ଦ କଶ୍ମୀର ଫାଇଲ୍ସ ଫିଲ୍ମର ସଫଳତା ପରେ ବିବେକ ଅଗ୍ନିହୋତ୍ରୀ ଆଣୁଛନ୍ତି ‘ଦ ଭ୍ୟାକ୍ସିନ୍ ୱାର୍’, ଜାଣନ୍ତୁ କେବେ ହେବ ରିଲିଜ୍
ମୁମ୍ବାଇ : ନିର୍ଦ୍ଦେଶକ ବିବେକ ଅଗ୍ନିହୋତ୍ରୀଙ୍କ ଦ କଶ୍ମୀର ଫାଇଲ୍ସ ଫିଲ୍ମ ବଲିଉଡରେ ରେକର୍ଡ ସୃଷ୍ଟି କରିଥିଲା। କରୋନା ପରବର୍ତ୍ତି କାଳରେ ଯେତେବେଳେ ଲୋକମାନେ ବଲିଉଡ ଫିଲ୍ମରୁ ମୁହଁ ଫେରାଇଦେଇଥିଲେ, ସେତେବେଳେ ଏହି ଫିଲ୍ମ ବକ୍ସ ଅଫିସରେ ଝଡ ସୃଷ୍ଟି କରିବା ସହ ରେକର୍ଡ ପରେ ରେକର୍ଡ ସୃଷ୍ଟି କରିଚାଲିଥିଲା। କେବଳ ଭଲ ବ୍ୟବସାୟ ନୁହେଁ ଫିଲ୍ମକୁ ମଧ୍ୟ ଦେଶବାସୀ ବହୁ ପ୍ରଶଂସା କରିଥିଲେ। ଦେଶବାସୀଙ୍କ ଭଲ ପାଇବା ପରେ ନିର୍ଦ୍ଦେଶକ ବିବେକ ଅଗ୍ନିହୋତ୍ରୀ ପୁଣି ଥରେ ବଲିଉଡକୁ ଆଉ ଏଭ ଭେଟି ଦେବାକୁ ଯାଉଛନ୍ତି। ଖୁବଶୀଘ୍ର ଆସିବ ଫିଲ୍ମ ‘ ଦି ଭ୍ୟାକସିନ୍ ୱାର୍’। ଏନେଇ ଖୋଦ୍ ନିର୍ଦ୍ଦେଶକ ବିବେକ ଅଗ୍ନିହୋତ୍ରୀ ଘୋଷଣା କରିଛନ୍ତି।
ANNOUNCEMENT:
Presenting ‘THE VACCINE WAR’ – an incredible true story of a war that you didn’t know India fought. And won with its science, courage & great Indian values.
It will release on Independence Day, 2023. In 11 languages.
Please bless us.#TheVaccineWar pic.twitter.com/T4MGQwKBMg
— Vivek Ranjan Agnihotri (@vivekagnihotri) November 10, 2022
ନିର୍ଦ୍ଦେଶକ ବିବେକ ଅଗ୍ନିହୋତ୍ରୀ କହିଛନ୍ତି ଯେ ‘ଯେତେବେଳେ କୋଭିଡ ଲକଡାଉନ୍ ସମୟରେ କାଶ୍ମୀର ଫାଇଲଗୁଡ଼ିକୁ ସ୍ଥଗିତ ରଖାଗଲା, ମୁଁ ଏହାର ଅନୁସନ୍ଧାନ ଆରମ୍ଭ କଲି। ତା’ପରେ ଆମେ ICMR ଏବଂ NIVର ବୈଜ୍ଞାନିକମାନଙ୍କ ସହିତ ଅନୁସନ୍ଧାନ ଆରମ୍ଭ କଲୁ । ଯେଉଁମାନେ ଆମର ଟିକା ମିଳିବା ସମ୍ଭବ କରିଥିଲେ। ସେମାନଙ୍କର ସଂଗ୍ରାମ ଏବଂ ବଳିଦାନର କାହାଣୀ ଅତ୍ୟନ୍ତ ଜବରଦସ୍ତ ଥିଲା । ଏଭଳି କାହାଣୀଟି ଦେଖାଇବା ଉଚିତ। ଯାହା ଦ୍ଵାରା ପ୍ରତ୍ୟେକ ଭାରତୀୟ ନିଜ ଦେଶ ପାଇଁ ଗର୍ବିତ ଅନୁଭବ କରିପାରିବେ।
For the first time ever an Indian film will release in 11 Indian languages. At @i_ambuddha & @AAArtsOfficial it’s our humble initiative to help integrate Indian film industry as one. #BharatKaApnaCinema pic.twitter.com/AZKnPGiskn
— Vivek Ranjan Agnihotri (@vivekagnihotri) November 10, 2022
ଏଥି ସହିତ ଏହି ଚଳଚିତ୍ରଟି ୧୫ ଅଗଷ୍ଟ ୨୦୨୩ରେ ମୁକ୍ତିଲାଭ କରିବ। ଏହି ଚଳଚ୍ଚିତ୍ରଟି ହିନ୍ଦୀ, ଇଂରାଜୀ, ତେଲୁଗୁ, ତାମିଲ, ମାଲାୟାଲମ୍, କନ୍ନଡ, ଭୋଜପୁରୀ, ପଞ୍ଜାବୀ, ଗୁଜୁରାଟୀ, ମରାଠୀ ଏବଂ ବଙ୍ଗାଳୀ ସହିତ ୧୧ ରୁ ଅଧିକ ଭାଷାରେ ମୁକ୍ତିଲାଭ କରିବ ବୋଲି ନିର୍ଦ୍ଦେଶକ ବିବେକ ଅଗ୍ନିହୋତ୍ରୀ କହିଛନ୍ତି।