ଭାରତ ଓ ଦକ୍ଷିଣ ଆଫ୍ରିକା ପ୍ରଥମ ଟି-୨୦: ଦକ୍ଷିଣ ଆଫ୍ରିକାର ସହଜ ବିଜୟ

ନୂଆଦିଲ୍ଲୀ: ଭାରତ ଓ ଦକ୍ଷିଣ ଆଫ୍ରିକା ମଧ୍ୟରେ ଖେଳାଯିବାକୁ ଥିବା ୫ଟିକିଆ ଟି-୨୦ ସିରିଜ୍‌ର ପ୍ରଥ ମ୍ୟାଚକୁ ଦକ୍ଷିଣ ଆଫ୍ରିକା ଜିତି ନେଇଛି। ଆଜିର ମ୍ୟାଚ୍‌ରେ ଦକ୍ଷିଣ ଆଫ୍ରିକା ଟସ୍‌ ଜିତି ବୋଲିଂ ନିଷ୍ପତ୍ତି ନେଇଥିଲା। ଫଳରେ ଭାରତ ପ୍ରଥମେ ବ୍ୟାଟିଂ କରି ୨୧୧ ରନ କରିଥିଲା । ଦକ୍ଷିଣ ଆଫ୍ରିକା  ୩ ୱିକେଟ ହରାଇ ୨୧୨ ରନ୍ କରି ସହଜରେ ମ୍ଯାଚକୁ ଜିତିନେଇଛି ।

ଦକ୍ଷିଣ ଆଫ୍ରିକା ପକ୍ଷରୁ କ୍ବିଣ୍ଟନ ଡିକକ ୧୮ ବଲରେ ୨୨ ରନ କରି ଆଉଟ ହୋଇଥିବ ବେଳେ ଅଧିନାୟକ ଟେମ୍ବା ବାଭୁମାନ ୮ ବଲରେ ୧୦ ରନ କରି ଆଉଟ ହୋଇଥିଲେ। ଡ୍ବେନ ପ୍ରିଟୋରିୟସ ୧୩ ବଲରେ ୨୯ କରି ଆଉଟ ହୋଇଥିଲେ। ଫର୍ମରେଥିବା ଡେଭିଡ ମିଲର ଓ ରାସି ଭାନ ଡେର ଡୁସେନ ଧୂଆଁଦାର ଇଂନିସ ଖେଳି ଦକ୍ଷିଣ ଆଫ୍ରିକାକୁ ବିଜୟ କରାଇଥିଲେ। ମିଲର ରନ୍ ୬୪ କରି ଅପରାଜିତ ରହିଥିବା ବେଳେ ଡୁସେନ ୭୫ରନ୍ କରି ଅପରାଜିତ ଥିଲେ।

ଭାରତ ପକ୍ଷରୁ ଭୁବନେଶ୍ବ କୁମାର, ହର୍ଶଲ ପଟେଲ ଓ ଅକ୍ଷର ପଟେଲ ଗୋଟିଏ ଲେଖାଏଁ ୱିକେଟ ନେଇଥିଲେ।

Leave a comment