ଋଷ ପାଖରେ ଅଛନ୍ତି ୧୦ ଲକ୍ଷ ଶିଶୁ ସୈନିକ: ଏକେ-୪୭, ମେସିନ ଗନ୍‌ ଓ ହ୍ୟାଣ୍ଡ ଗ୍ରେନେଡ ଭଳି ବିପଜ୍ଜନକ ଅସ୍ତ୍ର ସହ ସଜ୍ଜିତ ଏହି ୟଙ୍ଗ ଆର୍ମି

ନୂଆଦିଲ୍ଲୀ : ୟୁକ୍ରେନ ନାଟୋରେ ଯୋଗଦେବାକୁ ଜିଦ୍ ଧରିଥିବାରୁ ଋଷର ସେନା ଗତ ୧୦ ଦିନ ଧରି ଏହା ଉପରେ ଆକ୍ରମଣ କରି ଏହାର ଅନେକ ସହରକୁ ଧ୍ୱଂସ କରିଦେଇଛି।ସମଗ୍ର ୟୁକ୍ରେନ୍‌ ଏବେ ଯୁଦ୍ଧ ଜର୍ଜରିତ। ଆକାଶରୁ ଘନ ଘନ ବୋମା ବର୍ଷଣ, ମିଶାଇଲ, ରକେଟ୍‌ ମାଡ଼ରେ ସବୁକିଛି ନଷ୍ଠଭ୍ରଷ୍ଟ ହୋଇଯାଇଛି। କୋଠାବାଡ଼ି, ଘର ଦ୍ୱାର ସବୁ ଭୁଶୁଡ଼ି ମାଟିରେ ମିଶିଯାଇଛି। ଋଷର ରାଷ୍ଟ୍ରପତି ଭ୍ଲାଦିମିର ପୁଟିନ କହିଛନ୍ତି ଯେ ୟୁକ୍ରେନ ଯେଉଁଯାଏଁ ଋଷର ସର୍ତ୍ତ ଗ୍ରହଣ ନକରିଛି ସେ ପର୍ଯ୍ୟନ୍ତ ଏହି ଆକ୍ରମଣ ଜାରି ରହିବ।

ତେବେ ପ୍ରତିରକ୍ଷା ବିଶେଷଜ୍ଞମାନଙ୍କ ମତରେ ଋଷ ଭଳି ମହାଶକ୍ତି ୟୁକ୍ରେନ ଉପରେ ଏଯାଏଁ ସେହିଭଳି ବଡ ହମଲା କରିନାହିଁ। କାରଣ ବିଶ୍ବର ଦ୍ବିତୀୟ ସର୍ବବୃହତ ସୈନ୍ୟବାହିନୀ ଥିବା ଋଷ ଏକ ମହାଶକ୍ତି। ତାର ପରାକ୍ରମ ବହୁତ ଭୟଙ୍କର । କିନ୍ତୁ ଋଷ ଏଯାଏଁ ୟୁକ୍ରେନ ଉପରେ ସେତେଟା ଶକ୍ତି ପ୍ରୟୋଗ କରିନାହିଁ। ପ୍ରତିରକ୍ଷା ବିଶେଷଜ୍ଞମାନଙ୍କ ମତରେ ଋଷ ୟୁକ୍ରେନ ଉପରେ ତାର ସାମରିକ ଶକ୍ତିର ଏକ ଟ୍ରେଲର ଦେଖାଇଛି। ଏଯାଏଁ ଫୁଲ ଫିଲ୍ମ ଋଷ ଦେଖାଇ ନାହିଁ।

