‘ଟାଟା ପଞ୍ଚ’ର ବଜାର ପ୍ରବେଶ: ସେପ୍ଟି ପାଇଁ ମିଳିଛି ଫାଇଭ ଷ୍ଟାର ରେଟିଂ, ମାତ୍ର ୨୧ ହଜାର ଟଙ୍କା ଦେଇ କରିପାରିବେ ପ୍ରି-ବୁକିଂ
ନୂଆଦିଲ୍ଲୀ: ଟାଟା ମୋଟର୍ସ ପକ୍ଷରୁ ଏହାର ନୂଆ କାର ଟାଟା ପଞ୍ଚ୍ ଭାରତୀୟ ବଜାରରେ ପ୍ରବେଶ କରିଛି। ବଜାରକୁ ଆସିବା ପୂର୍ବରୁ ଟାଟା ପଞ୍ଚର ସମସ୍ତ ବୈଶିଷ୍ଟ୍ୟକୁ ନେଇ ବଜାରରେ ଢ଼େର ଚର୍ଚ୍ଚା ହେଉଥିଲା। ଟାଟା ମୋଟର୍ସ ଟାଟା ପଞ୍ଚର ପ୍ରାରମ୍ଭିକ ମୂଲ୍ୟ ୫.୪୯ ଲକ୍ଷ ଟଙ୍କା ଧାର୍ଯ୍ୟ କରିଛି। ଟାଟା ମୋଟର୍ସ ଦାବି କରିଛି ଯେ , ଟାଟା ପଞ୍ଚ ହେଉଛି ଏହି ସେଗମେଣ୍ଟର ସବୁଠାରୁ ଭଲ କାର। ଟାଟା ପଞ୍ଚର ପ୍ରି-ବୁକିଂ ଅକ୍ଟୋବର ୪ରୁ ଜାରି ହୋଇଛି। ମାତ୍ର ୨୧ ହଜାର ଟଙ୍କା ଦେଇ ଏହି କାର ବୁକ୍ କରିହେବ।
ମାନୁଆଲ ଟ୍ରାନ୍ସମିଶନରେ ଏହି ଏସୟୁଭି ଲିଟର ପିଛା ୧୮.୯୭ କିଲୋମିଟର ଓ ଏଏମ୍ଟିରେ ଲିଟର ପିଛା ୧୮. ୮୨ କିଲୋମିଟର ମାଇଲେଜ ଦେବ। ନୂଆ ଏସୟୁଭିରେ ୧.୨ ଲିଟର ପେଟ୍ରୋଲ ଇଞ୍ଜିନ ବିକଳ୍ପ ରହିଛି । ଏହି କାର ୬.୫ ସେକେଣ୍ଡରେ ଘଣ୍ଟା ପ୍ରତି ଶୂନ୍ରୁ ୬୦ କିମି ଓ ୧୬.୫ ସେକେଣ୍ଡରେ ଘଣ୍ଟା ପ୍ରତି ଶୂନ୍ରୁ ୧୦୦ କିମି ବେଗରେ ଯାଇପାରିବ। ଟାଟା ପଞ୍ଚରେ ୭ ଇଞ୍ଚର ଟଚ ସ୍କ୍ରିନ ଇନ୍ଫୋଟେନମେଣ୍ଟ ସିଷ୍ଟମ ଲାଗିଛି । ଷ୍ଟିୟରିଂ କଣ୍ଟ୍ରୋଲ, ୩୬୬ ଲିଟର ବୁଟ ସ୍ପେସ, ଫ୍ରଣ୍ଟ ଓ ରିୟାର ପାୱାର ୱିଣ୍ଡୋ, ଆଡଜଷ୍ଟେବଲ ଦରଭାର ସିଟ, କ୍ରୁଜ କଣ୍ଟ୍ରୋଲ, ରିୟଲ ପ୍ଲାଟ ସିଟ, ଫୁଲି ଅଟୋମେଟେଡ଼ ଟେମ୍ପରେଚର କଣ୍ଟ୍ରୋଲ ଭଳି ବୈଶିଷ୍ଟ୍ୟ ରହିଛି ଯାହା ଗ୍ରାହକଙ୍କୁ ଆକର୍ଷିତ କରିବ। ଟାଟା ପଞ୍ଚ କାରକୁ ଗ୍ଲୋବାଲ ଏନକ୍ୟାପ କ୍ରାସ ଟେଷ୍ଟରେ ଆଡଲ୍ସ ସେପ୍ଟି ଦୃଷ୍ଟିରୁ ଫାଇଭ ଷ୍ଟାର
ରେଟିଂ ମିଳିଛି। ସୁରକ୍ଷା ଦୃଷ୍ଟିରୁ ଏଥିରେ ଡୁଆଲ ଏୟାର ବ୍ୟାଗ ଦିଆଯାଇଛି।
