ନୂଆଦିଲ୍ଲୀ : ଟିମ୍ ଇଣ୍ଡିଆରପୂର୍ବତନ ବାମହାତୀ ବ୍ୟାଟ୍ସମ୍ୟାନ୍ ସୁରେଶ ରାଇନା ବର୍ତ୍ତମାନ ସମସ୍ତ ପ୍ରକାର କ୍ରିକେଟରୁ ଅବସର ଘୋଷଣା କରିଛନ୍ତି । ତାଙ୍କ ଘୋଷଣା ମୁତାବକ ସେ ଅନ୍ତର୍ଜାତୀୟ କ୍ରିକେଟର ସମସ୍ତ ଫାର୍ମାଟରୁ ଅବସର ନେଇଛନ୍ତି । ଏନେଇ ରୈନା ନିଜ ସୋସିଆଲ ମିଡିଆ ଆକାଉଣ୍ଟରେ ସେୟାର କରିଛନ୍ତି । ଏହାପୂର୍ବରୁ ସେ ୨୦୨୦ ଅଗଷ୍ଟ ୧୫ ତାରିଖରେ ଅନ୍ତର୍ଜାତୀୟ କ୍ରିକେଟରୁ ସନ୍ୟାସ ନେଇଥିଲେ । ହେଲେ ଉତ୍ତର ପ୍ରଦେଶର ଘରୋଇ କ୍ରିକେଟ ଖେଳ ଜାରି ରଖିଥିଲେ । ଏହା ସହ ସେ ଆଇପିଏଲ ମଧ୍ୟ ଖେଳୁଥିଲେ । ହେଲେ ଗତବର୍ଷ ଆଇପିଏଲ ଫ୍ରାଞ୍ଚାଇଜରେ ତାଙ୍କୁ କେହି କିଣି ନଥିଲେ ।
ଆଜି ସେ ସମସ୍ତ ଫର୍ମାଟରୁ ଅବସର ନେବା କଥା ସୋସିଆଲ ମିଡିଆରେ ସେୟାର କରିବା ସହ ଲେଖିଛନ୍ତି କି, ଦେଶ ଓ ଉତ୍ତର ପ୍ରଦେଶ ପାଇଁ କ୍ରିକେଟ ଖେଳିବାର ସୁଯୋଗ ପାଇଥିବାରୁ ମୁଁ ନିଜକୁ ଗର୍ବ ଅନୁଭବ କରୁଛି । ଏହାସହ ସେ ବିସିସିଆଇ, ୟୁପି କ୍ରିକେଟ ଆସୋସିଏସନ ଓ ଆଇପିଏଲରେ ନିଜର ଫ୍ରାଞ୍ଚାଇଜ୍ ଚେନ୍ନାଇ ସୁପରକିଙ୍ଗିସକୁ ଧନ୍ୟବାଦ ଦେଇଛନ୍ତି ।
ରାଇନାଙ୍କୁ କ୍ରିକେଟ୍ ଖେଳିବା ପାଇଁ କ୍ରିକେଟ୍ ରୁ ଅବସର ଘୋଷଣା କରିବାକୁ ପଡିଛି । ଏହି ବାକ୍ୟରେ ଅନେକ କିଛି ଲୁଛି ରହିଛି । ରାଇନା ବର୍ତ୍ତମାନ ଭାରତୀୟ କ୍ରିକେଟରୁ ଅବସର ଘୋଷଣା କରିଛନ୍ତି । ସେ ଆଉ କ୍ରିକେଟ୍ ବୋର୍ଡ ଅଫ୍ ଇଣ୍ଡିଆ (ବିସିସିଆଇ) ସହିତ ଜଡିତ କୌଣସି ଟୁର୍ଣ୍ଣାମେଣ୍ଟରେ ଖେଳିବେ ନାହିଁ ।