୮ ବର୍ଷର ପିଲାମାନଙ୍କର ବିପଦପୂର୍ଣ୍ଣ ସୈନ୍ୟବାହିନୀ 

ପ୍ରତିରକ୍ଷା ବିଶେଷଜ୍ଞମାନେ କହିଛନ୍ତି ଯେ ଋଷ ନିଜ ଦେଶରେ ଏକ ବିପଜ୍ଜନକ ସୈନ୍ୟବାହିନୀ ପ୍ରସ୍ତୁତ କରିବାରେ ବ୍ୟସ୍ତ ଅଛି। ୟଙ୍ଗ ଆର୍ମି ନାମକ ଏହି ସୈନ୍ୟବାହିନୀରେ ୮ ବର୍ଷରୁ ୧୮ ବର୍ଷ ପର୍ଯ୍ୟନ୍ତ ପିଲାମାନେ ଅନ୍ତର୍ଭୁକ୍ତ। ଏହି ପିଲାମାନେ ଆକାର ଏବଂ ବୟସରେ ଛୋଟ ହୋଇପାରନ୍ତି କିନ୍ତୁ ବିପଜ୍ଜନକ AK 47 ରାଇଫଲ, ମେସିନ ଗନ୍‌, ହ୍ୟାଣ୍ଡ ଗ୍ରେନେଡ ବ୍ୟବହାର କରିବା ପାଇଁ ତାଲିମ ସହିତ ସଜ୍ଜିତ ଅଟନ୍ତି ଏବଂ ଏମାନେ ଆଖି ପିଛୁଳାକେ ଯେକୌଣସି କାର୍ଯ୍ୟ କରିପାରିବେ ।

ଋଷ ୨୦୧୫ରେ ୟଙ୍ଗ ଆର୍ମି ସୃଷ୍ଟି କରିଥିଲା ​​
ଖବର ସରବରାହ ସଂସ୍ଥା‘ଦ ସନ୍‌’ର ରିପୋର୍ଟ ଅନୁସାରେ ଆମେରିକା ଏବଂ ପାଶ୍ଚାତ୍ୟ ଦେଶଗୁଡିକର ବିପଦକୁ ଦୃଷ୍ଟିରେ ରଖି ଋଷର ରାଷ୍ଟ୍ରପତି ଭ୍ଲାଦିମିର ପୁଟିନ ୨୦୧୫ ମସିହାରେ ଏହି’ ୟଙ୍ଗ ଆର୍ମି ‘ପ୍ରତିଷ୍ଠା କରିଥିଲେ। ସେ ଏହି ସୈନ୍ୟବାହିନୀ  ନାମ All-Russia Young Army National Military Patriotic Social Movement Association ରଖାଯାଇଥିଲା।

ଏଥିରେ ୧୦ ଲକ୍ଷରୁ ଅଧିକ ସ୍କୁଲ ପିଲା ଜଡିତ 

ଏହି ‘ୟଙ୍ଗ ଆର୍ମି’ରେ ମୁଖ୍ୟତ ସ୍କୁଲ ଛୋଟ ପିଲାମାନେ ସାମିଲ ଅଛନ୍ତି।  ଏହି ‘ୟଙ୍ଗ ଆର୍ମି’ରେ ୧୦ ଲକ୍ଷରୁ ଅଧିକ ପିଲା ଜଡିତ ଥିବା ବିଶ୍ୱାସ କରାଯାଏ। ଏହାକୁ ଋଷରେ ‘ୟୁନ୍ ଆର୍ମିଆ’ (‘YunArmia’) କୁହାଯାଏ । ଦେଶପ୍ରେମରେ ପରିପୂର୍ଣ୍ଣ ଏହି ସେନାରେ ବାଳକ ଓ ବାଳିକାମାନଙ୍କୁ ସମାନ ଭାବରେ ସାମରିକ ତାଲିମ ଦିଆଯାଏ । ଋଷର ବିରୋଧୀ ଦେଶ ଏହି ସେନାକୁ ହିଟଲର ୟୁଥ୍ ବୋଲି ସମାଲୋଚନା କରୁଛନ୍ତି।

ବିପଦପୂର୍ଣ୍ଣ ଅସ୍ତ୍ରଶସ୍ତ୍ର ତାଲିମ 

ଋଷରେ ‘ୟଙ୍ଗ ଆର୍ମି’ ପ୍ରତି ଏକ ସକରାତ୍ମକ ଭାବନା ଅଛି । ପିଲାମାନଙ୍କ ମଧ୍ୟରେ ଅନୁଶାସନ ସୃଷ୍ଟି କରିବା ଏବଂ ଯେକୌଣସି ପ୍ରକାରର ସଙ୍କଟର ସମ୍ମୁଖୀନ ହେବାକୁ ସେମାନେ ନିଜକୁ ପ୍ରସ୍ତୁତ କରିବା ପାଇଁ ଏହା ଏକ ଭଲ ଉପକରଣ ବୋଲି ବିବେଚନା କରନ୍ତି । ଏହି ଯୁବ ସେନାରେ ପିଲାମାନଙ୍କୁ ସାମରିକ ଡ୍ରିଲ୍ ଶିକ୍ଷା ଦିଆଯାଏ । ସେମାନଙ୍କୁ ଅସ୍ତ୍ରଶସ୍ତ୍ର ପରିଚାଳନା, ସେଗୁଡିକ ଚଳାଇବା, କୁସ୍ତି ଅଭ୍ୟାସ ଏବଂ ପାରାଚ୍ୟୁଟ୍ ସହିତ ଡେଇଁବା ପାଇଁ ତାଲିମ ଦିଆଯାଉଛି ।

