ଭୁବନେଶ୍ୱର: ଓଡ଼ିଶାରେ ୨୫ହଜାର କୋଟି ନିବେଶ କରିବ ବେଦାନ୍ତ। ଗତକାଲି ମୁମ୍ବାଇରେ ଓଡ଼ିଶା ଇନଭେଷ୍ଟର୍ସ ମିଟ’ରେ ମୁଖ୍ୟମନ୍ତ୍ରୀଙ୍କୁ ଭେଟିଥିଲେ ବେଦାନ୍ତ ରିସୋର୍ସେସ୍ ଅଧ୍ୟକ୍ଷ ଅନୀଲ ଅଗ୍ରୱାଲ । ଓଡ଼ିଶାରେ ୨୫ହଜାର କୋଟି ନୂଆ ନିବେଶ ଦିଗରେ କାର୍ଯ୍ଯକ୍ରମ ଚାଲିଥିବା ସେ କହିଛନ୍ତି। ଆଲୁମିନିୟମ, ଫେରୋକ୍ରମ ଓ ଖଣି ଭଳି ବ୍ୟବସାୟ ସମ୍ପ୍ରସାରଣ ଲକ୍ଷ୍ୟ ରଖାଯାଇଛି। ଝାରସୁଗୁଡ଼ାରେ ସ୍ଥାପନ ହେବ ବୃହତ ଆଲୁମିନିୟମ ପାର୍କ । ବର୍ତ୍ତାମନ ସୁଦ୍ଧା ରାଜ୍ୟରେ ୮୦ହଜାର କୋଟିର ନିବେଶ କରିସାରିଛି ବେଦାନ୍ତ ।
ଏହାଦ୍ୱାରା ଅଧିକ ନିଯୁକ୍ତି ସୃଷ୍ଟି ଏବଂ ରାଜ୍ୟ ସରକାରଙ୍କୁ ରାଜସ୍ୱ ହାସଲ କରିବାରେ ସହାୟକ ହେବ । ମୁଖ୍ୟମନ୍ତ୍ରୀଙ୍କ ନେତୃତ୍ୱ ଓ ସ୍ଥିର ଶାସନ ଯୋଗୁ ଓଡ଼ିଶା ଦେଶର ସବୁଠୁ ନିବେଶ ଅନୁକୂଳ ସ୍ଥାନ ହୋଇପାରିଛି। ସିଙ୍ଗିଲ ୱିଣ୍ଡୋ କ୍ଲିୟରାନ୍ସ ବ୍ୟବସ୍ଥା ୫ଟି ଭିତ୍ତିଭୂମି ପ୍ରକଳ୍ପ ଉପରେ ଫୋକସ୍ ଯୋଗୁ ଓଡ଼ିଶା ପ୍ରତି ନିବେଶକଙ୍କ ଆତ୍ମବିଶ୍ୱାସ ବଢ଼ିଛି। ଫଳରେ ସେମାନେ ନିବେଶ ଲାଗି ଆଗଭର ହେଉଛନ୍ତି । ମେକ୍ ଇନ୍ ଓଡ଼ିଶା କାର୍ୟ୍ୟକ୍ରମକୁ ମଧ୍ୟ ବେଦାନ୍ତ ସମର୍ଥନ ଜଣାଇବ ।
