ଭୁବନେଶ୍ୱର : ପୁଣିଥରେ ଶୁଭିବ ସାରଥିଙ୍କ ମାନ୍ୟବର ମାନ୍ୟବର ଉକ୍ତି। ବହୁ ଚର୍ଚ୍ଚିତ ବାବା ସାରଥି ଏଣିକି ଦେଇପାରିବେ ପ୍ରବଚନ। ଆଉ ସାରଥିଙ୍କୁ ଏହି ଖୁସି ଖବର ଦେଇଛନ୍ତି ହାଇକୋର୍ଟ।
ହାଇକୋର୍ଟ ସାରଥିଙ୍କୁ ପ୍ରବଚନ ଦେବାକୁ ଅନୁମତି ଦେଇଛନ୍ତି । ତେବେ ସର୍ବାଧିକ ୨୦୦ ଲୋକଙ୍କୁ ନେଇ ସେ ପ୍ରବଚନ ଦେଇପାରିବେ । ଏହାଛଡ଼ା ପ୍ରବଚନ ବେଳେ କୋଭିଡ କଟକଣାକୁ ମାନିବାକୁ ହାଇକୋର୍ଟ ନିର୍ଦ୍ଧେଶ ଦେଇଛନ୍ତି । ପ୍ରବଚନ ଦେବା ଉପରେ ସାରଥିଙ୍କ ଉପରେ କଟକଣା ଲଗାଯାଇଥିବାବେଳେ ଏନେଇ ସେ ଅନୁମତି ପାଇଁ ହାଇକୋର୍ଟରେ ଅପିଲ କରିଥିଲେ ।
ପ୍ରକାଶ ଯେ, । ବିବାଦୀୟ ଧର୍ମଗୁରୁ ସାରଥୀ ବାବାଙ୍କୁ ହାଇକୋର୍ଟ ୨୦୧୭ ଅଗଷ୍ଟ ୪ ତାରିଖ ଦିନ ସର୍ତ୍ତମୂଳକ ଜାମିନ ପ୍ରଦାନ କରିଥିଲେ । ତାଙ୍କ ବିରୋଧରେ କ୍ରାଇମବ୍ରାଞ୍ଚ ପକ୍ଷରୁ ଦାୟର ହୋଇଥିବା ମୂଳ ମାମଲାରେ ଏହି ଜାମିନ ପ୍ରଦାନ କରାଯାଇଥିଲା । ହାଇକୋର୍ଟ ବିଚାରପତି ଜଷ୍ଟିସ ସିଆର ଦାସ ସାରଥୀଙ୍କୁ ଏହି ସର୍ତ୍ତମୂଳକ ଜାମିନ ପ୍ରଦାନ କରିଥିଲେ । ଏଥିରେ କୋର୍ଟ ନିଷ୍ପତ୍ତି ଦେଇଥିଲେ ଯେ, ଜାମିନ ପାଇବା ପରେ ସାରଥୀ ବାରମୂଳ ଆଶ୍ରମ ଯାଇପାରିବେ ନାହିଁ । ଜାମିନ ପାଇବା ପରେ ସେ କୌଣସି ଶୋଭାଯାତ୍ରା କରିବେ ନାହିଁ ଏବଂ ଜାମିନ ପାଇବା ପରେ ସେ ଯେଉଁଠି ରହିବେ ସେ ସମ୍ପର୍କରେ ତଦନ୍ତକାରୀ ଅଧିକାରୀଙ୍କୁ ଅବଗତ କରିବା ସହ ତାଙ୍କୁ ତଦନ୍ତରେ ସହଯୋଗ କରିବେ ବୋଲି କୋର୍ଟ ନିର୍ଦ୍ଧେଶ ଦେଇଥିଲେ ।
