ଦୁନିଆର ଅନେକ ଦେଶରେ ପ୍ରସିଦ୍ଧ ହିନ୍ଦୁ ମନ୍ଦିରମାନ ଅଛି। ଏପରି ଏକ ଦେଶ ଅଛି ଯେଉଁଠି ବିଶ୍ବର ସର୍ବ ବୃହତ ହିନ୍ଦୁ ମନ୍ଦିର ଏବଂ ସର୍ବ ବୃହତ ଧାର୍ମିକ ସ୍ମାରକ ଅଛି, କିନ୍ତୁ ଆପଣ ଜାଣି ଆଶ୍ଚର୍ଯ୍ୟ ହେବେ ଯେ ସେଠାରେ କୌଣସି ହିନ୍ଦୁ ନାହାଁନ୍ତି। ଏହି ଦେଶର ଜାତୀୟ ପତାକାର ପ୍ରତୀକ ମଧ୍ୟ ହିନ୍ଦୁମାନଙ୍କର ଏହି ମନ୍ଦିର। ହିନ୍ଦୁ ଧର୍ମ ହେଉଛି ବିଶ୍ୱର ଏକମାତ୍ର ଧର୍ମ, ଯାହା ସର୍ବ ପୁରାତନ ଅଟେ। ହିନ୍ଦୁ ଧର୍ମ ୧୨ ହଜାର ବର୍ଷରୁ ଅଧିକ ପୁରୁଣା ବୋଲି ବିଶ୍ୱାସ କରାଯାଏ। ହିନ୍ଦୁ ଧର୍ମରେ ମୂର୍ତ୍ତି ପୂଜା ଏବଂ ଧ୍ୟାନର ବିଶେଷ ଗୁରୁତ୍ୱ ରହିଛି। ଅନେକ ପ୍ରମାଣ ଅଛି ଯେ ଦୁନିଆର ଅନେକ ଦେଶରେ ସନାତନ ଧର୍ମ ପ୍ରଥମ ଥିଲା। କିନ୍ତୁ କାଳ କ୍ରମେ ଲୋକମାନେ ଧର୍ମ ପରିବର୍ତ୍ତନ କରିବା ସହ ଅନ୍ୟଧର୍ମାବଲମ୍ବୀ ହୋଇଥିଲେ।
କାମ୍ବୋଡିଆ ଦେଶର ଅଙ୍ଗକୋରୱାଟ ମନ୍ଦିର ହେଉଛି ବିଶ୍ୱର ସବୁଠାରୁ ବଡ ହିନ୍ଦୁ ମନ୍ଦିର । ଏହା ବ୍ୟତୀତ ଏହା ଦୁନିଆର ସବୁଠୁ ବଡ ଧାର୍ମିକ ସ୍ମାରକ ଅଟେ। ଏହା କାମ୍ବୋଡିଆର ଅଙ୍ଗକୋରରେ ଅବସ୍ଥିତ | ଅଙ୍ଗକୋର ସିମ୍ରିପ ସହରର ମେକୋଙ୍ଗ ନଦୀ କୂଳରେ ଅବସ୍ଥିତ ଏହି ମନ୍ଦିର। ଏହି ମନ୍ଦିର ଏକ ଶହ ବର୍ଗ ମାଇଲ ସ୍ଥାନରେ ରହିଛି। ଏହା ଭଗବାନ ବିଷ୍ଣୁଙ୍କର ଏକ ମନ୍ଦିର। ଏହା ପୂର୍ବ ଏଠାକାର ଶାସକମାନେ ଏଠାରେ ଭଗବାନ ଶିବଙ୍କର ବଡ଼ ମନ୍ଦିର ମଧ୍ୟ ନିର୍ମାଣ କରିଥିଲେ। ଏହାର ପୁରୁଣା ନାମ ଯଶୋଦପୁର ଥିଲା । ଏହି ମନ୍ଦିର ୧୧୧୨ ରୁ ୧୧୫୩ ଖ୍ରୀଷ୍ଟାବ୍ଦରେ ରାଜା ସୂର୍ଯ୍ୟବର୍ମନ ଦ୍ୱିତୀୟଙ୍କ ସମୟରେ ନିର୍ମିତ ହୋଇଥିଲା। ଏହି ମନ୍ଦିରର ଚିତ୍ର କାମ୍ବୋଡିଆର ଜାତୀୟ ପତାକାରେ ରହିଛି। ଏହା ଦୁନିଆର ସବୁଠାରୁ ପ୍ରସିଦ୍ଧ ପର୍ଯ୍ୟଟନ ସ୍ଥାନମାନଙ୍କରେ ଅନ୍ତର୍ଭୁକ୍ତ ଏବଂ ଏହା ୟୁନେସ୍କୋ ବିଶ୍ୱ ଐତିହ୍ୟରେ ମଧ୍ୟ ସ୍ଥାନ ପାଇଛି।
