ଶୀତଦିନରେ ପ୍ରଚୁର ପରିମାଣରେ ମିଳୁଥିବା ଗ୍ରୀନ୍ ମଟର ପୋଷକତ୍ତ୍ବରେ ଭରପୂର ଥିବାରୁ ଶାକାହାରୀଙ୍କ ପାଇଁ ବେଶ୍ ଲାଭଦାୟକ। ଅନେକ ପ୍ରକାର ରୋଗ ଦୂର କରୁଥିବାରୁ ଏହାକୁ ଶୀତଦିନର ସୁପର୍ଫୁଡ୍ ବୋଲି କୁହାଯାଉଛି। ଗ୍ରୀନ୍ ମଟରର ସ୍ବାସ୍ଥ୍ୟପ୍ରଦ ଗୁଣଗୁଡ଼ିକୁ ହେଉଛି–
- ଗ୍ରୀନ୍ ମଟରରେ ପ୍ରୋଟିନ୍ ଓ ଫାଇବର୍ର ମାତ୍ରା ଅଧିକ ଥିବାରୁ ଭୋକ ନିୟନ୍ତ୍ରଣରେ ରହିଥାଏ। କ୍ୟାଲୋରୀର ମାତ୍ରା ବହୁତ କମ୍ ଥିବାରୁ ଏହା ଓଜନ ହ୍ରାସ କରି ଶରୀରକୁ ଫିଟ୍ ରଖିଥାଏ ଏବଂ ମୋଟାପା ହ୍ରାସ ହୋଇଥାଏ।
- ଅଧା କପ୍ ଗ୍ରୀନ୍ ମଟରରୁ ପ୍ରାୟ ୪ ଗ୍ରାମ୍ ପ୍ରୋଟିନ୍ ମିଳିଥାଏ। ପ୍ରୋଟିନ୍ ସହିତ ଆଇରନ୍, ଫସ୍ଫରସ୍, ଭିଟାମିନ୍ ‘ଏ’, ‘କେ’ ଓ ‘ସି’ ରହିଛି, ଯାହାକି ମାଂସପେଶୀକୁ ଦୃଢ଼ କରିବା ସହିତ ରୋଗ ପ୍ରତିରୋଧକ ଶକ୍ତି ବଢ଼ାଇଥାଏ।
- ଡାଇବେଟିସ୍ ରୋଗୀଙ୍କ ପାଇଁ ଗ୍ରୀନ୍ ମଟର ସ୍ବାସ୍ଥ୍ୟପ୍ରଦ। ଏହା ରକ୍ତରେ ସର୍କରାର ପରିମାଣକୁ ନିୟନ୍ତ୍ରଣ କରିଥାଏ। ଏଥିରେ ଗ୍ଲାଇସେମିକ୍ ଇଣ୍ଡେକ୍ସ କମ୍ ଥିବାରୁ ଡାଇବେଟିସ୍ ହେବାର ଆଶଙ୍କାକୁ କମ୍ କରେ।
- ଗ୍ରୀନ୍ ମଟରରେ ଥିବା ଲେକ୍ଟିନ୍ ପେଟର ଗ୍ୟାସ୍ ସମସ୍ୟା ଦୂର କରୁଥିବାବେଳେ ଫାଇବର୍ କୋଷ୍ଠକାଠିନ୍ୟ ସମସ୍ୟା ଦୂର କରିଥାଏ।
- ରକ୍ତଚାପକୁ ନିୟନ୍ତ୍ରଣ କରିବା ପାଇଁ ଗ୍ରୀନ୍ ମଟରରେ ଥିବା ମ୍ୟାଗ୍ନେସିୟମ୍ ଓ ପୋଟାସିୟମ୍ ବେଶ୍ ଲାଭଦାୟକ।
- ଏଥିରେ ଥିବା ଫାଇବର୍ କୋଲେଷ୍ଟ୍ରଲ୍ ସମସ୍ୟା ଦୂର କରି ଉଚ୍ଚ ରକ୍ତଚାପ ସମସ୍ୟାରେ ଲାଭଦାୟକ ହୋଇଥାଏ ଏବଂ ଆଣ୍ଟି ଅକ୍ସିଡେଣ୍ଟ୍ ହୃଦ୍ରୋଗ ପାଇଁ ସହାୟକ ହୋଇଥାଏ।
