ବଡ ଖବର ଓଡ଼ିଶା ମନୋରଞ୍ଜନ ଖେଳ ଖବର ଦେଶ- ବିଦେଶ ଜୀବନଚର୍ଯ୍ୟା ରାଶିଫଳ ବାଣିଜ୍ୟ ଫଟୋ ଗ୍ୟାଲେରୀ ଅପରାଧ ଟେକ୍ନୋଲୋଜି ବିଶେଷ ରାଜନୀତି ସ୍ଵାସ୍ଥ୍ୟ

ପରଲୋକରେ ‘ତାରକ୍‌ ମେହେଟ୍ଟା କା ଉଲ୍‌ଟା ଚଷମା’ର ନଟୁ କାକା

ମୁମ୍ବଇ : ଲୋକପ୍ରିୟ ହିନ୍ଦୀ କମେଡି ଧାରାବାହିକ ‘ତାରକ ମେହେଟ୍ଟା କା ଉଲ୍‌ଟା ଚଷମା’ କିଏ ବା ନ ଦେଖିଛି। ଅଗଣିତ ଦର୍ଶକଙ୍କ ଭଲ ପାଇବା କାରଣରୁ ଦେଶରେ ବେଶ ଲୋକପ୍ରିୟ ଏହି ଧାରାବାହିକ। ଏହି ଧାରାବାହିକରେ ଅଭିନୟ କରୁଥିବା ପ୍ରତିଟି ଅଭିନେତା ଦର୍ଶକମାନଙ୍କ ପାଖରେ ପରିଚିତ ରହିଥାନ୍ତି। ତେବେ ଏହି ଧାରାବାହିକର ଜଣେ ପରିଚିତ ଚେହେରା  ଘନଶ୍ୟାମ ନାଏକ ଓରଫ ନଟୁ କାକାଙ୍କର ପରଲୋକ ହୋଇଛି। ଘନଶ୍ୟାମ ଦୀର୍ଘ ଦିନ ହେଲା ରୋଗରେ ପଡ଼ିଥିଲେ। ଆଜି ତାଙ୍କର ବିୟୋଗ ହୋଇଥିବା ଧାରାବାହିକର ପ୍ରଯୋଜକ ଅସୀତ ମୋଦି ସୂଚନା ଦେଇଛନ୍ତି।

‘ତାରକ୍‌ ମେହେଟ୍ଟା କା ଉଲ୍‌ଟା ଚଷମା’ର ମୁଖ୍ୟ ଅଭିନେତା ଜେଠାଲାଲ୍‌ଙ୍କ ଦୋକାନରେ କାମ କରୁଥିବା ନଟୁ କାକାଙ୍କ ସେଠ ଜୀ, ମେରା ପଗାର ବଢ଼ାଓ’ ଏହି ଡାଇଲଗଟି ଆଉ ଶୁଣିବାକୁ ମିଳିବ ନାହିଁ। ମୁହଁରେ ରଙ୍ଗମାରି ରଙ୍ଗମଞ୍ଚ ଅଭିନୟ କରୁଥିବା ଘନଶ୍ୟାମ ଆଜି ଦୁନିଆ ରଙ୍ଗମଞ୍ଚରୁ ବିଦାୟ ନେଇଛନ୍ତି।କ୍ରମାଗତ ୧୩ ବର୍ଷ ଧରି ଦର୍ଶକଙ୍କୁ ମନୋରଞ୍ଜନର ଖୋରାକ ଯୋଗାଇଆସିଥିବା ଅଭିନେତା ଘନଶ୍ୟାମ ନାଏକଙ୍କର ଆଜି ୭୭ ବର୍ଷ ବୟସରେ ଦେହାନ୍ତ ହୋଇଛି। ସୂଚନା ଥାଉ କି ନଟୁ କାକା ଦୀର୍ଘ ସମୟ ଧରି ଅସୁସ୍ଥ ଥିଲେ। ନଟୁ କାକା ଦୀର୍ଘ ଦିନ ଧରି କର୍କଟ ରୋଗ ସହ ଲଢୁଥିଲେ । କିଛି ମାସ ପୂର୍ବରୁ ତାଙ୍କର ଦୁଇଟି ଅପରେସନ୍ ମଧ୍ୟ ହୋଇଥିଲା।

 

 

Leave A Reply

Your email address will not be published.