ଜାଣନ୍ତୁ… ପ୍ରିୟଙ୍କା ଚୋପ୍ରା ତାଙ୍କର ଇନ୍‌ଷ୍ଟାଗ୍ରାମ ପୋଷ୍ଟ ପାଇଁ କେତେଟଙ୍କା ନିଅନ୍ତି

ବିରାଟ କୋହଲି ବିଶ୍ବର ସବୁଠୁ ଧନୀ କ୍ରିକେଟ୍ ଖେଳାଳି ଭାବେ ପରିଗଣିତ ହୁଅନ୍ତି। ସୋସିଆଲ ମିଡିଆରେ ମଧ୍ୟ ସେ ବେଶ୍ ସକ୍ରିୟ। ସୋସିଆଲ ମିଡିଆରେ ବିରାଟଙ୍କର ଲକ୍ଷ ଲକ୍ଷ ପ୍ରଶଂସକ ଅଛନ୍ତି। ନିକଟରେ କେଉଁ ସେଲିବ୍ରିଟି ତାଙ୍କର ଇନ୍‌ଷ୍ଟାଗ୍ରାମ ପୋଷ୍ଟ ପାଇଁ କେତେଟଙ୍କା ନିଅନ୍ତି ତା’ର ଏକ ତାଲିକା ପ୍ରକାଶ ପାଇଛି। ବିରାଟ ଏହି ତାଲିକାର ୧୯ ନମ୍ବର ସ୍ଥାନରେ ରହିଛନ୍ତି । ସେ ଗୋଟିଏ ପୋଷ୍ଟ ପାଇଁ ୫ କୋଟି ଟଙ୍କା ନେଉଛନ୍ତି। ଏହି ତାଲିକାରେ ବଲିଉଡ୍‌ର ଆଗଧାଡ଼ିର ନାୟିକା ପ୍ରିୟଙ୍କା ଚୋପ୍ରା ବିରାଟଙ୍କଠାରୁ ଯଥେଷ୍ଟ ପଛରେ ଅଛନ୍ତି। ଏହି ତାଲିକାରେ ପ୍ରିୟଙ୍କା ୨୭ ନମ୍ବର ସ୍ଥାନରେ ଅଛନ୍ତି। ସେ ଗୋଟିଏ ପୋଷ୍ଟ ପାଇଁ ୩ କୋଟି ଟଙ୍କା ନେଉଥିବା ପ୍ରକାଶ ପାଇଛି। ବିରାଟ ପ୍ରିୟଙ୍କାଙ୍କଠାରୁ ଗୋଟିଏ ପୋଷ୍ଟ ପାଇଁ ୨ କୋଟି ଟଙ୍କା ଅଧିକ ନେଉଛନ୍ତି। ଏହି ତାଲିକାରେ ପ୍ରଥମ ସ୍ଥାନରେ ଫୁଟବଲ୍‌ ଖେଳାଳି କ୍ରୀଷ୍ଟିଆନୋ ରୋନାଲ୍‌ଡୋ ରହିଛନ୍ତି। ରୋନାଲ୍ଡୋ ଗୋଟିଏ ଇନ୍‌ଷ୍ଟା ପୋଷ୍ଟ ପାଇଁ ପାଖାପାଖି ୧୨ କୋଟି ଟଙ୍କା ନେଇଥାନ୍ତି। ଲିଓନେଲ୍ ମେସି ଏହି ତାଲିକାରେ ସପ୍ତମ ସ୍ଥାନରେ ଅଛନ୍ତି। ସେ ଗୋଟିଏ ପୋଷ୍ଟ ପାଇଁ ୮ କୋଟି ୭୦ ଲକ୍ଷ ନିଅନ୍ତି। ବିରାଟ କୋହଲିଙ୍କର ଇନ୍‌ଷ୍ଟାଗ୍ରାମ୍‌ରେ ୧୩୨ ମିଲିଅନ୍‌ ଅନୁଗାମୀ ଅଛନ୍ତି।

Leave a comment
The Sakala ପ୍ରତି ମୁହୂର୍ତର ଖବର ଆପଣଙ୍କୁ ଦେଖାଇବାକୁ ଆମକୁ ଅନୁମତି ଦିଅନ୍ତୁ |
Dismiss
Allow Notifications