ଫେଲ୍ ମାରିଲା ପାକିସ୍ତାନର ‘ଆମ୍ବ କୂଟନୀତି’, ଉପହାର ପଠାଯାଇଥିବା ଆମ୍ବକୁ ଗ୍ରହଣ କଲାନି ଚୀନ ଓ ଆମେରିକା

କରୋନା ମହାମାରୀ ଏବଂ ଆର୍ଥିକ ସଙ୍କଟ ସହ ଲଢୁଥିବା ପାକିସ୍ତାନ ଏବେ ଏକ ନୂତନ କୂଟନୀତି ପ୍ରସ୍ତୁତ କରୁଥିଲା । ଯାହା ଫେଲ ମାରିଛି।  ଏହି କୂଟନୀତିଟି ହେଉଛି ’ଆମ୍ବ କୂଟନୀତି’ । ନିଜର ବନ୍ଧୁ ଦେଶମାନଙ୍କୁ ବିଭିନ୍ନ ପ୍ରକାରର ଆମ୍ବକୁ ଉପହାର ରୂପେ ପଠାଉଛି। ପାକିସ୍ତନା ଏବେ ’ଆମ୍ବ କୂଟନୀତି’ ଆପଣାଇଛି। ହେଲେ ତାର ମିତ୍ର ଦେଶ କୁହାଯାଉଥିବା ଚୀନ ଓ ଆମେରିକା ପଠାଯାଇଥିବା ଆମ୍ବାକୁ ଗ୍ରହଣ କରିନାହନ୍ତି। ଫଳରେ ପଠାଯାଇଥିବା ଆମ୍ବ ଫେରିଆସିଛି।

ସ୍ଥାନୀୟ ଗଣମାଧ୍ୟମର ରିପୋର୍ଟ ଅନୁଯାୟୀ, ପାକିସ୍ତାନର ବୈଦେଶିକ ମନ୍ତ୍ରଣାଳୟ (ଏଫଓ) ବୁଧବାର ଦିନ ଆମେରିକା ଏବଂ ଚୀନ୍ ସମେତ ୩୨ରୁ ଅଧିକ ଦେଶର ମୁଖ୍ୟଙ୍କୁ ଆମ୍ବ ପଠାଇଥିଲେ। କିନ୍ତୁ ଆମେରିକା ଏବଂ ଚୀନ୍ ଭଳି ଦେଶ ସେମାନେ କରୋନା ମହାମାରୀ ନିୟମ ଦର୍ଶାଇ ଉପହାରକୁ ମନା କରିଦେଇଥିବା ଜଣାପଡ଼ିଛି।

ରିପୋର୍ଟ ଅନୁଯାୟୀ, ଆମ୍ବକୁ ୩୨ ଦେଶର ରାଜ୍ୟ ତଥା ସରକାରଙ୍କ ମୁଖ୍ୟଙ୍କ ନିକଟକୁ ପାକିସ୍ତାନର ରାଷ୍ଟ୍ରପତି ଡ. ଆରିଫ ଅଲ୍ଲୀ ପଠାଇଛନ୍ତି। ଏହି ଆମ୍ବ ପେଟି ଇରାନ, ଗଲ୍ଫ ଦେଶ, ତୁର୍କୀ, ଆମେରିକା, ଆଫଗାନିସ୍ତାନ, ବାଂଲାଦେଶ ଏବଂ ଋଷକୁ ପଠାଯାଇଥିଲା।

ଚୀନ୍ ଏବଂ ଆମେରିକା ବ୍ୟତୀତ କାନାଡା, ନେପାଳ, ଇଜିପ୍ଟ ଏବଂ ଶ୍ରୀଲଙ୍କା ମଧ୍ୟ ପାକିସ୍ତାନରୁ ପଠାଯାଇଥିବା ଆମ୍ବକୁ ଗ୍ରହଣ କରିବାକୁ ମନା କରି ଦେଇଛନ୍ତି। ସମସ୍ତ ଦେଶ କରୋନା ପାଇଁ ଆମ୍ବକୁ ଫେରାଇ ଦେଇଥିବା କାରଣ ଦର୍ଶାଇଛନ୍ତି।

Leave a comment