ବିଜେପି କର୍ମୀଙ୍କୁ ଗଙ୍ଗାଜଳ ଛିଞ୍ଚି ଦଳରେ ସାମିଲ କଲା ଟିଏମସି

କୋଲକତା: ବିଜେପି ଯାଇ ଭୁଲ କରିଛନ୍ତି ଏବଂ ଟିଏମସିରେ ସାମିଲ ହେବାକୁ ଧାରଣାରେ ବସୁଛନ୍ତି ବିଜେପିର ଅନେକ ନେତା ଓ କର୍ମୀ । ଏବେ ଆଉ ମୋଦିଙ୍କ ବାର୍ତ୍ତା ନୁହେଁ ଦିଦିଙ୍କ ଡ୍ରାମା ଭଲ ଲାଗୁଛି । ପରାଜୟ ପରେ ଏବେ ଘରକୁ ଫେରୁଛନ୍ତି ବିଜେପିର ଅନେକ ନେତା ଓ କର୍ମୀ । ପଶ୍ଚିମବଙ୍ଗରେ ଭାରତୀୟ ଜନତା ପାର୍ଟିର ନେତାମାନେ ପଶ୍ଚିମବଙ୍ଗ ନିର୍ବାଚନରେ ​​ପରାଜୟ ପରେ ତୃଣମୂଳ କଂଗ୍ରେସ ପାଖକୁ ଫେରୁଛନ୍ତି । ବହୁ ସଂଖ୍ୟକ ବିଜେପି କର୍ମୀ ମମତା ବାନାର୍ଜୀଙ୍କ ନେତୃତ୍ୱାଧୀନ ଟିଏମସିରେ ଯୋଗଦେବାକୁ ଚାହୁଁଛନ୍ତି ।

ତେବେ ଯେଉଁଭଳି ଭାବେ ଏମାନେ ଘରକୁ ଫେରୁଛନ୍ତି ତାହା ଅତ୍ୟନ୍ତ ରୋଚକ ବିଷୟ । ଟିଏମସିରେ ଯୋଗଦେବା ପାଇଁ ଗଙ୍ଗାଜାଲ ଛିଞ୍ଚି ବିଜେପି କର୍ମୀଙ୍କୁ ଶୁଦ୍ଧ କରାଯାଉଛି । ଆଉ ଏହା ପରେ ହିଁ ତାଙ୍କୁ ଟିଏମସିରେ ସାମିଲ କରାଯାଉଛ । ସୂଚନା ଅନୁସାରେ, ବଙ୍ଗଳାର ବୀରଭୂମ ଜିଲ୍ଲାର ସେନ୍ଥିୟା ଅଞ୍ଚଳରେ ୩୫୦ ବିଜେପି କର୍ମୀ ଟିଏମସି କାର୍ଯ୍ୟାଳୟ ବାହାରେ ଧାରଣା ଦେଇଥିଲେ । ସମସ୍ତ କର୍ମକର୍ତ୍ତା ବିଜେପି ଯାଇ ସେମାନେ ଭୁଲ କରିଛନ୍ତି ବୋଲି ମଧ୍ୟ କହିଛନ୍ତି । ଏବଂ ତାଙ୍କୁ ପୁଣି ଟିଏମସିକୁ ଫେରାଇ ନିଆଯିବା ଉଚିତ୍ ବୋଲି କହିଥିଲେ । ପ୍ରାୟ ୪ ଘଣ୍ଟା ଧରି ବିଜେପି କର୍ମୀମାନେ ଧାରଣା ବସିଥିଲେ ।

ଚାରି ଘଣ୍ଟା ଧରି ଚାଲିଥିବା ଏହି ହାଇ ଭୋଲଟେଜ୍ ଡ୍ରାମା ପରେ, ଟିଏମସି ପଞ୍ଚାୟତିରାଜ ମୁଖ୍ୟ ସମସ୍ତ କାର୍ଯ୍ୟକର୍ତ୍ତାଙ୍କ ଉପରେ ଗଙ୍ଗାଜାଲ ଛିଞ୍ଚି ସେମାନଙ୍କୁ ଶୁଦ୍ଧ କରିଥିଲେ, ପରେ ସେମାନଙ୍କୁ ପାର୍ଟିର ସଦସ୍ୟତା ଦେଇଥିଲେ । ତେବେ ଏନେଇ ବିଜେପି କର୍ମୀମାନେ ମଧ୍ୟ ଉତ୍ସାହିତ ଥିଲେ। ଏହା କେବଳ ଛୋଟମୋଟ କର୍ମକର୍ତ୍ତାଙ୍କ ପାଇଁ ନଥିଲା, ଦଳର ଅନେକ ଭେଟେରାନ ବିଜେପି ନେତାମାନେ ମଧ୍ୟ ପରାଜୟ ପରେ ଟିଏମସି ରେ ସାମିଲ ହେଉଥିବାର ନଜରକୁ ଆସିଛି ।

Leave a comment