ଆଜିକାଲି ଅନିୟମିତ ଜୀବନଚର୍ଯ୍ୟା,ନିମ୍ନମାନର ଖାଦ୍ୟପେୟ ଗ୍ରହଣ ଯୋଗୁଁ ମଣିଷ ବହୁତ କମ୍ ବୟସରେ ବିଭିନ୍ନ ମାରାତ୍ମକ ରୋଗରେ ଆକ୍ରାନ୍ତ ହେଉଛି। ଆମେ ରୋଗାକ୍ରାନ୍ତ ହେବା ପରେ ସୁସ୍ଥ ହେବା ପାଇଁ ଔଷଧ ସେବନ କରିଥାଉ। ସବୁ ଔଷଧ ଏକାପରି ହୋଇନଥାଏ। ରଙ୍ଗ ଓ ଆକାର ଦୃଷ୍ଟିରୁ ଏହା ଭିନ୍ନ ଭିନ୍ନ । ଆମେ ଔଷଧ ଖାଇବାବେଳେ ଅନେକ ସମୟରେ ବଟିକାରେ ଏକ ସିଧା ଲାଇନ୍ ପଡ଼ିଥିବାର ଦେଖିଥାଉ। ଏହି ବଟିକାଗୁଡ଼ିକରେ କାହିଁକି ଏପରି ଲାଇନ୍ ଥାଏ ଓ ଏହାର ଗୁରୁତ୍ବ କ’ଣ ରହିଛି ତାହା ସମସ୍ତେ ଜାଣି ରଖିବା ଉଚିତ୍। ଔଷଧ ଉପରେ ଥିବା ଏହି ଲାଇନ୍କୁ Debossed Line କୁହାଯାଏ। ଏହି ଲାଇନ୍ ସାଧାରଣତଃ ହାଇପାୱାରର ଔଷଧରେ ହୋଇଥାଏ। ଏହାକୁ ଆପଣ ଅଧା ଖାଇଲେ ଚଳିବ। ଉଦାହରଣ ସ୍ବରୂପ ଯଦି ଆପଣଙ୍କ ପାଖରେ ୫୦୦ ଗ୍ରାମ୍ର ଏକ ଔଷଧ ରହିଛି ତେବେ ଆପଣ ଲାଇନ୍ ଟଣାଯାଇଥିବା ଅଂଶକୁ ଭାଙ୍ଗି ୨୫୦ ଗ୍ରାମ୍ ଔଷଧ ସେବନ କରିପାରିବେ। ସବୁ ଔଷଧକୁ ଏପରି ଭାବେ ଖାଇହେବ ନାହିଁ। Debossed Line ଥିବା ଔଷଧଗୁଡ଼ିକରେ ଏପରି ସେବନ କରିହେବ।
