୨୨ ବର୍ଷ ପରେ ଧରାପଡ଼ିଲେ ଅଭିଯୁକ୍ତ ଦୁଇ ଭାଇ
କଟକ : ଏକ ଗଣ୍ଡଗୋଳ ମାମଲାରେ ଫେରାର ହୋଇଯାଇଥିବା ଦୁଇ ଭାଇ ଦୀର୍ଘ ୨୨ ବର୍ଷ ପରେ ପୁଲିସ ହାତରେ ଧରାପଡ଼ିଛନ୍ତି। ସ୍ଥାନୀୟ ଲାଲବାଗ ପୁଲିସ ସେମାନଙ୍କୁ ବୁଧବାର କୋର୍ଟ ଚାଲାଣ କରିଛି। ଅଭିଯୁକ୍ତଦ୍ୱୟ ହେଲେ ସେଖ ବଜାର ଅଞ୍ଚଳର ହେମନ୍ତ(୫୨) ଓ ଶ୍ରୀକାନ୍ତ ଦଳାଇ(୫୦)। ୧୯୯୯ରେ ଶେଖ ବଜାର ଅଞ୍ଚଳରେ ଏକ ବଡ଼ ଧରଣର ଗଣ୍ଡଗୋଳରେ ଦୁଇ ଭାଇଙ୍କ ସଂପୃକ୍ତି ଥାଇ ସେମାନେ ଫେରାର ହୋଇଯାଇଥିଲେ। ଲାଲବାଗ ପୁଲିସ ସେମାନଙ୍କୁ ୱାରେଣ୍ଟି ବଳରେ ସେଖ ବଜାର ସ୍ଥିତ ଘରେ ଚଢଉ କରି ଗିରଫ କରିଛି।