ସାହାରପଡା: କେନ୍ଦୁଝର ଜିଲ୍ଲା ପାଟଣା ରେଞ୍ଜ ସାହାରପଡା ସେକ୍ସନ ଅନ୍ତର୍ଗତ ଭାଲିଆଡିହା ନିକଟରେ ଏକ ଯାତ୍ରୀବାହୀ ଅଟୋରେ ଗୋଟିଏ ବସ୍ତାରେ ଭର୍ତ୍ତି ଥିବା ଚନ୍ଦନ କାଠ ଚୋରା ଚାଲାଣ କରାଯାଉଥିବା ବେଳେ କୌଣସି ସୂତ୍ରରୁ ଖବର ପାଇ ପାଟଣା ବନ ବିଭାଗ ଜବତ କରିଛି। ସେଥିରୁ ଆନୁମାନିକ ଏକ ଲକ୍ଷରୁ ଉର୍ଦ୍ଧ୍ବ ଟଙ୍କାର ଚନ୍ଦନ କାଠ ସହ ବ୍ୟବହୃତ ଗାଡିକୁ ଜବତ କରିଛି ବନ ବିଭାଗ । ଏହା ସହ ଟିକେଶ୍ୱର ମହାକୁଡ଼ ନାମକ ଜଣେ ବ୍ୟକ୍ତିଙ୍କୁ ଗିରଫ କରାଯାଇଥିବାବେଳେ ଅନ୍ୟ ଜଣେ ଅଟୋରୁ ଖସି ପଳାଇଥିବା ଜଣାପଡ଼ିଛି।