ବାସ୍ତବରେ, ସୁରେଶ ରାଇନା ବିଭିନ୍ନ ଲିଗରେ ଖେଳିବାକୁ ଚାହୁଁଛନ୍ତି ଓ ସେ ୧୦ ସେପ୍ଟେମ୍ବରରୁ ରୋଡ଼ ସେଫ୍ଟି ୱାର୍ଲଡ ସିରିଜର ଏକ ଅଂଶ ମଧ୍ୟ ହେବେ । ତେବେ ବିସିସିଆଇ ପଲିସି ରେ ଦର୍ଶାଯାଇଛି ଯେ ଜଣେ ଖେଳାଳି ଯିଏ ବିସିସିଆଇ ସହିତ ଜଡିତ, ସେ କୌଣସି ବିଦେଶୀ ଲିଗ୍ କିମ୍ବା ଅନ୍ୟ ଟୁର୍ଣ୍ଣାମେଣ୍ଟରେ ଖେଳି ପାରିବେ ନାହିଁ । ବିସିସିଆଇ କୌଣସି କ୍ରିକେଟରଙ୍କୁ ଅନ୍ୟ ଟୁର୍ଣ୍ଣାମେଣ୍ଟ କିମ୍ବା ଲିଗରେ ଖେଳିବାକୁ ଅନୁମତି ଦିଏ ନାହିଁ ।
କେବଳ କ୍ରିକେଟ୍ ଖେଳିବା ପାଇଁ ସୁରେଶ ରାଇନାଙ୍କୁ କ୍ରିକେଟ୍ ରୁ ଅବସର ଘୋଷଣା କରିବାକୁ ପଡିଛି । ରାଇନା ବର୍ତ୍ତମାନ ଦୁନିଆର ଯେକୌଣସି ଟି-୨୦ କିମ୍ବା ଟି-୧୦ ଲିଗରେ ଖେଳିପାରିବେ ଓ ସେ ଅନ୍ୟ କୌଣସି ଟୁର୍ଣ୍ଣାମେଣ୍ଟରେ ମଧ୍ୟ ପ୍ରତିନିଧିତ୍ୱ କରିପାରିବେ । ଏଭଳି ପରିସ୍ଥିତିରେ ତାଙ୍କୁ ଆଉ ଆଇପିଏଲ ଖେଳୁଥିବାର ଦେଖିବାକୁ ମିଳିବ ନାହିଁ । ବିସିସିଆଇରୁ ଏନଓସି ପାଇବା ପରେ ସୁରେଶ ରାଇନା ଦେଶ ତଥା ବିଦେଶର ବିଭିନ୍ନ ଲିଗରେ ଖେଳିବା ପାଇଁ ଉପଲବ୍ଧ ହେବେ। ତାଙ୍କ ପୂର୍ବରୁ ଯୁବରାଜ ସିଂ ବିଦେଶୀ ଲିଗ୍ ଖେଳିଛନ୍ତି ଏବଂ ସେ ଦେଶରେ ଆୟୋଜିତ ଲିଗରେ ମଧ୍ୟ ଭାଗ ନେଇପାରିବେ। ସେ ୟୁପିସିଏରୁ ଏନଓସି ନେଇଛନ୍ତି । ବିସିସିଆଇ ସଚିବ ଜୟ ଶାହା ଏବଂ ଉପାଧ୍ୟକ୍ଷ ରାଜୀବ ଶୁକ୍ଲାଙ୍କୁ ସୂଚନା ଦେଇଛନ୍ତି ସୁରେଶ ରାଇନା ।
ସେପ୍ଟେମ୍ବର ୧୦ରୁ ସେ ସଡକ ସୁରକ୍ଷା ବିଶ୍ୱ ସିରିଜର ଏକ ଅଂଶ ମଧ୍ୟ ହେବେ ବୋଲି ରାଇନା ନିଶ୍ଚିତ କରିଛନ୍ତି । ସେ ଗତ ଏକ ସପ୍ତାହ ଧରି ଅଭ୍ୟାସ କରୁଛନ୍ତି । ୨୦୫ ଆଇପିଏଲ୍ ମ୍ୟାଚ୍ ଖେଳିଥିବା ସୁରେଶ ରାଇନା ମଧ୍ୟ ସୂଚନା ଦେଇଛନ୍ତି ଯେ ଦକ୍ଷିଣ ଆଫ୍ରିକା, ଶ୍ରୀଲଙ୍କା ଏବଂ ୟୁଏଇର ଟି-୨୦ ଲିଗ୍ ପାଇଁ ତାଙ୍କୁ ଯୋଗାଯୋଗ କରାଯାଇଛି । ଦକ୍ଷିଣ ଆଫ୍ରିକାର ନୂତନ ଟି-୨୦ ଲିଗରେ CSK ର ପ୍ୟାରେଣ୍ଟ୍ କମ୍ପାନୀ ଇଣ୍ଡିଆ ସିମେଣ୍ଟସ୍ କିଣିଥିବା ଦଳ ପାଇଁ ସେ ଖେଳିପାରିବେ ।
