ସରକାରୀ କର୍ମଚାରୀଙ୍କ ପାଇଁ ନୂଆବର୍ଷ କଟକଣା : ଫୁଲ କି ଫୁଲତୋଡ଼ା ନୁହେଁ, ଅନ୍‌ଲାଇନରେ ଜଣାନ୍ତୁ ନବ ବର୍ଷର ଶୁଭେଚ୍ଛା

ଭୁବନେଶ୍ବର : ରାଜ୍ୟର ସରକାରୀ କର୍ମଚାରୀଙ୍କ ପାଇଁ ଜାରି ହୋଇଛି ନୂଆବର୍ଷ କଟକଣା। ରାଜ୍ୟରେ ଓମିକ୍ରନ ସଂକ୍ରମଣ ବୃଦ୍ଧି ପାଉଥିବା ବେଳେ ଏହାର ମୁକାବିଲା ପାଇଁ ସରକାର ବିଭିନ୍ନ ପଦକ୍ଷେପ ନେଉଛନ୍ତି। ଖାସକରି ନୂଆବର୍ଷରେ ଯେପରି କେଉଁଠି ଭିଡ଼ ନହୁଏ ସେଥିପ୍ରତି ଦୃଷ୍ଟି ଦେଇଛନ୍ତି ସରକାର। ଆଉ ଏସବୁ ଭିତରେ ସରକାରୀ କାର୍ୟ୍ୟାଳୟ ପାଇଁ ମଧ୍ୟ କରୋନା କଟକଣା ଲଗାଇଛନ୍ତି ସରକାର । ଏନେଇ ସାଧାରଣ ପ୍ରଶାସନ ବିଭାଗ ପକ୍ଷରୁ ଏକ ନିର୍ଦ୍ଦେଶାନାମା ଜାରି କରାଯାଇଛି ।

ରାଜ୍ୟରେ ଓମିକ୍ରନ ସଂକ୍ରମଣ ବୃଦ୍ଧି ପାଉଥିବା କାରଣରୁ ରାଜ୍ୟ ସରକାର ସାଧାରଣ ଲୋକଙ୍କ ପାଇଁ ଅନେକ ଗୁଡିଏ କଟକଣା ଜାରିକରିଥିବା ବେଳେ ସରକାରୀ କର୍ମଚାୀଙ୍କ ପାର୍ଇ ମଧ୍ୟ କଟକଣା ଜାରି ହୋଇଛି। କଟକଣା ଅନୁସାରେ ସରକାରୀ କାର୍ୟ୍ୟାଳୟରେ ନୂଆବର୍ଷ ପାଳନ କରାଯିବ ନାହିଁ। ସରକାରୀ ଅଫିସରେ ଏକାଧିକ ଲୋକ ଯେପରି ଏକାଠି ନହେବେ ତାହା ଉପରେ ଦୃଷ୍ଟି ଦେବାକୁ ନିର୍ଦ୍ଦେଶ ଦିଆଯାଇଛି। ଏହାବାଦ୍ ଫୁଲ କି ଫୁଲ ତୋଡା ନୁହେଁ ଅନଲାଇନ୍ ଯୋଗେ ଶୁଭେଚ୍ଛା ଜଣାଇବାକୁ ପରାମର୍ଶ ଦିଆଯାଇଛି।

କୌଣସି ଅଫିସରେ ବି କର୍ମଚାରୀମାନେ ମେଳି ନ କରିବାକୁ କଡାକଡି ଭାବେ ନିର୍ଦ୍ଦେଶ ଦିଆଯାଇଛି। ଏହାବାଦ୍ ସବୁଥର ଭଳି ଫୁଲ ଦେଇ ଶୁଭେଚ୍ଛା ଜଣାଇବା ଉପରେ କଟକଣା ଲଗାଇଛନ୍ତି ସରକାର। ଏହାପୂର୍ବରୁ ସରକାରୀ ଅଫିସରେ ଫୁଲ ଓ ଫୁଲତୋଡ଼ା ଦେଇ ପରସ୍ପରକୁ ନୂଆବର୍ଷ ଶୁଭେଚ୍ଛା ଜଣାଉଥିବାର ଦେଖିବାକୁ ମିଳୁଥିଲା। କିନ୍ତୁ ଚଳିତଥର ଏସବୁ ଉପରେ କଟକଣା ଜାରି କରିଛନ୍ତି ସରକାର।

Leave a comment