ଚର୍ଚ୍ଚାରେ ସୁଗାର ଫ୍ରି ଆମ୍ବ, ପାଚିବା ପୂର୍ବରୁ ୧୬ଥର ବଦଳିଥାଏ ରଙ୍ଗ

ବିହାର: ସମସ୍ତେ ଆମ୍ବ ଖାଇବାକୁ ପସନ୍ଦ କରନ୍ତି। ବଜାରରେ ବିଭିନ୍ନ ଆମ୍ବ ଆସିଥାଏ। ଆମ୍ବକୁ ମଧ୍ଯ ଫଳର ରାଜା କୁହାଯାଏ । ଆମ୍ବର ମଧୁରତା ହେତୁ ଡାଇବେଟିସ ରୋଗୀଙ୍କର ଇଚ୍ଛାଥିଲେ ମଧ୍ଯ ଖାଇାବା ପାଇଁ ପଛଘୁଞ୍ଚା ଦେଇଥାନ୍ତି। ବର୍ତ୍ତମାନ ଆଉ ଡରିବାର ନାହିଁ । ଡାଇବେଟିସ ରୋଗୀ ମଧ୍ଯ ଆମ୍ଭ ଖାଇପାରିବେ। ବିହାରର ଜଣେ କୃଷକ ଏକ ସ୍ବତନ୍ତ୍ର ଆମ୍ଭ ଚାଷ କରୁଛନ୍ତି। ଯାହାକୁ ଡାଇବେଟିସ ରୋଗୀ ଖାଇପାରିବେ। ଏହି ଆମ୍ଭ ସୁଗାର ଫ୍ରି। ଏହି ଆମ୍ଭକୁ ନେଇ ବର୍ତ୍ତମାନ ଚର୍ଚ୍ଚା ଆରମ୍ଭ ହୋଇ ଯାଇଛି। ଏହି ଆମ୍ଭକୁ ମୁଜାଫରପୁର କୃଷକ ଭୂଷଣ ସିଂହ ଚାଷ କରୁଛନ୍ତି। ଏହାର ରଙ୍ଗ, ଆକୃତି ଓ ଆକାର ସାଧାରଣ ଆମ୍ବଠାରୁ ସମ୍ପୂର୍ଣ୍ଣ ଭିନ୍ନ। ଏହି ଆମ୍ବର ନାମ ହେଉଛ ଆମେରିକୀୟ ବିୟୁଟି।

ମୁଜାଫରପୁରର ମୁସାହରୀ ଗ୍ରାମର କୃଷକ ଭୂଷଣ ସିଂହ ପଶ୍ଚିମବଙ୍ଗରୁ ଏହି ଆମ୍ବ ଚାରା ଆଣିଥିଲେ। ସେ ୬ ବର୍ଷ ପୂର୍ବେ ତାଙ୍କ ବଗିଚାରେ ଏହି ବିଶେଷ  ଚାରାକୁ ଲଗାଇଥିଲେ। ଏହି ଗଛ ଦୁଇ ବର୍ଷ ପୂର୍ବେ ଫଳ ଦେବା ଆରମ୍ଭ କରିଥିଲା। କୃଷକ ଭୂଷଣ ସିଂ କହିଛନ୍ତି ଯେ, ଏହି ଆମ୍ବ ଆରମ୍ଭରୁ ପାଚିବା ପର୍ଯ୍ୟନ୍ତ ୧୬ ଥର ରଙ୍ଗ ବଦଳାଇଥାଏ।

ସେ ଆହୁରୁ ମଧ୍ଯ କହିଛନ୍ତି ଯେ, ଏହି ଆମ୍ବ ପାଞ୍ଚ ମାସ ମଧ୍ୟରେ ପ୍ରସ୍ତୁତ ହୋଇଥାଏ। ଜୁଲାଇ ମାସରେ ପାଚିବା ଆରମ୍ଭ ହୋଇଥାଏ। ପାଚିବା ପରେ ଗୋଟିଏ ଆମ୍ବର ଓଜନ ପ୍ରାୟ ଅଧା କିଲୋ ପାଖାପାଖି ହୋଇଥାଏ। ଏହି ଆମ୍ଭ ସୁଗାର ଫ୍ରି, ଯେଉଁଥି ପାଇଁ ବଜାରରେ ମିଳୁଥିବା ଆମ୍ବ ଅପେକ୍ଷା ଏହାର ମିଠା କମ ରହିଥାଏ। ହେଲେ ଏହାର ସ୍ୱାଦ ବହୁତ ଭଲ।

ବର୍ତ୍ତମାନ ଏହି ଆମ୍ଭକୁ ନେଇ ଚର୍ଚ୍ଚା ହେବାପରେ ଏହାର ଚାରାକୁ ନେବାପାଇଁ ଲୋକଙ୍କ ମନରେ ଆଗ୍ରହ ବଢିଛି। ଯିଏ ବି ଏହି ଆମ୍ଭକୁ ଦେଖୁଛି ସେ ଏହାର ଚାରା ମଗୁଥିବା କଥା କହିଛନ୍ତି ଭୂଷଣ ସିଂହ। କିନ୍ତୁ ବିହାରର କୌଣସି ନର୍ସରୀରେ ବର୍ତ୍ତମାନ ଏହି ଆମ୍ଭର ଚାରା ନାହିଁ। କିନ୍ତୁ ଏହାର ନର୍ସରୀ ତିଆରି ଦିଗରେ କାର୍ଯ୍ୟ କରାଯାଉଛି।

Leave a comment