୪୫ ଦିନ ବ୍ରିଟେନର ପ୍ରଧାନମନ୍ତ୍ରୀ ରହିବା ପରେ ଇସ୍ତଫା ଦେଲେ ଲିଜ୍ ଟ୍ରସ

ନୂଆଦିଲ୍ଲୀ: ବ୍ରିଟେନର ନବନିର୍ବାଚିତ ପ୍ରଧାନମନ୍ତ୍ରୀ ଲିଜ୍ ଟ୍ରସ ନିଜ ପଦରୁ ଇସ୍ତଫା ଦେଇଛନ୍ତି । ଶପଥ ନେବାର ମାତ୍ର ଛଅ ସପ୍ତାହରେ ସେ ପ୍ରଧାନମନ୍ତ୍ରୀ ପଦରୁ ଇସ୍ତଫା ଦେଇଛନ୍ତି । ଦେଶର ପରବର୍ତ୍ତୀ ପ୍ରଧାନମନ୍ତ୍ରୀ ଚୟନ ହେବା ଯାଏଁ ସେ ଏହି ଦାୟିତ୍ୱରେ ରହିବେ ।ଦେଶର ଆର୍ଥିକ ସଙ୍କଟ ଉଗ୍ର ରୂପ ଧାରଣ କରିଥିବାରୁ ଟ୍ରସ୍‌ଙ୍କ ଉପରେ ଚାପ ବଢ଼ିଥିଲା। ଏହି ଚାପକୁ ସହ୍ୟ ନ କରିପାରି ଆଜି ସେ ପ୍ରଧାନମନ୍ତ୍ରୀ ପଦ ଛାଡ଼ି ଦେଇଛନ୍ତି।

ସୂଚନା ଅନୁଯାୟୀ, ଗତ ମାସରେ ବ୍ରିଟେନ ସରକାର ଏକ ଆର୍ଥିକ ଯୋଜନା ଆଗତ କରାଇଥିଲେ। ଏହା ଅସଫଳ ହେବା ପରେ ଦେଶରେ ଆର୍ଥିକ ଏବଂ ରାଜନୈତିକ ସଂକଟ ସୃଷ୍ଟି ହୋଇଥିଲା। ଏହା ପରେ ଟ୍ରସଙ୍କୁ ନିଜ ଅର୍ଥ ମନ୍ତ୍ରୀ ବଦଳାଇବାକୁ ପଡିଥିଲା ଏବଂ ନିଜ ନୀତିକୁ ମଧ୍ୟ ପରିବର୍ତ୍ତନ କରିବାକୁ ପଡିଥିଲା। ଏହାସହ ତାଙ୍କ ଅଳ୍ପ ଦିନର କାର୍ଯ୍ଯକାଳ ସମୟରେ କ୍ଷମତାରେ ଥିବା କନଜରଭେଟିବ ପାର୍ଟିରେ ଅନୁଶାସନହୀନତା ଦେଖିବାକୁ ମିଳିଥିଲା। ଏହାପରେ ଦଳର ସାଂସଦ ଟ୍ରସଙ୍କୁ ପ୍ରଧାନମନ୍ତ୍ରୀ ପଦରୁ ଇସ୍ତଫା ଦେବା ପାଇଁ ଚାପ ପକାଇଥିଲେ।

Leave a comment