ୍ୟନ୍ତ ପ୍ୟାକେଜରେ ବିଭିନ୍ନ ଅନୁଷ୍ଠାନରେ ଯୋଗ ଦେଇଥିବା କୁହାଯାଇଛି। ସେହିପରି ଛାତ୍ରଛାତ୍ରୀମାନଙ୍କ ନୂତନ ନିଯୁକ୍ତି କ୍ଷେତ୍ରରେ ହାରାହାରି ପ୍ୟାକେଜ ୮.୪୫ ଲକ୍ଷ ଟଙ୍କା ରହିଛି।

ଅଧିକାଂଶ ଛାତ୍ରଛାତ୍ରୀ ଟାଟା ଏଆଇଜି, ଗୋଦରେଜ୍ ପ୍ରପର୍ଟିଜ୍, ଆଇଟିସି, ଏସବିଆଇ ଲାଇଫ୍, ରିଲାଏନ୍ସ ରିଟେଲ ଏବଂ ଆଡ୍ ଫାକଟର୍ସ ଭଳି ବହୁ ପ୍ରତିଷ୍ଠିତ କର୍ପୋରେଟ ହାଉସରେ ନିଯୁକ୍ତି ପାଇବାକୁ ଯୋଗ୍ୟ ବିବେଚିତ ହୋଇଥିବା କୁହାଯାଇଛି। ଅନ୍ୟପକ୍ଷରେ ଅଧିକାଂଶ ଛାତ୍ରଛାତ୍ରୀ ଭାରତରେ କାର୍ଯ୍ୟ କରୁଥିବା ବହୁ ଆମେରିକୀୟ କମ୍ପାନୀଗୁଡିକରେ ମଧ୍ୟ ନିଯୁକ୍ତି ପାଇବାକୁ ସଫଳ ହୋଇଛନ୍ତି। ସେହିପରି ସାମ୍ବାଦିକତା କ୍ଷେତ୍ରରେ ଉନ୍ନୀତ ହୋଇଥିବା ଛାତ୍ରଛାତ୍ରୀମାନେ ସର୍ବାଧିକ ୫.୪୦ ଲକ୍ଷ ଟଙ୍କା ପ୍ୟାକେଜ୍‌ରେ ବିଭିନ୍ନ ଗଣମାଧ୍ୟମ ସଂସ୍ଥାରେ ଯୋଗ ଦେଇଛନ୍ତି।

Leave a comment