ଅଣ୍ଡର-୧୯ ଏସିଆ କପ : ଶ୍ରୀଲଙ୍କାକୁ ହରାଇ ଚାମ୍ପିୟନ୍ ହେଲା ଟିମ୍ ଇଣ୍ଡିଆ
ଦୁବାଇ: ଚଳିତ ଅଣ୍ଡର-୧୯ ଏସିଆ କପ ଫାଇନାଲରେ ଶ୍ରୀଲଙ୍କାକୁ ୯ ଓ୍ୱିକେଟରେ ପରାସ୍ତ କରି ଏସିଆ କପ୍ ଟ୍ରଫି ଉଠାଇଛି ଟିମ୍ ଇଣ୍ଡିଆ । ଏହି ବିଜୟ ସହ ଭାରତ ୮ ଥର ପାଇଁ ଏସିଆ କପରେ ଚମ୍ପିଆନ ହୋଇଛି । ଏହା ପୂର୍ବରୁ ଭାରତ ୭ ଥର ଫାଇନାଲକୁ ଯାଇଥିଲା ଏବଂ ୭ ଥର ଟାଇଟଲ ନିଜ ନାମରେ କରିଥିଲା । ଚଳିତ ଏସିଆ କପରେ ଭାରତ ପାରମ୍ପାରିକ ପ୍ରତିଦ୍ୱନ୍ଦୀ ପାକିସ୍ତାନ ବିପକ୍ଷରେ ପରାଜୟ ପରେ ଦମଦାର କମବ୍ୟାକ କରିଥିଲା ।
WHAT. A. WIN! ☺️ 👏
India U19 beat Sri Lanka U19 by 9⃣ wickets to clinch the #ACC #U19AsiaCup title. 🏆 👍 #BoysInBlue #INDvSL
Scorecard ▶️ https://t.co/GPPoJpzNpQ
📸 📸: ACC pic.twitter.com/bWBByGxc3u
— BCCI (@BCCI) December 31, 2021
ଆଜି ଫାଇନାଲ ଫାଇଟରେ ଟସ୍ ଜିତି ବ୍ୟାଟିଂ ନିଷ୍ପତ୍ତି ନେଇଥିଲା ଶ୍ରୀଲଙ୍କା । କିନ୍ତୁ ଶ୍ରୀଲଙ୍କା ପାଇ ଏହି ନିଷ୍ପତ୍ତି ଭୁଲ ସାବ୍ୟସ୍ତ ହୋଇଥିଲା । ତେବେ ଏହି ମ୍ୟାଚ ବର୍ଷା କାରଣରୁ ୫୦ ବଦଳରେ ୩୮ ଓଭର ଖେଳାଯାଇଥିଲା । ଭାରତୀୟ ବୋଲରଙ୍କ ଆକ୍ରମଣାତ୍ମକ ବୋଲିଂକୁ ସାମ୍ନା କରିପାରିନଥିଲେ ଶ୍ରୀଲଙ୍କା ବ୍ୟାଟ୍ସମ୍ୟାନ । ଯାହା ଫଳରେ ଶ୍ରୀଲଙ୍କା ୩୮ ଓଭରରେ ୯ ଓ୍ୱିକେଟ ହରାଇ ୧୦୬ ରନ କରିଥିଲା । ଭାରତ ପକ୍ଷରୁ ଭିକି ଓସ୍ତାଲ ୩ଟି ଓ୍ୱିକେଟ ନେଇଥିବାବେଳେ କୈଶାଲ ତାମ୍ବେ ଦୁଇଟି ଓ୍ୱିକେଟ ଅକ୍ତିଆର କରିଥିଲେ । ତେବେ ଫାଇନାଲ ମ୍ୟାଚରେ ଭାରତକୁ ଏକ ସହଜ ଟାର୍ଗେଟ ମିଳିଥିଲା । ଡିଏଲଏସ ମେଥଡରେ ଭାରତକୁ ଏହି ମ୍ୟାଚ ଜିତିବା ପାଇଁ ୩୮ ଓଭରରେ ମାତ୍ର ୧୦୨ ରନ ଦରକାର ଥିଲା । ଯାହା ଭାରତ ୨୧ ଓଭରରେ ହାସଲ କରନେଇଥିଲା । ଭାରତ ପକ୍ଷରୁ ଅଙ୍ଗକ୍ରିସ ରଘୁବଂସୀ ଅପରାଜିତ ୫୬ ରନ କରିଥିବାବେଳେ ଶୈକ ରସିଦ ଅପରାଜିତ ୩୧ ରନ କରିଥିଲେ ।