ସୁରେଶ ରାଇନା ଭାରତ ଦେଶପାଇଁ ୨୨୬ଟି ଦିନିକିଆ ମ୍ୟାଚ୍ ଖେଳି ୫୬୧୫ ରନ୍ କରିବାରେ ସମର୍ଥ ହୋଇଛନ୍ତି। ତାଙ୍କର ସର୍ବାଧିକ ସ୍କୋର୍ ହେଉଛି ୧୧୬ ରନ୍। ସେହିପରି ଟି-୨୦ରେ ସେ ୭୮ ମ୍ୟାଚ୍ ଖେଳି ୧୦୬୫ ରନ୍ ହାତେଇ ପାରିଛନ୍ତି। ଏହି ୩୫ ବର୍ଷୀୟ ଖେଳାଳି ୨୦୨୦ ମସିହା ଅଗଷ୍ଟ ୧୫ ତାରିଖରେ ଅନ୍ତର୍ଜାତୀୟ କ୍ରିକେଟ୍ରୁ ବିଦାୟ ନେଇଥିଲେ। ଯେଉଁଦିନ ମହେନ୍ଦ୍ର ସିଂହ ଧୋନୀ ଭାରତୀୟ କ୍ରିକେଟ୍ର ଭାବେ ଅବସର ଗ୍ରହଣ କରିଥିଲେ।
ଉଲ୍ଲେଖଯୋଗ୍ୟ, ଆଇପିଏଲ୍ରେ ୨୦୫ ମ୍ୟାଚ୍ ଖେଳି ୫୫୨୮ ରନ୍ କରିଛନ୍ତି ରାଇନା। ସେଥିମଧ୍ୟରେ ରହିଛି ଗୋଟିଏ ଶତକ ଏବଂ ୩୯ ଅର୍ଦ୍ଧଶତକ। ଆଇପିଏଲ୍ର ସର୍ବାଧିକ ରନ୍ ହାସଲକାରୀଙ୍କ ମଧ୍ୟରେ ସଂପ୍ରତି ବିରାଟ କୋହଲି (୬୨୮୩), ଶିଖର ଧାୱନ (୫୭୮୪) ଓ ରୋହିତ ଶର୍ମା (୫୬୧୧)ଙ୍କ ପରେ ମିଷ୍ଟର ଆଇପିଏଲ୍ ଭାବେ ପରିଚିତ ରାଇନା ଚତୁର୍ଥ ସ୍ଥାନରେ ରହିଛନ୍ତି। ପ୍ରଥମ ଖେଳାଳି ଭାବେ ଆଇପିଏଲ୍ରେ ୫,୦୦୦ ରନ୍ ପୂରଣ, ସର୍ବାଧିକ କ୍ୟାଚ୍ (୧୦୯), ଚେନ୍ନାଇ ପାଇଁ ସର୍ବାଧିକ ଅର୍ଦ୍ଧଶତକ (୩୩), ସର୍ବାଧିକ ବାଉଣ୍ଡରି (୪୨୫) ମାରିବାର କୀର୍ତ୍ତିମାନ ରାଇନାଙ୍କ ନାଁରେ ରହିଛି। ଚେନ୍ନାଇ ପାଇଁ ଦ୍ବିତୀୟ ସର୍ବାଧିକ ଛକା (୧୮୫) ମାରିଛନ୍ତି ଏହି ୩୫ ବର୍ଷୀୟ ବିସ୍ଫୋରକ ବ୍ୟାଟର୍। ବ୍ୟକ୍ତିଗତ କାରଣ ପାଇଁ ଗତବର୍ଷର ଆଇପିଏଲ୍ ଖେଳିନଥିଲେ ରାଇନା। ୨୦୨୦ ମସିହାରେ ଅନ୍ତର୍ଜାତୀୟ କ୍ରିକେଟ୍ରୁ ଅବସର ନେବା ପରେ ସେ ମଧ୍ୟ ଘରୋଇ କ୍ରିକେଟ୍ରେ ସକ୍ରିୟ ନଥିଲେ।
