ଟିକା ନ ନେଇ ଆସିଲା ପ୍ରଥମ ଡୋଜ୍ ଟିକାର ପ୍ରମାଣପତ୍ର, ଦ୍ୱିତୀୟ ଡୋଜ୍ ନେବାକୁ ଆସୁଛି ମେସେଜ୍

ଚଣ୍ଡିଖୋଲ: ଜଣେ ବ୍ୟକ୍ତି ଟିକା ନେଇ ନଥିବା ବେଳେ ତାଙ୍କ ପାଖକୁ ପ୍ରଥମ ଡୋଡ୍ ଟିକା ନେଇଥିବା ମୋବାଇଲକୁ ମେସେଜ ଆସିଛି । କୋୱିନ୍ ଆପରେ ପ୍ରମାଣପତ୍ର ମଧ୍ୟ ରହିଛି । ଏଭଳି ଘଟଣା ଘଟିଛି ଯାଜପୁର ଜିଲ୍ଲା ଧର୍ମଶାଳା ବ୍ଲକ କ୍ଷେତ୍ରପାଳ ଗୋପାଳପୁର ଗାଁରେ । ମନୋଜ କୁମାର ବେହେରା ପ୍ରଥମ ଡୋଜ ଟିକା ନେବା ପାଇଁ ଧର୍ମଶାଳା ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରରେ ନିଜର ଆଧାର କାର୍ଡ ଦେଇଥିଲେ ।

ହେଲେ କୌଣସି କାରଣରୁ ସେ ଟିକା ନେଇ ପାରି ନ ଥିଲେ । ହେଲେ ପରବର୍ତ୍ତୀ ସମୟରେ ତାଙ୍କ ମୋବାଇଲକୁ ପ୍ରଥମ ଡୋଜ ଟିକା ନେଇଥିବା ନେଇ ମେସେଜ୍ ଆସିଥିଲା । ଏହା ପରେ ଦ୍ୱିତୀୟ ଡୋଜ୍ ନେବା ପାଇଁ ମଧ୍ୟ ମେସେଜ୍ ଆସିଛି । ସେ ଟିକା ନେଇ ନଥିବାରୁ ମେସେଜ୍ କିଭଳି ଆସିଲା ତାକୁ ନେଇ ଦ୍ୱନ୍ଦ୍ୱରେ ପଡ଼ିଛନ୍ତି । ଏନେଇ ସେ ଧର୍ମଶାଳା ମେଡିକାଲ ଅଧିକାରୀଙ୍କୁ ଜଣାଇଛନ୍ତି । ତଦନ୍ତ ପରେ ପଦକ୍ଷେପ ନିଆଯିବ ବୋଲି କହିଛନ୍ତି ମେଡିକାଲ ଅଧିକାରୀ ।

Leave a comment
The Sakala ପ୍ରତି ମୁହୂର୍ତର ଖବର ଆପଣଙ୍କୁ ଦେଖାଇବାକୁ ଆମକୁ ଅନୁମତି ଦିଅନ୍ତୁ |
Dismiss
Allow Notifications