ସରୋଜ ଶୋଏଗୁ(Sergei Shoigu)ଙ୍କ ଉଦ୍ୟମରେ ଆରମ୍ଭ 

ଋଷରେ ଏହି ‘ୟଙ୍ଗ ଆର୍ମି’ ଆରମ୍ଭ କରିବା ପଛରେ ସରୋଜ ଶୋଏଗୁ ପ୍ରମୁଖ ବ୍ୟକ୍ତି ଭାବରେ ବିବେଚନା କରାଯାଏ । ସେ ଋଷର ପ୍ରତିରକ୍ଷା ମନ୍ତ୍ରୀ ଏବଂ ଭ୍ଲାଦିମିର ପୁଟିନଙ୍କ ବିଶ୍ୱସ୍ତ ସହଯୋଗୀ ଭାବେ ବିବେଚନା କରାଯାଏ । ସେ କହିଛନ୍ତି, “ଆମ ପାଇଁ ମୁଖ୍ୟ ବିଷୟ ହେଉଛି ରୁଷିଆ ଫେଡେରେଶନକୁ ପଶ୍ଚିମ ଦେଶ ଦ୍ୱାରା ସାମରିକ ଧମକରୁ ରକ୍ଷା କରିବା, ଯେଉଁମାନେ ଆମ ଦେଶ ବିରୋଧରେ ଲଢେଇ ପାଇଁ ୟୁକ୍ରେନବାସୀଙ୍କୁ ବ୍ୟବହାର କରିବାକୁ ଚେଷ୍ଟା କରୁଛନ୍ତି।

ବିଦେଶୀ ଭାଷା ତାଲିମ ମଧ୍ୟ ଦିଆଯାଏ

ଋଷର ଏହି ‘ୟଙ୍ଗ ଆର୍ମି’ ଝିଅ ପିଲାମାନେ ସପ୍ତାହରେ ୬ ଦିନ ବିଦ୍ୟାଳୟରେ ସାମରିକ ତାଲିମ ପାଆନ୍ତି । ଏହି ସମୟରେ, ସେମାନେ ସିଲେଇ, ରାନ୍ଧିବା, ଚିତ୍ରାଙ୍କନ, ଗୀତ, ନୃତ୍ୟ, ପ୍ରାଥମିକ ଚିକିତ୍ସା ବ୍ୟବହାର, ଆତ୍ମରକ୍ଷା ଏବଂ ଆତଙ୍କବାଦୀଙ୍କ ମୁକାବିଲା ପାଇଁ ତାଲିମ ପାଇଥାନ୍ତି। ଏହା ସହିତ ସେମାନଙ୍କୁ ଅନେକ ବିଦେଶୀ ଭାଷା ପଢିବା, କହିବା ଏବଂ ଲେଖିବାରେ ମଧ୍ୟ ପାରଙ୍ଗମ । ଏଥି ସହିତ, ବାଳକମାନଙ୍କୁ ଦିଆଯାଇଥିବା ତାଲିମରେ, ସେମାନଙ୍କର ଫିଟନେସ୍ ଗଠନ ଏବଂ ବିଭିନ୍ନ ଅସ୍ତ୍ରଶସ୍ତ୍ର ବ୍ୟବହାର ଉପରେ ସମ୍ପୂର୍ଣ୍ଣ ଧ୍ୟାନ ଦିଆଯାଇଛି । ପ୍ରଶିକ୍ଷଣରେ ଭଲ ପ୍ରଦର୍ଶନ କରୁଥିବା ବାଳକ ଏବଂ ବାଳିକାମାନେ ହଲ୍ ଅଫ୍ ଫେମ ନାମକ ଏକ ସ୍ୱତନ୍ତ୍ର ଗୋଷ୍ଠୀରେ ଅନ୍ତର୍ଭୁକ୍ତ । ସରକାର ଏହିପରି ଛାତ୍ରମାନଙ୍କୁ ପଦକ ଏବଂ ପ୍ରମାଣପତ୍ର ଦେଇ ସମ୍ମାନିତ କରନ୍ତି |

Leave a comment