ଭୁବନେଶ୍ୱର: ଭରତପୁର ପୋଲିସକୁ ବଡ ସଫଳତା । ପୋଲିସ ହାତରେ କୁଖ୍ୟାତ ବାଇକ ଲୁଟେରା । ମାଷ୍ଟର କି’ରେ ରାଜଧାନୀରେ କରୁଥିଲେ ଅପରସେନ । ବାଇକ ଲୁଟେରା ଜଣଙ୍କ ହେଲେ ବାଣପୁରର ଏସକେ. ହାସିମ । ପଣ୍ଡା କୁଦିଆ ବସ୍ତିରେ ରହି ବାଇକ ଲୁଟ କରୁଥିଲା । ତା ଠାରୁ ୧୦ଟି ବାଇକ ଜବତ ହୋଇଛି । ଭୁବନେଶ୍ୱରରେ ମାର୍କେଟ ଅଞ୍ଚଳରେ ପାର୍କିଂରେ ଥିବା ଗାଡ଼ି ଗୁଡ଼ିକୁ ଟାର୍ଗେଟ କରୁଥିଲା ।
ବାଇକର ହ୍ୟାଣ୍ଡେଲ କିମ୍ବା ଡୁପ୍ଳିକେଟ ଚାବିରେ ଚୋରି କରି ନେଉଥିଲା । ନୟାଗଡ଼ ଓ ଖୋର୍ଦ୍ଧା ଅଞ୍ଚଳରେ ନିଜର ବାଇକ କହି ୫ ରୁ ୭ ହଜାର ଟଙ୍କାରେ ବିକ୍ରି କରୁଥିଲା । ଗାଡ଼ିର ମାଲିକନା ବଦଳି ବେଳେ ବଳକା ଟଙ୍କା ଦେବ କହି ଲୋକଙ୍କୁ ଧରା ଛୁଆଁ ଦେଉନଥିଲେ । ଶେଖ୍.ହାସିମକୁ ରିମାଣ୍ଡରେ ଆଣି ରାକେଟ ବାବଦରେ ଖୋଳତାଡ କରିବ ପୋଲିସ । ସେପଟେ ଚୋରି ହୋଇଥିବା ବାଇକ ବାବଦରେ ଜାଣିବା ପାଇଁ ହେଲ୍ପ ଲାଇନ ନମ୍ବର ଜାରି କରିଛି ପୋଲିସ । ବାଇକ ବାବଦରେ ୭୦୭୭୭୯୮୧୧୧ନମ୍ବରରେ ହ୍ୱାଟସ୍ଆପ୍ କିମ୍ବା କଲ କରି ଲୋକ ମାନେ ଜାଣି ପାରେବ ବୋଲି ପୋଲିସ ପକ୍ଷରୁ ସୂଚନା ଦିଆଯାଇଛି ।
