ବଡ ଖବର ଓଡ଼ିଶା ମନୋରଞ୍ଜନ ଖେଳ ଖବର ଦେଶ- ବିଦେଶ ଜୀବନଚର୍ଯ୍ୟା ରାଶିଫଳ ବାଣିଜ୍ୟ ଫଟୋ ଗ୍ୟାଲେରୀ ଅପରାଧ ଟେକ୍ନୋଲୋଜି ବିଶେଷ ରାଜନୀତି ସ୍ଵାସ୍ଥ୍ୟ

ଏଡିଆର ରିପୋର୍ଟ: ୭୧ ସାଂସଦଙ୍କ ସମ୍ପତ୍ତି ୨୮୬% ବୃଦ୍ଧି, ୧୪ ଗୁଣ ବଢ଼ିଛି ବରୁଣ ଗାନ୍ଧୀଙ୍କ ସମ୍ପତ୍ତି

ନୂଆଦିଲ୍ଲୀ: କ୍ରମାଗତ ତୃତୀୟ ଥର ପାଇଁ ସଂସଦକୁ ନିର୍ବାଚିତ (୨୦୦୯ରୁ ୧୯ ମଧ୍ୟରେ) ହୋଇଥିବା ୭୧ ସାଂସଦଙ୍କ ସମ୍ପତ୍ତି ହାରାହାରି ୨୮୬ ପ୍ରତିଶତ ବୃଦ୍ଧି ପାଇଛି। ପ୍ରତ୍ୟେକ ସାଂସଦଙ୍କ ହାରାହାରି ସମ୍ପତ୍ତି ପ୍ରାୟ ୧୭.୧୯ କୋଟି ଟଙ୍କା ବଢ଼ିଛି। ଆସୋସିଏସନ ଫର୍‌ ଡେମୋକ୍ରାଟିକ ରିଫର୍ମ୍ସ (ଏଡିଆର) ରିପୋର୍ଟରେ ଏହି ସୂଚନା ଦିଆଯାଇଛି।

ରିପୋର୍ଟ ଅନୁଯାୟୀ ୨୦୦୯ରେ ବିଭିନ୍ନ ଦଳ ତଥା ସ୍ୱାଧୀନ ଭାବେ ନିର୍ବାଚିତ ହୋଇଥିବା ୭୧ ସାଂସଦଙ୍କ ହାରାହାରି ସମ୍ପତ୍ତି ୬.୧୫ କୋଟି ଥିବାବେଳେ ୨୦୧୪ରେ ୧୬.୨୩ କୋଟି ଟଙ୍କାକୁ ଏବଂ ୨୦୧୯ରେ ୨୩.୭୫ କୋଟି ଟଙ୍କାକୁ ପହଞ୍ଚି ଯାଇଥିଲା। ଏହି ସାଂସଦଙ୍କ ମଧ୍ୟରେ ବିଜେପିର ୬ ଜଣ ସାମିଲ ଅଛନ୍ତି।

