ନବରଙ୍ଗପୁର ଜିଲ୍ଲା ପାପଡ଼ାହାଣ୍ଡି ବ୍ଲକ ମୈଦଲପୁର ରାସ୍ତା NH -୨୬ ବାବାଜିଗୁଡା ଛକ ନିକଟରେ ରାସ୍ତା ମଝିରେ ଜଳିଗଲା ଆଳୁ ବୋଝେଇ ଟ୍ରକ । ରାଜ୍ୟରେ ଲକଡାଉନ ଚାଲିଥିବା ବେଳେ କେବଳ ଜରୁରୀ ସେବା ଯୋଗାଉଥିବା ଦୋକାନ ସହ ସକାଳ ୬ ଟାରୁ ଅପରାହ୍ନ ୧୨ ଟା ପର୍ଯ୍ୟନ୍ତ ସଉଦା ଓ ପନିପରିବା ଦୋକାନ ଖୋଲା ରହୁଛି । ସେଥିପାଇଁ ପଶ୍ଚିମବଙ୍ଗରୁ ନବରଙ୍ଗପୁର ଅଭିମୁଖେ ଆଳୁ ବୋଝେଇ ଟ୍ରକ ଆସୁଥିବା ସମୟରେ ପାପଡାହାଣ୍ଡି ବ୍ଲକ ମୈଦଲପୁର ରାସ୍ତା NH -୨୬ ବାଜିଗୁଡା ଛକ ନିକଟରେ ହଠାତ ନିଆଁ ଲାଗି ଜଳି ଯାଇଥିଲା । ବ୍ୟାଟେରୀ ସଟ ସର୍କିଟ ଯୋଗୁଁ ନିଆଁ ଲାଗି ଯାଇଛି ବୋଲି କହିଛନ୍ତି ଗାଡି ଡ୍ରାଇଭର । ଗାଡି ରେ ନିଆଁ ଲାଗିଯାଇଥିବା ଦେଖି ଗାଡିଟିକୁ ରାସ୍ତା କଡରେ ଅଟକାଇ ଅଗ୍ନିଶମ ବାହିନୀ କୁ ଖବର ଦେଇଥିଲେ । ଅଗ୍ନିଶମ ବାହିନୀ ପହଞ୍ଚି ନିଆଁକୁ ଆୟତ କରିଥିଲେ ।
