ହାତୀ ଆକ୍ରମଣରେ ବୃଦ୍ଧ ମୃତ
କଳାହାଣ୍ଡି: ଶୌଚ ହେବାପାଇଁ ଯାଇଥିବା ସମୟରେ ହାତୀ ଆକ୍ରମଣରେ ଜଣେ ବୃଦ୍ଧ ମୃତ୍ୟୁବରଣ କରିଛନ୍ତି । ଲାଞ୍ଜିଗଡ଼ ଥାନା ନିୟମଗିରି ପାହାଡର ପାଦ ଦେଶର ଥିବା ଡେଙ୍ଗସରଗି ଗ୍ରାମରେ ଘଟିଛି ଏପରି ଅଭାବନୀୟ ଘଟଣା । ମୃତକ ହେଲେ ରାଇ ମାଝୀ ।
ସୂଚନା ଅନୁସାରେ ଆଜି ସକାଳ ସମୟରେ ଗାଁ ମୁଣ୍ଡରେ ଥିବା ପାଣି ଟାଙ୍କି ନିକଟକୁ ଶୌଚ ପାଇଁ ଯାଇଥିବା ବେଳେ ବୃଦ୍ଧ ଜଣକ ହାତୀ ହାବୁଡରେ ପଡିଥିଲେ। ଫଳରେ ଘଟଣା ସ୍ଥଳରେ ହାତୀ ଆକ୍ରମଣରେ ରାଇଙ୍କ ମୃତ୍ୟୁ ଘଟିଛି । ପୋଲିସ ଓ ବନବିଭାଗ ଘଟଣାର ତଦନ୍ତ କରୁଥିବା ବନ ବିଭାଗ ପକ୍ଷରୁ ସୂଚନା ଦିଆଯାଇଛି।