ଭିଜିଲାନ୍ସ ଜାଲରେ ଗ୍ରାମ ରୋଜଗାର ସେବକ, ଆୟ ବହର୍ଭୂତ ସମ୍ପତି ଠୁଳ ଅଭିଯୋଗରେ ୬ ସ୍ଥାନରେ ଚଢ଼ାଉ

ଭୁବନେଶ୍ୱର: ଭିଜିଲାନ୍ସ ଜାଲରେ ଫସିଛନ୍ତି ଭୁବନେଶ୍ୱର ଉପକଣ୍ଠ କଳାରାହାଙ୍ଗ ପଞ୍ଚାୟତର ଜିଆରଏସ। ଗ୍ରାମ ରୋଜଗାର ସେବକ ଭାବେ କାର୍ଯ୍ୟ କରୁଥିବା ବାବୁଲି ଚରଣ ପଢ଼ିହାରୀଙ୍କ ଘରେ ରେଡ୍ କରିଛି ଭିଜଲାନ୍ସ ଟିମ୍। ଏକକାଳୀନ ତାଙ୍କର ୬ଟି ସ୍ଥାନରେ ଚଢ଼ାଉ କରିଛି ଭିଜିଲାନ୍ସ ଟିମ୍। ରଘୁନାଥପୁର ମାଉସୀ ମା’ ମନ୍ଦିର ନିକଟ ପ୍ଲଟ ନମ୍ବର ୧୪୬/୩୭୩୬ରେ ଥିବା ଏକ ତିନି ମହଲା ଘର, ରଘୁନାଥପୁରରେ ଥିବା ଏକ ଦୁଇ ମହଲା ଘର, ଏକ ଆଜବେଷ୍ଟସ ଘରେ ଚଢ଼ାଉ ହୋଇଛି।

ସେହିପରି ଆଶୀର୍ବାଦ ପ୍ଲାଜା ଆପାର୍ଟମେଣ୍ଟରେ ଥିବା ଫ୍ଲାଟ ନମ୍ବର ୧୦୨, ରଘୁନାଥପୁରରେ ଥିବା ସମ୍ପର୍କୀୟଙ୍କ ଘର ଓ କଳାରାହାଙ୍ଗରେ ଥିବା କାର୍ଯ୍ୟାଳୟରେ ରେଡ୍ ଚାଲିଛି । ଆୟ ବହିର୍ଭୂତ ସମ୍ପତ୍ତି ଠୁଳ ଅଭିଯୋଗରେ ହୋଇଥିବା ଚଢ଼ାଉରେ ୩ ଡିଏସପି, ୧୦ ଇନ୍ସପେକ୍ଟର ସାମିଲ ହୋଇଛନ୍ତି ।

Leave a comment