ସବୁଠୁ ବଡ ପ୍ରଶ୍ନ ହେଉଛି କାମ୍ବୋଡିଆରେ ବିଶ୍ବର ସବୁଠୁ ବଡ ହିନ୍ଦୁ ମନ୍ଦିର ଅଛି, କିନ୍ତୁ ୧୦୦ ପ୍ରତିଶତ ହିନ୍ଦୁ ଧର୍ମ ଅନୁସରଣ କରୁଥିବା ହିନ୍ଦୁମାନେ ଏଠାରେ ନାହାନ୍ତି। ଇତିହାସ ଅନୁଯାୟୀ, ଏଠାରେ ଲୋକମାନେ ପୂର୍ବରୁ ହିନ୍ଦୁ ଧର୍ମାବଲମ୍ବୀ ଥିଲେ ପରେ ଅନ୍ୟ ଧର୍ମ ଗ୍ରହଣ କରିଛନ୍ତି। ବର୍ତ୍ତମାନ ଏହି ଦେଶରେ କେବଳ ଅଳ୍ପ କେତେକ ହିନ୍ଦୁ ରହିଛନ୍ତି, କିନ୍ତୁ ବିଶ୍ୱର ସର୍ବବୃହତ ହିନ୍ଦୁ ମନ୍ଦିର ଏହି ଦେଶରେ ଅଛି । କୁହାଯାଏ ଯେ ପୂର୍ବରୁ କାମ୍ବୋଡିଆରେ ହିନ୍ଦୁ ଧର୍ମ ରହିଥିଲା। ଏହାପୂର୍ବରୁ ଏହାର ସଂସ୍କୃତ ନାମ କାମ୍ବୁଜ୍ ବା କାମ୍ବୋଜା ଥିଲା। କାମ୍ବୋଜାର ପ୍ରାଚୀନ କିମ୍ବଦନ୍ତୀ ଅନୁଯାୟୀ, ଆର୍ଯ୍ୟଦେଶର ରାଜା କାମ୍ବୁ ସ୍ୟମ୍ବୁଭା ଏହି ଉପନିବେଶର ଭିତ୍ତିପ୍ରସ୍ତର ସ୍ଥାପନ କରିଥିଲେ। ଭଗବାନ ଶିବଙ୍କ ପ୍ରେରଣା ନେଇ ରାଜା କାମ୍ବୁ ସ୍ୟମ୍ବୁଭା କାମ୍ବୋଜ ଦେଶକୁ ଆସିଥିଲେ। ସେ ଏଠାରେ ଥିବା ନାଗ ଜାତିର ରାଜାଙ୍କ ସାହାଯ୍ୟରେ ଏହି ବନ୍ୟ ମରୁଭୂମିରେ ଏକ ରାଜ୍ୟ ପ୍ରତିଷ୍ଠା କଲେ । ନାଗରାଜଙ୍କ ଚମତ୍କାର ଯାଦୁ ହେତୁ ମରୁଭୂମି ଏକ ସବୁଜ, ସୁନ୍ଦର ଭୂମିରେ ପରିଣତ ହେଲା।
କିମ୍ବଦନ୍ତୀ ଅନୁଯାୟୀ, ଆର୍ଯ୍ୟଦେଶର ରାଜା କାମ୍ବୁ ନାଗରାଜଙ୍କ ଝିଅକୁ ବିବାହ କରି କାମ୍ବୁଜ ରାଜବଂଶର ମୂଳଦୁଆ ପକାଇଥିଲେ। କିନ୍ତୁ ଏହି ସବୁଜ, ସୁନ୍ଦର ଭୂମି ଉପରେ ବିଦେଶୀମାନଙ୍କ ଆଖି ପଡିଲା ଏବଂ ସେମାନେ ଏଠାରେ ରହୁଥିବା ହିନ୍ଦୁମାନଙ୍କୁ ଅତ୍ୟାଚାର କରିବା ସହ ସେମାନଙ୍କୁ ଧର୍ମ ପରିବର୍ତ୍ତନ କରିବାକୁ ବାଧ୍ୟ କରିଥିଲେ। କିନ୍ତୁ ସେଠାରେ ଲୋକମାନେ ବର୍ତ୍ତମାନବି ନିଜକୁ ହୃଦୟରେ ହିନ୍ଦୁ ବୋଲି ଭାବନ୍ତି।
