ମନୋରଞ୍ଜନ
ଓଡ଼ିଶା
ପ୍ରତି ୮ ମିନିଟରେ ନିଖୋଜ ହେଉଛି ଜଣେ ଶିଶୁ, ଉଦବେଗ ଜଣାଇଲେ ସୁପ୍ରିମକୋର୍ଟ...
ନୂଆଦିଲ୍ଲୀ: ଭାରତରେ ଶିଶୁ ନିଖୋଜ, ଶିଶୁ ଅପହରଣ, ଶିଶୁ ଚାଲାଣ ଏବଂ ଶିଶୁ ବିକ୍ରି ଭଳି ଘଟଣା ଉଦବେଗଜନକ ପରିସ୍ଥିତି ସୃଷ୍ଟି କରିଛି। ଦେଶରେ ପ୍ରତି ୮ ମିନିଟରେ ଜଣେ ଶିଶୁ ନିଖୋଜ ହେଉଛି। କେତେକ ଗଣମାଧ୍ୟମରେ ଏସଂକ୍ରାନ୍ତରେ ରିପୋର୍ଟ ପ୍ରକାଶ ପାଇଛି। ଏଭଳି ରିପୋର୍ଟ ଦେଖି ସୁପ୍ରିମ କୋର୍ଟ ଚିନ୍ତା ପ୍ରକଟ କରିଛନ୍ତି। ଜଷ୍ଟିସ ବିଭି ନାଗରତ୍ନା ଏବଂ ଜଷ୍ଟିସ ଆର. ମହାଦେବନଙ୍କୁ ନେଇ ଗଠିତ ବେଞ୍ଚ ଏସଂପର୍କରେ କେନ୍ଦ୍ର ସରକାରଙ୍କ ଠାରୁ ରିପୋର୍ଟ ତଲବ କରିଛନ୍ତି। ଏକ ଏନ୍ଜିଓ ପକ୍ଷରୁ ଆଗତ ଏସଂକ୍ରାନ୍ତ ପିଟିସନର ଶୁଣାଣି କରି କୋର୍ଟ କହିଲେ ଯେ ଏହା ଏକ ଗୁରୁତର ମାମଲା। ଏହାକୁ ରୋକିବା ଲାଗି ସରକାର କି ପଦକ୍ଷେପ ଗ୍ରହଣ କରିଛନ୍ତି, ତାହା ଜଣାଇବାକୁ କହିଛନ୍ତି।
କୋର୍ଟ କହିଲେ ଯେ ପୋଷ୍ୟ ସନ୍ତାନ ନିୟମ କଠୋର ହୋଇଥିବାରୁ ଲୋକେ ଶିଶୁ ଚାଲାଣ କରୁଥିବାର ଖବର ମିଳିଛି। ତେଣୁ ସରକାର ପୋଷ୍ୟ ସନ୍ତାନ ନିୟମକୁ କୋହଳ କରିବାକୁ ପଦକ୍ଷେପ ନିଅନ୍ତୁ। ମିଳିଥିବା ସୂଚନା ଅନୁଯାୟୀ ଭାରତରେ ପ୍ରତିବର୍ଷ ୭୦ ହଜାରରୁ ଅଧିକ ଶିଶୁ ନିଖୋଜ ହୋଇଯାଉଛନ୍ତି।
About The Author
