ନୂଆଦିଲ୍ଲୀ: ଗତ ବର୍ଷ ସାମସଙ୍ଗ ଏକ ସ୍ମାର୍ଟଫୋନ୍ ସାମସଙ୍ଗ ଗାଲାକ୍ସି ଏମ-୦୧ କୋର ଲଞ୍ଚ କରିଥିଲା। ଏହା ସାମସଙ୍ଗର ସବୁଠାରୁ ଶସ୍ତା ଆଣ୍ଡ୍ରୋଏଡ୍ ସ୍ମାର୍ଟଫୋନ୍ ଅଟେ। ଯେଉଁମାନେ ପ୍ରଥମ ଥର ପାଇଁ ସ୍ମାର୍ଟଫୋନ୍ କିଣିବାକୁ ଚାହୁଁଛନ୍ତି କିମ୍ବା ପିଲାମାନଙ୍କ ଅନଲାଇନ୍ କ୍ଲାସ୍ ପାଇଁ ସ୍ମାର୍ଟଫୋନ୍ କିଣିବାକୁ ଚାହୁଁଛନ୍ତି ସେମାନଙ୍କ ପାଇଁ ଏହା ଉପଯୁକ୍ତ ଅଟେ। ଏହି ସାମସଙ୍ଗ ଫୋନ୍ ବର୍ତ୍ତମାନ ଶସ୍ତା ହୋଇଛି।
ସାମସଙ୍ଗ ଗାଲାକ୍ସି ଏମ-୦୧ କୋର ୧ଜିବି ରାମ ଓ ୧୬ ଜିବି ଷ୍ଟୋରେଜର ମୂଲ୍ୟ ୪,୯୯୯ ଟଙ୍କା ଥିବା ବେଳେ ୨ଜିବି ରାମ ସହିତ ୩୨ ଜିବି ଷ୍ଟୋରେଜ୍ ମୂଲ୍ୟ ୫,୪୯୯ ଟଙ୍କା ରହିଛି।
ଗାଲାକ୍ସି ଏମ-୦୧ କୋରରେ ୫.୩ ଇଞ୍ଚ ଏଚଡି ପ୍ଲସ ଡିସପ୍ଲେ ଦିଆଯାଇଛି। ଏହି ଫୋନରେ ମିଡିଆଟେକର କ୍ୱାଡକୋର ୬୭୩୯ ପ୍ରୋସେସର ଦିଆଯାଇଛି। ଫୋନରେ ଆଣ୍ଡ୍ରୋଏଡ୍ ଗୋ ମଧ୍ଯ ଅଛି। ମେମୋରୀ କାର୍ଡ ସାହାଯ୍ୟରେ ଷ୍ଟୋରେଜ୍ ବୃଦ୍ଧି କରାଯାଇପାରିବ।
ଏହି ସାମସଙ୍ଗ ଫୋନରେ ଫ୍ଲାସ ଲାଇଟ୍ ସହିତ ୮ ମେଗାପିକ୍ସେଲର ପଛ କ୍ୟାମେରା ଦିଆଯଇଛି। ଏହା ବ୍ୟତୀତ ଫୋନରେ ସେଲଫି ପାଇଁ ୫ ମେଗାପିକ୍ସେଲ କ୍ୟାମେରା ଉପଲବ୍ଧ। ଏହାବ୍ୟତୀତ ଏହି ଫୋନରେ ୪ଜି ନେଟୱାର୍କ ସହ ୩୦୦୦ ଏମଏଚ ବ୍ୟାଟେରୀ ଅଛି। ଯାହାକି ୧୧ ଘଣ୍ଟାର ବ୍ୟାକଅପ୍ ଦେବାରେ ସମର୍ଥ ଅଟେ।
