ପ୍ରସ୍ତୁତ କରନ୍ତୁ କଲରା କବାବ୍‌, ପୋଦିନା ଚଟଣି ସହ ଗରମ ଗରମ ପରଷନ୍ତୁ….

ଆବଶ୍ୟକ ସାମଗ୍ରୀ

କଲରା: ୪ଟି, ଜିରା: ଏକ ଚାମଚ, କଟା ଅଦା: ଅଧା ଚାମଚ, ପାଳଙ୍ଗ: ଏକ କପ୍‌, ଗୋଲମରିଚ ଗୁଣ୍ଡ: ଅଧା ଚାମଚ, ଖୁଆ: ଅଧା ଚାମଚ, ବେସନ: ଅଧା କପ୍‌, ଘିଅ: ଆବଶ୍ୟକତା ଅନୁସାରେ, କଟା ରସୁଣ: ଏକ ଚାମଚ, ସିଝା ଆଳୁ: ୨ଟି, ଆଲମଣ୍ଡ: ୫ଟି, କର୍ଣ୍ଣ: ଅଧା କପ୍‌, ହଳଦୀ: ଅଧା ଚାମଚ, ଲୁଣ: ସ୍ବାଦ ଅନୁସାରେ।

ଏଥିସହିତ ପଢ଼ନ୍ତୁ

ପ୍ରସ୍ତୁତି ପ୍ରଣାଳୀ
ଚୁଲାରେ କଡ଼େଇ ବସାଇ ଘିଅ ଦିଅନ୍ତୁ। ଘିଅ ଗରମ ହେଲେ ସେଥିରେ ଜିରା, କଟା ରସୁଣ, କଟା ଅଦା ପକାଇ ଭାଜନ୍ତୁ। ଏହା ପରେ ସିଝା କଲରାକୁ ଚକଟି ପକାନ୍ତୁ। ସେହିପରି ସିଝା ଆଳୁକୁ ଗ୍ରେଟ୍ କରି ପକାଇବା ସହ ପାଳଙ୍ଗ ଓ ଗୋଲମରିଚ ଗୁଣ୍ଡ ପକାନ୍ତୁ। ଏହାପରେ ଆଲମଣ୍ଡ, ଖୁଆ, କର୍ଣ୍ଣ, ହଳଦୀ ଓ ଲୁଣ ପକାନ୍ତୁ। ଏହା ପରେ ସେଥିରେ ଭଜା ବେସନକୁ ପକାନ୍ତୁ। ଏହାକୁ ଏକ ପାତ୍ରକୁ କାଢ଼ି ଥଣ୍ଡା ହେବାକୁ ଦିଅନ୍ତୁ। ଥଣ୍ଡା ହୋଇଯିବା ପରେ ଅଳ୍ପ ପାଣି ଦେଇ ତାକୁ ଭଲ ଭବେ ଚକଟନ୍ତୁ। ପରେ ତାହାକୁ କବାବ୍ ଆକୃତିରେ ଗଢ଼ି ରଡ୍‌ରେ ଭର୍ତ୍ତି କରି ଦୁଇପାର୍ଶ୍ବ ଲାଲ୍ ହେବା ପର୍ଯ୍ୟନ୍ତ ସେକନ୍ତୁ। ପ୍ରସ୍ତୁତ ହୋଇଗଲା କଲରା ଶିଖ୍ କବାବ୍‌। ଏହାକୁ ପୋଦିନା ଚଟଣି ସହ ଗରମ ଗରମ ପରଷନ୍ତୁ।

Leave a comment