ବଡ ଖବର ଓଡ଼ିଶା ମନୋରଞ୍ଜନ ଖେଳ ଖବର ଦେଶ- ବିଦେଶ ଜୀବନଚର୍ଯ୍ୟା ରାଶିଫଳ ବାଣିଜ୍ୟ ଫଟୋ ଗ୍ୟାଲେରୀ ଅପରାଧ ଟେକ୍ନୋଲୋଜି ବିଶେଷ ରାଜନୀତି ସ୍ଵାସ୍ଥ୍ୟ

ରିଲିଜ୍‌ ହେଲା ବହୁ ଚର୍ଚ୍ଚିତ ଫିଲ୍ମ ‘ଥଲାଇଭି’ର ପ୍ରଥମ ଗୀତ, ଦର୍ଶକଙ୍କ ମନ ମୋହୁଛି କଙ୍ଗନାଙ୍କ ଚୁଲ୍‌ବୁଲି ଅନ୍ଦାଜ୍‌

ମୁମ୍ବଇ : ଚଳିତ ମାସ ୨୩ ତାରିଖରେ ରିଲିଜ୍‌ ହେବାକୁ ଥିବା ବଲିଉଡ୍‌ କୁଇନ କଙ୍ଗନା ରଣାୱତଙ୍କ ବହୁ ଚର୍ଚ୍ଚିତ ଫିଲ୍ମ ‘ଥଲାଇଭି’ର ପ୍ରଥମ ଗୀତ ଆଜି ରିଲିଜ୍‌ ହୋଇଛି। କଙ୍ଗନାଙ୍କ ଜନ୍ମଦିନ ଅବସରରେ ଫିଲ୍ମ ଥଲାଇଭିର ଟ୍ରେଲର ରିଲିଜ ହୋଇଥିବା ବେଳେ ଆଜି ଗୀତ ‘ଚଲି ଚଲି’ ମୁକ୍ତିଲାଭ କରିଛି। ଗୀତରେ ବଲିଉଡ୍‌ କୁଇନ କଙ୍ଗନା ରଣାୱତଙ୍କ ଚୁଲବୁଲ ଅନ୍ଦାଜ ସହ ସୁନ୍ଦର ନୃତ୍ୟ ଦେଖିବାକୁ ମିଳିଛି।

୧ ମିନିଟ୍ ୫୯ ସେକେଣ୍ଡର ଏହି ଗୀତରେ କଙ୍ଗନା କ୍ୟାମେରା ଆଗରେ ପ୍ରତି ସେକେଣ୍ଡରେ ବହୁତ ସୁନ୍ଦର ଏବଂ ଚୁଲବୁଲ ଅନ୍ଦାଜରେ ନଜର ଆସିଛନ୍ତି । ଏହି ଗୀତ ମାଧ୍ୟମରେ କଙ୍ଗନା ତାଙ୍କ ଅଭିନୟ ସହିତ ଦର୍ଶକଙ୍କ ମନରେ ସ୍ବର୍ଗତ ଜୟଲଳିତାଙ୍କୁ ମନେ ପକାଇବାରେ ସଫଳ ହୋଇଥିବା ଦେଖିବାକୁ ମିଳିଛି ।ନିକଟରେ, କଙ୍ଗନା ଏହି ଗୀତର ଟିଜର ସେୟାର କରିଥିଲେ, ଯାହା ପରେ ପ୍ରଶଂସକଙ୍କ ମଧ୍ୟରେ ବହୁତ କୌତୁହଳ ଦେଖିବାକୁ ମିଳିଥିଲା ।

ଏଥିସହିତ ପଢ଼ନ୍ତୁ

ତାମିଲନାଡ଼ୁର ପୂର୍ବତନ ମୁଖ୍ୟମନ୍ତ୍ରୀ ତଥା ଅଭିନେତ୍ରୀ ଜେ ଜୟଲଳିତାଙ୍କ ଜୀବନ କାହାଣୀ ଉପରେ ଏହି ଫିଲ୍ମ ଆଧାରିତ। ଫିଲ୍ମରେ ଜୟଲଳିତାଙ୍କ ଚରିତ୍ରକୁ ଜୀବନ୍ତ କରିବା ପାଇଁ କଙ୍ଗନା ଆପ୍ରାଣ ଉଦ୍ୟମ କରିଛନ୍ତି ବୋଲି ରିଲିଜ୍‌ ହୋଇଥିବା ଟ୍ରେଲରରୁ ସ୍ପଷ୍ଟ ବାରି ହୋଇ ପଡିଥିଲା। ଥଲାଇବି’ ଫିଲ୍ମର ନିର୍ଦ୍ଦେଶକ ହେଉଛନ୍ତି ଏ.ଏଲ୍ ବିଜୟ। ଏହାର ନିର୍ମାତାମାନେ ହେଉଛନ୍ତି ବିଷ୍ଣୁ ବର୍ଦ୍ଧନ ଇନ୍ଦୁରୀ ଏବଂ ଶୌଲେଶ ଆର ସିଂ।

Leave A Reply

Your email address will not be published.