ପ୍ରଧାନମନ୍ତ୍ରୀ ଭାବେ ଶପଥ ଗ୍ରହଣ କଲେ ନ୍ୟୁଜିଲାଣ୍ଡ୍ର ‘ଲେବର୍ ପାର୍ଟି’ ନେତା କ୍ରିସ୍ ହିପ୍କିନ୍ସ୍
ୱେଲିଙ୍ଗଟନ୍ : ବର ପାର୍ଟିର ନେତା କ୍ରିସ ହିପକିନ୍ସ ନ୍ୟୁଜିଲାଣ୍ଡର ୪୧ତମ ପ୍ରଧାନମନ୍ତ୍ରୀ ଭାବରେ ଆଜି ଶପଥ ନେଇଛନ୍ତି । ଜେସିଣ୍ଡା ଅର୍ଡର୍ଣ୍ଣଙ୍କଠୁ ହ୍ୟାଣ୍ଡଓଭର ପ୍ରକ୍ରିୟା ପରେ କ୍ରିସ୍ ହିପକିନ୍ସଙ୍କୁ ଔପଚାରିକ ଭାବେ ଶପଥ ଦିଆଯାଇଛି । ତାଙ୍କ ସହ କାର୍ମେଲ ସେପୁଲୋନି ଉପ ପ୍ରଧାନମନ୍ତ୍ରୀ ଭାବରେ ଶପଥ ଗ୍ରହଣ କରିଛନ୍ତି । ବ୍ଲୁମବର୍ଗ ନିଜ ରିପୋର୍ଟରେ କହିଛି ଯେ, ଏହା ପୂର୍ବରୁ ହିପକିନ୍ସଙ୍କୁ ବୁଧବାର ୱେଲିଂଟନରେ ଗଭର୍ଣ୍ଣର ଜେନେଲାର ସିଣ୍ଡି କିରୋ ନିଯୁକ୍ତ କରିଥିଲେ । ସେ ପ୍ରଥମେ ପ୍ରଧାନମନ୍ତ୍ରୀ ଅର୍ଡର୍ଣ୍ଣଙ୍କ ଔପଚାରିକ ଇସ୍ତଫାକୁ ସ୍ୱୀକାର କରିଥିଲେ ।
୪୪ ବର୍ଷୀୟ ହିପକିନ୍ସ ପଦଭାର ସମ୍ଭାଳିବା ପରେ ଅର୍ଥବ୍ୟବସ୍ଥା ଉପରେ ଧ୍ୟାନ କେନ୍ଦ୍ରିତ କରିବା ଏବଂ ମୁଦ୍ରାସ୍ପୀତିକୁ ମହାମାରୀ କହି ତାର ଉପାୟ ଆଧାରରେ ବ୍ୟାକ ଟୁ ବେସିକ୍ସ ଦୃଷ୍ଟିକୋଣର ପ୍ରତିଜ୍ଞା କରିଥିଲେ । ଅନ୍ୟପକ୍ଷରେ ଜେସିଣ୍ଡା ଅର୍ଡର୍ଣ୍ଣ ନ୍ୟୁଜିଲାଣ୍ଡର ପ୍ରଧାନମନ୍ତ୍ରୀ ଭାବରେ ମଙ୍ଗଳବାର ଶେଷଥର ସାର୍ବଜନିକ ଭାବରେ ସାମ୍ନାକୁ ଆସିଥିଲେ ଏବଂ କହିଥିଲେ ଯେ ସେ ସବୁଠୁ ଅଧିକ ଲୋକମାନଙ୍କୁ ମନେପକାଇବେ କାରଣ ସେ ସେମାନଙ୍କ ପାଇଁ ଚାକିରିରେ ଖୁସି ରହିବାର କାରଣ ଥିଲେ । ଅର୍ଡର୍ଣ୍ଣ ଗତ ସପ୍ତାହରେ ଘୋଷଣା କରିଥିଲେ ଯେ ସେ ନିଜ ପଦ ଛାଡିବାକୁ ଯାଉଛନ୍ତି । ଏହାପରେ ଲେବର ପାର୍ଟିର ସାଂସଦମାନେ ପ୍ରଧାନମନ୍ତ୍ରୀ ପଦଭାର ସମ୍ଭାଳିବା ପାଇଁ କ୍ରିସ ହିପକିନ୍ସଙ୍କ ପକ୍ଷରେ ରବିବାର ସର୍ବସମ୍ମତି କ୍ରମେ ମତଦାନ କରିଥିଲେ ।
