ତେଲକୋଇ: ଶ୍ଵଶୁର ଘର ଗାଁରୁ ଝୁଲନ୍ତା ଅବସ୍ଥାରେ ଯୁବକ ମୃତଦେହ ଉଦ୍ଧାର। ଏଭଳି ଅଭାବନୀୟ ଘଟଣା ଘଟିଛି କେନ୍ଦୁଝର ଜିଲ୍ଲା ତେଲକୋଇ ଥାନା ଅନ୍ତର୍ଗତ ପାଟଖଳି ଗାଁରେ । ମୃତକ ଜଣକ ହେଲେ ବଳଭଦ୍ରପୁର ପଞ୍ଚାୟତ ଅଧିନ ପାଟଖଳି ଗାଁର ପ୍ରମୋଦ କୁମାର ନାୟକ(୨୮)। ଗାଁ ନିକଟ ଖୋଖସହୁଳି ରୁ ଏକ କାଠଶିଆଳି ଗଛ ଉପରୁ ମୃତଦେହ ଉଦ୍ଧାର କରିଛି ପୋଲିସ।
ସୂଚନା ଅନୁସାରେ, ମୃତକ ପ୍ରମୋଦ ପାଟଖଳି ଗାଁର ଭୋଳେଶ୍ବର ଦଣ୍ଡପାଟ ଙ୍କ ସାନଝିଅ କୁ ବାହାହୋଇ ଘରଜ୍ବାଇଁ ଭାବେ ଶଶୁର ଘରେ ଦୀର୍ଘ ଦିନ ହେବ ରହିଆସୁଥିଲେ । ତେବେ ଗତ କାଲି ଦିନ ୪ଟା ବେଳୁ ସେ ନିଖୋଜ ଥିଲେ ।ଆଜି କିଛି ଲୋକ ଶଶୁର ଭୋଳେଶ୍ବର ଜଙ୍ଗଲ କୁ ଯାଇ ଖୋଜାଖୋଜି କରୁଥିବା ବେଳେ କାଠଶିଆଳି ଗଛ ଉପରେ ପ୍ରମୋଦ ଙ୍କ ମୃତଦେହ ଝୁଲୁଥିବାର ଦେଖିବାକୁ ପାଇଥିଲେ ଏବଂ ସଙ୍ଗେ ସଙ୍ଗେ ପୁଲିସକୁ ଖବର ଦେଇଥିଲେ । ଘଟଣା ସ୍ଥଳରେ ପୁଲିସ ପହଞ୍ଚି ଶବକୁ ଉଦ୍ଧାର କରି ବ୍ୟବଛେଦ ପାଇଁ ତେଲକୋଇ ମେଡିକାଲକୁ ପଠାଇ ତଦନ୍ତ ଆରମ୍ଭ କରିଛି। ମୃତ୍ୟୁର କାରଣ ଅସ୍ପଟ ରହିଛି, ତଦନ୍ତ ପରେ ଜଣାପଡିବ ବୋଲି ପୁଲିସ କହିଛି ।
