ସ୍ୱାମୀକୁ ଘର ଭିତରକୁ ଛାଡୁନି ସ୍ତ୍ରୀ
ଭୁବନେଶ୍ୱର : ଖାରବେଳନଗର ଥାନା ଅଞ୍ଚଳରେ ସ୍ୱାମୀକୁ ଘର ଭିତରକୁ ଯିବାକୁ ଦେଉନି ସ୍ତ୍ରୀ। ସକାଳୁ ସନ୍ଧ୍ୟା ଯାଏଁ ସ୍ୱାମୀ ଘର ସାମ୍ନାରେ ଧାରଣା ଦେଇଛି। ଦୀର୍ଘ ୧୩ ବର୍ଷର ବିବାହ ପରେ ଏଭଳି ଫାଟ ଦେଖାଦେଇଛି। ଘଟଣାସ୍ଥଳରେ ପୁଲିସ ପହଞ୍ଚି ବୁଝାସୁଝା କରିଥିଲେ ମଧ୍ୟ କିଛି ସୁଫଳ ମିଳିନଥିଲା। ସେପଟେ ସ୍ୱାମୀ ତାଙ୍କୁ ନିର୍ଯାତନା ଦେଉଥିବାରୁ ସେ କବାଟ ଖୋଲୁ ନ ଥିବା ପାଲଟା ଅଭିଯୋଗ କରିଛନ୍ତି ପତ୍ନୀ। ରାତିଅଧ ଯାଏଁ ସେଠାରେ ତୁତୁ ମେଁ ମେଁ ଲାଗି ରହିଛି।