ଆଇପିଏଲ ୨୦୨୨ : ଗୁଜୁରାଟ ଟାଇଟନ୍ସକୁ ୧୯୦ ରନ୍ର ବିଜୟ ଲକ୍ଷ୍ୟ ଦେଲା ପଞ୍ଜାବ କିଙ୍ଗ୍ସ
ମୁମ୍ବାଇ: ଆଜି ଇଣ୍ଡିଆନ ପ୍ରିମିୟର ଲିଗର ୧୬ ତମ ମ୍ୟାଚରେ ମୁହାଁମୁହିଁ ହୋଇଛନ୍ତି ପଞ୍ଜାବ କିଙ୍ଗସ୍ ଓ ଗୁଜୁରାଟ ଟାଇଟନ୍ସ। ଆଜିର ମ୍ୟାଚରେ ଟସ୍ ଜିତି ପ୍ରଥମେ ବୋଲିଂ ନିଷ୍ପତ୍ତି ନେଇଥିଲା ଗୁଜୁରାଟ ଟାଇଟନ୍ସ । ଫଳରେ ପ୍ରଥମେ ବ୍ୟାଟିଂ କରିଥିଲା ପଞ୍ଜାବ କିଙ୍ଗ୍ସ। ପ୍ରଥମେ ବ୍ୟାଟିଂ କରିଥିବା ପଞ୍ଜାବ ୨୦ ଓଭରରେ ୧୮୯ ରନ କରିଥିଲା।
ପଞ୍ଜାବ ପକ୍ଷରୁ ଲିଆମ ଲିଭିଙ୍ଗଷ୍ଟୋନ ସର୍ବାଧିକ ୬୪ ରନ କରିଥିବାବେଳେ ଓପନର ଶିଖର ଧଓ୍ବନ ୩୫ ରନ କରିଥିଲେ । ଜିତେଶ ଶର୍ମା ୨୩ ରନ ଓ ରାହୁଲ ଚହର ୨୨ ରନ କରିଥିଲେ । ମାତ୍ର ଦଳର ଅନ୍ୟ ବ୍ୟାଟ୍ସମ୍ୟାନମାନେ ନିରାଶ କରିଥିଲେ । ବିଶେଷକରି ଅଧିନାୟକ ମୟଙ୍କ ଅଗ୍ରଓ୍ବାଲ ଓ ଜନି ବେୟାରଷ୍ଟୋ ଯଥାକ୍ରମେ ୫ରନ ଓ ୮ ରନରେ ଆଉଟ ହୋଇ ଦଳ ପାଇଁ ବିପଦ ଟାଣି ଆଣିଥିଲେ । ତେବେ ଲିଭିଙ୍ଗଷ୍ଟୋନ ଓ ଶିଖରଙ୍କ ଲଢୁଆ ଇନିଂସ ଦଳକୁ ବିପଦମୁକ୍ତ କରିଥିଲା । ଗୁଜୁରାଟ ପକ୍ଷରୁ ରସିଦ ଖାଁ ୩ଟି ଓ ଦର୍ଶନ ନଲକଣ୍ଡେ ୨ଟି ଓ୍ବିକେଟ ନେଇଥିଲେ ।