ଦୈନିକ ‘ସକାଳ’ର ସମ୍ବଲପୁର ସଂସ୍କରଣରେ ଅତ୍ୟାଧୁନିକ ୱେବ‌ ଅଫସେଟ୍ ପ୍ରିଣ୍ଟିଂ ପ୍ରେସ୍ ଉଦଘାଟିତ

ସମ୍ବଲପୁର: ଦୈନିକ ଖବର କାଗଜ ‘ସକାଳ’ର ସମ୍ବଲପୁର ସଂସ୍କରଣରେ ଅତ୍ୟାଧୁନିକ ୱେବ‌ ଅଫସେଟ୍ ପ୍ରିଣ୍ଟିଂ ପ୍ରେସ୍ ଆଜି ଉଦଘାଟିତ ହୋଇଯାଇଛି । ଏହି ପ୍ରେସରୁ ସକାଳ ଖବର କାଗଜ ମୁଦ୍ରିତ ହୋଇ ୧୦ଟି ଜିଲ୍ଲାରେ ପହଞ୍ଚିବ । ରାଜ୍ୟ ସରକାରଙ୍କ ଗଣମାଧ୍ୟମ ପରାମର୍ଶଦାତା ମାନସ ମଙ୍ଗରାଜ ଏହି  ଅତ୍ୟାଧୁନିକ ୱେବ‌ ଅଫସେଟ୍ ପ୍ରିଣ୍ଟିଂ ପ୍ରେସ୍‌କୁ ଉଦଘାଟନ କରିଛନ୍ତି ।

ଉଦଘାଟନୀ କାର୍ଯ୍ୟକ୍ରମରେ ଦୈନିକ ‘ସକାଳ’ର ସିଇଓ ସୁବ୍ରତ ଦାଶ, ପ୍ରକାଶକ ଅମିତ ମଲ୍ଲିକ, ସମ୍ବଲପୁର ସଂସ୍କରଣର ଶାଖା ପରିଚାଳକ ନରୋତ୍ତମ ଗୁରୁ, କର୍ମକର୍ତ୍ତା ଓ ସମଲେଶ୍ବରୀ ମନ୍ଦିର ଟ୍ରଷ୍ଟ ବୋର୍ଡର ସଭାପତି ସଂଜୟ ବାବୁ ପ୍ରମୁଖ ଉପସ୍ଥିତ ଥିଲେ ।

ଖୁବଶୀଘ୍ର ଭୁବନେଶ୍ବର, ଜୟପୁର ଓ ପାଣିକୋଇଲି ଠାରେ ଏଭଳି ୱେବ‌ ଅଫସେଟ୍ ପ୍ରିଣ୍ଟିଂ ପ୍ରେସ୍ ପ୍ରତିଷ୍ଠା କରିବାକୁ ପରିଚାଳନା କର୍ତ୍ତୃପକ୍ଷ ଲକ୍ଷ୍ୟ ରଖିଛନ୍ତି । ଖୁବ୍ କମ୍ ଦିନ ମଧ୍ୟରେ ଲୋକଙ୍କ ଦ୍ବାରା ଆଦୃତି ପାଇଥିବା ଦୈନିକ ଓଡ଼ିଆ ଖବର କାଗଜ ‘ସକାଳ’ ଏବେ ଘରେ ଘରେ ଖୁବ୍ ପରିଚିତି ପାଇଛି ।

Leave a comment