ଭୁବନେଶ୍ୱର: ବିଶ୍ୱବିଦ୍ୟାଳୟର କୁଳପତି ମାନଙ୍କୁ ନେଇ ଆଜି ବୈଠକ ବସିଥିଲା । ଏଥିରେ ୟୁଜି ଓ ପିଜି ପରୀକ୍ଷା ନେଇ ଆଲୋଚନା ହୋଇଛି । ଭର୍ଚ୍ଚୁଆଲ ବୈଠକ ପରେ ଜୁଲାଇ କିମ୍ବା ଅଗଷ୍ଟ ପରେ କିଭଳି ପରୀକ୍ଷା କରାଯିବ ସେନେଇ ରାଜ୍ୟ ଉଚ୍ଚଶିକ୍ଷା ମନ୍ତ୍ରୀ ଅରୁଣ ସାହୁ ସୂଚନା ଦେଇଛନ୍ତି । ଅନଲାଇନରେ ପରୀକ୍ଷା ହେବ । ଏନେଇ ପଦକ୍ଷେପ ନିଆଯାଇ କଲେଜମାନଙ୍କୁ ସୂଚନା ଦିଆଯାଇଛି ।
ପରୀକ୍ଷାର ସୁପରିଚାଳନା ନେଇ ସମସ୍ତ ଡିଗ୍ରୀ କଲେଜର ପ୍ରିନ୍ସିପାଲଙ୍କ ସହ ଆଲୋଚନା କରାଯାଇଛି । ଗୋଟିଏ ବିଭାଗରେ ଥିବା ପିଲା ସଂଖ୍ୟା ଅନୁଯାୟୀ ୮ ପିଲାରେ ଜଣେ ଶିକ୍ଷକ ମେଣ୍ଟରିଂ କରିବେ । ପିଲାଙ୍କୁ ପରୀକ୍ଷା ପାଇଁ ପ୍ରସ୍ତୁତ କରିବେ। ଅନଲାଇନ୍ ପରୀକ୍ଷା ପାଇଁ ସୁବିଧା ନଥିବା ସ୍ଥାନରେ ଶିକ୍ଷାର୍ଥୀ ନିକଟସ୍ଥ କଲେଜରେ ଆସି ପରୀକ୍ଷା ଦେବେ ବୋଲି ଉଚ୍ଚଶିକ୍ଷା ମନ୍ତ୍ରୀ ସୂଚନା ଦେଇଛନ୍ତି ।