ସେହିପରି ଏନସିପି, ସିରୋମଣି ଅକାଳୀ ଦଳ, ବିଜେଡ଼ି ଏବଂ ଏଆଇୟୁଡିଏଫ୍‌ର ଜଣେ ଲେଖାଏଁ ସାଂସଦ ପ୍ରଥମ ଦଶଜଣଙ୍କ ମଧ୍ୟରେ ରହିଛନ୍ତି। ୧୦ ବର୍ଷରେ ପୂର୍ବତନ କେନ୍ଦ୍ରମନ୍ତ୍ରୀ ହରସିମରତ କୌର ବାଦଲଙ୍କ ସମ୍ପତ୍ତି ସର୍ବାଧିକ ୧୫୭.୬୮ କୋଟି ଟଙ୍କା ବୃଦ୍ଧି ପାଇଛି। ୨୦୧୯ରେ ତାଙ୍କ ସମ୍ପତ୍ତି ୬୦.୩୧ କୋଟି ଥିବାବେଳେ ୨୦୧୯ ବେଳକୁ ଏହା ୨୧୭.୯୯ କୋଟି ଟଙ୍କା ହୋଇଯାଇଥିଲା। ଏହି ତାଲିକାରେ ଦ୍ବିତୀୟ ସ୍ଥାନରେ ଶରଦ ପାୱାରଙ୍କ ଝିଅ ତଥା ବାରାମତୀର ଏନ୍‌ସିପି ସାଂସଦ ସୁପ୍ରିୟା ସୁଲେ ରହିଛନ୍ତି। ୨୦୦୯ରେ ତାଙ୍କ ସମ୍ପତ୍ତି ୫୧.୫୩ କୋଟି ଥିଲା। ୨୦୧୯ରେ ଏହା ୧୪୦.୮୮ କୋଟିରେ ପହଞ୍ଚି ଯାଇଥିଲା। ବିଜେଡି ସାଂସଦ ପିନାକୀ ମିଶ୍ର ଏହି ତାଲିକାର ତୃତୀୟ ସ୍ଥାନରେ ରହିଛନ୍ତି। ସେହିପରି କେନ୍ଦ୍ରରେ କ୍ଷମତାସୀନ ବିଜେପି ସାଂସଦ ପିସି ମୋହନଙ୍କ ସମ୍ପତ୍ତିରେ ସର୍ବାଧିକ ବୃଦ୍ଧି ଦେଖାଦେଇଛି। ୨୦୦୯ରେ ବେଙ୍ଗାଲୁରୁ ସାଂସଦ ମୋହନଙ୍କ ସମ୍ପତ୍ତି ୫ କୋଟି ଥିଲା। ୨୦୧୯ରେ ଏହା ୭୫ କୋଟିରେ ପହଞ୍ଚି ଥିଲା।

ପିଲିଭିତ ସାଂସଦ ବରୁଣ ଗାନ୍ଧୀଙ୍କ ସମ୍ପତ୍ତି ମଧ୍ୟ ପ୍ରାୟ ୧୪ ଗୁଣ ବଢ଼ିଛି। ୨୦୦୯ରେ ତାଙ୍କ ସମ୍ପତ୍ତି ୪.୯୨ କୋଟି ଥିବାବେଳେ ୨୦୧୯ରେ ଏହା ୬୦.୩୨ କୋଟିରେ ପହଞ୍ଚି ଯାଇଛି। ଏହି ସମୟରେ ତାଙ୍କ ମାଆ ତଥା ସୁଲ୍‌ତାନପୁର ସାଂସଦ ମେନକା ଗାନ୍ଧୀଙ୍କ ସମ୍ପତ୍ତି ୧୭ କୋଟିରୁ ୫୫ କୋଟିରେ ପହଞ୍ଚିଛି। ଏହି ସାଂସଦଙ୍କ ତାଲିକାରେ ବିଜେପିର ୪୩ ଜଣ ସାଂସଦ ସାମିଲ ଅଛନ୍ତି। ୧୦ ବର୍ଷରେ ଏମାନଙ୍କର ହାରାହାରି ସମ୍ପତ୍ତି ପ୍ରାୟ ୧୫ କୋଟି ବଢ଼ିଛି। ଏହି ମାମଲାରେ କଂଗ୍ରେସ ଦ୍ବିତୀୟ ସ୍ଥାନରେ ରହିଛି। କଂଗ୍ରେସର ୧୦ ସାଂସଦଙ୍କ ସମ୍ପତ୍ତି ହାରାହାରି ୧୦ କୋଟି ଟଙ୍କା ବୃଦ୍ଧି ପାଇଛି। ଏହା ବ୍ୟତୀତ ଟିଏମ୍‌ସିର ୭ ଲୋକସଭା ସାଂସଦଙ୍କ ସମ୍ପତ୍ତିରେ ହାରାହାରି ୫ କୋଟି ଟଙ୍କା ବୃଦ୍ଧି ହୋଇଛି। ୨୦୦୯ରେ ବିଜୟୀ ଟିଏମ୍‌ସି ସାଂସଦଙ୍କ ସମ୍ପତ୍ତି ୭୬ ଲକ୍ଷ ଥିଲା। ଏହା ୨୦୧୯ ବେଳକୁ ୫.୯ କୋଟି ହୋଇ ଯାଇଥିଲା। ଏହି ତାଲିକାରେ ବିଜେଡି ଚତୁର୍ଥ, ଶିବସେନା ପଞ୍ଚମ,ଏଆଇଏମଆଇଏମ ଷଷ୍ଠ ସ୍ଥାନରେ ରହିଛି।

Leave A Reply

Your email address will not be published.