ଫୁଲବାଣୀ: ଭିଜିଲାନ୍ସ ଜାଲରେ ପ୍ରକଳ୍ପ ସହାୟକ। କନ୍ଧମାଳ ଜିଲ୍ଲା ତୁମୁଡ଼ିବନ୍ଧ ପ୍ରୋଜେକ୍ଟ ଇମ୍ପ୍ଲିମେଣ୍ଟିଂ ଏଜେନ୍ସୀ ( PIA) ଅଫିସ୍ର ସହାୟକ ନଗେନ୍ଦ୍ର ନାଥ ସ୍ୱାଇଁ ଭିଜିଲାନ୍ସ ହାତରେ ଧରାପଡ଼ିଛନ୍ତି । ସେ ୫୦ ହଜାର ଟଙ୍କା ଲାଞ୍ଚ ନେଉଥିବା ବେଳେ ଧରାପଡ଼ିଛନ୍ତି। ଡୁପି ଓ ଏଡିପଦର ଗାଁର ୪ ଜଣ ହିତାଧିକାରୀଙ୍କ ଫାର୍ମ ପୋଖରୀ ବିଲ୍ କରାଇ ଦେବାକୁ ସେ ଏହି ଲାଞ୍ଚ ନେଉଥିଲ। କୁତାମଗଡ଼ା ନିକଟରେ ଟଙ୍କା ନେଉଥିବା ବେଳେ ତାଙ୍କୁ ମାଡିବସିଥିବା ଭିଜିଲାନ୍ସ ଟିମ । ନଗେନ୍ଦ୍ର ନାଥ ସ୍ୱାଇଁଙ୍କ ନିକଟରୁ ଲାଞ୍ଚ ଟଙ୍କା ଜବତ କରାଯାଇଛି । ଏ ସଂକ୍ରାନ୍ତରେ ବ୍ରହ୍ମପୁର ଭିଜିଲାନ୍ସ ଡିଭିଜନରେ ଏକ ମାମଲା ରୁଜୁ ହୋଇଛି। ଏହାପରେ ଫୁଲବାଣୀ ପ୍ରକୃତି ବିହାର ରେସିଡେନ୍ସି, ବାଲିଗୁଡା ଚମ୍ପାସାହି ରେସିଡେନ୍ସି ସହ ତାଙ୍କ କାର୍ଯ୍ଯାଳୟରେ ଭିଜିଲାନ୍ସ ପକ୍ଷରୁ ଚଢାଉ ଜାରି ରହିଛି।
